قصیدة أاخر رسالة
إلندبته إو عبر سبع إبحرولکفای
إکرمه إتمرحب إلذاته ولکفای
إبن عمکم إبدم دمکم ولکفای
یشیل إلحمل یوم إلموزمیّه
...
إلگلب للی یودّه إنشعب ماهاد
إو گلّی إبیوم طگ إلفشگ ماهاد؟
إلدمع من یومکم للیوم ماهاد
إلسبب شنهی إو حکمتونی إبردیّه
...
شریت إلبیه محنّه إبذهب ولدر
إو عدوی إلهرب وکت إلضیج ولدر
أنا إبن إلهور و إبن إلریف ولدر
أدگ و أنثر غضب یوم إلمنیّه
...
إلگلب ما یقبل أتحمّل ومرکم
لإن ضایج حلاوتکم ومرکم
بعد ما أود أخاویکم ومرکم
طلعتوا أجناب ما عدکم حمیّه
...
دنی ألنفس من یهرس ولاحس
إلیگص إبزورته غاطس ولاحس
عجید إلشاطر إو فارس ولاحس
إبن إبوه یتسمّی إلیطهر إلثنیّه
...
إبطور أحبابی أنظمنّه وجربیه
لشد حبل إلوصل و أعقد وجربیه
کلامی إویاک أعربنّه وجربیه
إترکه إبضیمه إلیعاند خویّه
...
إلسماء نازل علی و أتنخّه بإلخوّان
عجیبه أولاد عمّی إو لیش ماجونی
عمر عایش معاهم ما أحس تعبان
همّه إحزام ظهری إو نظرة إعیونی
طشّرنه إلوکت خبصتنه إلعدوان
تاخذ ثار منّه إو تهدل إمتونی
یریت إلفکره توصل و إلعگل نیشان
إذا عایل إبحقهم خل یفهمونی
إحنه أحباب دمنه یجری بإلشریان
إو جد واحد أصلنه إو لا یبعدونی
کبرینه إو تعبنه إو نبنی بإلدیران
إو سکنّه إبدار حبنه إلکل یواسونی
ختلانه إلوکت یلعب یفرهد مان
إلکرم إلهم رجوعه إو لو یکرمونی
ما محتاج مال إو لا قلیل إلشان
ولا محتاج جاه إلکشرة إسنونی
ولا راید قصاص أتعنّه کلمن هان
أریدن گلب طاهر للیبارونی
أتنومس إبعزهم و أهلی بإلدیوان
إبعید إو فرح قادم لو یهنّونی
بعد کافی إللیامه إتفلّش إلحیطان
إلزعل مرفوض یعلم ما تجازونی
إخوکم و إبن عمکم و إلعمر خلصان
بعد إلموت نخسر لو تعازونی
زیلوا کل عداوة إبلعنة إلشیطان
إبتابوتی و أحن و أنتم تدفنونی
أنا إلکم وطن و إلوطن ما ینهان
فوگ إلهام چفّیّه إو تعلّونی
ما یخسر إلتابع أهله لو سلطان
إبکلام إلبیه ندامه لا تجرحونی
إعزاز إهوای عندی إو مسندی إلأیمان
غریب إلدار أفکّر لو تزهدونی
أنا إبن إلإصاله و إلأدب بیبان
باب إلخوّه ینسد من تکرهونی
شنهی إترید تتفاخر إبطگ إلدان
لو حایر إبصیتک لو تلزمونی
خلّونی فشگ للتفگ وکت إلحان
إخوکم و إبن إخوکم و أوفی بدیونی
إلما یعرفنی خل ینشد أنس و إلجان
إلظالم ما أطیعه أو لو یگطعونی
ما شایل خشم لا طارد إلجوعان
ولا بایگ خلگ و إلکل یعرفونی
أرید إلخوّه ما أحبّن شخص طمعان
إو صادق بإلکلام إو لا تلومونی
شایل بخت رایه إمعلّگه إبمیدان
إو رایی مای زمزم لا تبدّونی
خلّونی إلعیبی إمونّس إلجیران
و إلصدقان سادتهم یعزّونی
إذا مسنی غریب إیمسکم إلسجّان
ولا زین إببختکم لا تجربونی
کلامی إلیوم أختمه إو شاهدی القرآن
آیاته بحر و أنتم تهمّونی
خلونه بخت للما یعرف أحنان
کلامی ذهب و إبربکم تسمعونی
إلما عنده إخو ما یسوا صم إتراب
و إلعنده إخو یتفاخر إبعونی
های أاخر رساله ما أزید إلحان
إبدمی أبصمهه إلکم و إنتم إضنونی
جاسم ثعلبی ألحسّانی 24/01/1401
:: برچسب‌ها:
قصیدة أاخر رسالة عتاب مع ألخوّان ,
:: بازدید از این مطلب : 857
|
امتیاز مطلب : 0
|
تعداد امتیازدهندگان : 0
|
مجموع امتیاز : 0
عضو شوید
عضویت سریع
آمار مطالب
آمار بازدید
