ابوذیّات ردود بنکهات
هلی ابدیوانهم حاجز مینطر
ابعفاء و ابعوز طرواهم مینطر
او حارس سورهم لیله مینطر
بخت عدهم ابثوب العز هویه
...
احیود او ما نطگ الراح بالراح
ولا ننذل من الی راح بالراح
نهبش اقیود ماضی الطاح بالراح
او نطحن صبر و انشافی البلیّه
...
هلی مرکب ابطن البحر ما مال
اصیل او زودوله الحمل ما مال
لطم بینه العریضی ابکثر مامال
صمدنه او ما یهزنه ابکل حفیّه
...
هلی لیث البیوم الضیج منخی
او رکاب اخیولهم تنفرد منخی
هلی ابنخواتهم تستعد منخی
حوت اببحر تلطم کل ردیّه
...
هلی نیران کبری منگلینا
او نوصل للیضدنا منگلینا
نحطمه الگلنه گوله منگلینا
شباب اشباح عدنه اتهز الاسیاد
...
هلی حکم العداله من دللهم
او یکرمون التبعهم من دللهم
هلی فارت النخوه من دللهم
ابکاس العز تضوگ الحمّل او شال
...
عسل طبع اهلی ما من مرّه بیهم
الکرم للضیف یعجز مرّه بیهم
یشایل نعش موتی مرّه بیهم
ابحیاتی البعض من گطعوا علیّه
...
یطارش مر علی الخلّان بسروح
ابسلامی و اطوی الودیان بسروح
او گلهم ذاک چان الیود بسروح
عظم ابجلد متلبّس او باد
...
اغراب الشوم ظل ینغط حوالی
جفوا و ادیارهم ضلّت حوالی
احن لحبابی الکانوا حوالی
الضحی اظل نایم ابزود المبعدین
...
الجفونا ابللیل شالوا وندبلهم
اعزاز او تابعتهم وندبلهم
رکبت اذلولی غایر وندبلهم
یدور الصوت بالذیال الجبال
...
هلی الزرعوا الطیب ابصبخ تمّن
او صعدوا فوگ عالی النجم تمّن
یمطلوب الذیّاب اشلون تمّن
شبچ منصوب الک و اغطاه التراب
...
هلی ابمیدان ما واحد غداهم
ولا زامطهم الناکس غداهم
اسباع الحومه کل فارس قداهم
یشیل العلم بیده الیعربیّه
...
هلی الرحلوا گصونی راح الیّه
اچّم حید الفگدته راح الیّه
ذکرهم شم عطرهم راح الیّه
بگت بس الصور میعاد الاحیاد
...
یزاهد گلبی شاب ابنار دنیای
ضگت مر الزمان ابزود دنیای
ابتوالی اللیل افسّر حلم دنیای
اضن من جافله او گربت بالخیال
...
علی الزینین اجر اجریر حادو
اون و انغم غمیج الجرح حادو
الذلیل ابّین غربه الزلم حادو
اعلی حگّه او تصطره اید القویّه
...
هلی یالیاخذون الثار بزور
او شدّوا بالعگل رکبات بزور
التایه ما یکضّه الشلّی بزور
القوّه الترد کل طاغی ابردیّه
...
هله یالیاخذون الثار بثّار
او طوب العزّه داوی ابنار بثّار
تشوف اعلوج یم الدار بثّار
خل تاکل کلاب الچمچرّیه
...
یحگنه اظهر ابدار الاهل سعنا
ابکرامتنه و املنه الوصل سعنا
الحق فوق الثریّه او صاح سعنا
افچوچ السایبه تاکل بالمراد
...
الکرم و النصر حگنه موگدنّه
او ثوب الذل نخلعه موگدنّه
اصبی العین حگّه موگدنّه
لان اغباره ینزل بیه بالارکاد
...
الشهم ما ینطبج و ایحوف مفرد
ابجنایه او سیف لا شد عزم مفرد
الوحده ایغیر صوب المعر مفرد
تلهثه انبال گوم الغایره احبار
...
الخذوا حگهم من العادوا بهادو
الشاخوا بالخطا او لاذوا بهادو
ابخیانه امضایف النادوا بهادو
اشیفید النوم لو حرگوا ثنیّه
...
عرب بیّن نسبهم من عگلهم
او یزیدون المخربص من عگلهم
یشربون المعادی من عگلهم
العطّش کل بشر من آل امیّه
...
اهلال العید و ابیومه هلینه
ابفرح و ابادب عایدنه هلینا
کثیره ادموع للماتوا هلینه
من الوجنه او نزل نهرانه خنیاب
...
اجناب الحادوا امچنیات بالعین
طویل العیط ما ینشاف بالعین
الکاع الرمک شت ابعید بالعین
اذا اترخّیت ما منّه بجیّه
...
احبابی الوکت ضکهم ماهدلهم
اسباع او مطر طگهم ماهدلهم
المعاشرهم نکرهم ماهدلهم
عکف و اعتکف عاس اعلی الخویّه
...
ابظلام اللیل اوضح الملح والشب
واطفّی نار کلمن غضب و الشب
هبغ بیّه الشباب او هذب والشب
قلعم صرت و اتعکّز بدیّه
...
دبدب صوب درع الدجم یادال
دلیلی العگل دیدب درف یادال
درقل و احتضن بالبیر یادال
استراض الوادی من غیث الاسراب
...
یا من علیک الگلب در وانثر مطر من جرا
وایشان زلفک سگف نص جسمی او کسر منجرا
واسرار حبّک ذهب دفنیت العتب من جرا
لو بیدی امر بیک واکشف لک جرح منفتگ
وابعینک اتشوف دم الّی یخر من فتگ
تعرف بالاسرار من هاجم محب من فتگ
انت الجرحت الگلب وانت الّی افعلت من جرا
...
امن اذکرک ما انام اللیل وانشد
عزیز او لجلک انظم شعر وانشد
لون گلبی اعلی عنقک ختم وانشد
واعیش اویاک کل عمری ابخفیّه
...
هلی سیف العده گطّعوا وصلت
هلی بالحرب نار احرگت وصلت
هلی صولاتهم للغرب وصلت
او للمرّیخ صعدوا و الثریّه
...
گطن وجناته متعجّب من الحوش
احبّه و انشد او عاجز من الحوش
حبیبی صرّحوا شایل من الحوش
ظلام او دامس اخلی او عم علیّه
...
البادت لحمته چا بیش نخله
الجیر اویه العجین اشلون نخله
متی ما خضّرت بالچتف نخله
العدو یرجع صدیق ابهل مسیّه
...
التضرر و ابحماتک دوم یبرا
او کسر الضلع بالترچاب یبرا
الورط بالحب تگلّی اشلون یبرا
اذا ایبدّل گلب تلفی المنیّه
...
البنه طیب او محنّه بیتهنّه
الوطن جنّه او مزهره بیتهنّه
اشو مظلم او دامس بیتهنّه
هله لا وین شالوا یا نویّه
...
الحلو مرّه یمرنی مرّه انس له
مرّه انجن ابحبّه مرّه انس له
مرّه اشتم گذلته مرّه انس له
او مرّه یحترگ و ایذوب بیّه
...
جاسم ثعلبی (الحسّانی) 17/05/1400
:: برچسب‌ها:
ابوذیّات ردود بنکهات ,
:: بازدید از این مطلب : 943
|
امتیاز مطلب : 0
|
تعداد امتیازدهندگان : 0
|
مجموع امتیاز : 0
عضو شوید
عضویت سریع
آمار مطالب
آمار بازدید
