أُغنیّة ربّیت حگ إربای أریده
إلگلب بجفاک حن و نتحب ویّاک
کبرت أو أنا ما قصّرت ویّاک
إذا تنکرنی تنکر وطن ویّاک
غریب إو تفتر إو مالک هویّه
...
گلبی إنکسر و أبچی إعلی حالی
چا وین ولیانی إو حلالی
ربّیت حق إربای أریده
تنکرنی و أنا إمّک وحیده
عتبی إعلی گد فکری إو خیالی
...
إبکاروکه أهزّه ألولی إعلیه
و إلچنت أرضعنّه و أدفّیه
سهرانه لیلی إو ما أنامه
أستانس إمن أسمع کلامه
واعدنی یوفیلی إبدلالی
گلبی إنکسر و أبچی إعلی حالی
چا وین ولیانی إو حلالی
...
و إبکل وجودی عرّست له
شلت إلعبایه إو هوّست له
من یبتسم یشفی إبدلیلی
و إلإبتسامه أدری إویه غیری
لمریته یرضیهه إبمچانی
گلبی إنکسر و أبچی إعلی حالی
چا وین ولیانی إو حلالی
...
مثل إلحمامه إیفر و أباریه
إبگیض إو شته شلته و أناغیه
ما حسّبت هیچی یجازینی
إبّین إلغرب و إتصب دمع عینی
تعبیت أشو محد وفالی
گلبی إنکسر و أبچی إعلی حالی
چا وین ولیانی إو حلالی
...
إنعاب گلبی إو ریت أچوّیه
ضمّدته بجروحه و أحاچیه
یم إلولد مهظومه گعدیت
تفخت إمریته إو عافت إلبیت
و أدری إلولد یتسمّی والی
گلبی إنکسر و أبچی إعلی حالی
چا وین ولیانی إو حلالی
...
إعلی إلراس إُمّک تاج حطها
من هو إلیوافیهه إبأجرها
حوریّه ما هی إنسیّه فهمیت؟
و أنت إبحلیب إُمّک تربّیت
لو فارگتها إلبیت خالی
گلبی إنکسر و أبچی إعلی حالی
چا وین ولیانی إو حلالی
...
إُمّک حنینه إو دوم تهدیک
إعداک إلسبوها إتحشّم إعلیک
إتهلهل إو متهاب إلمنیّه
و إبعلم رفعتهه ألوصیّه
إلزم سیفک إتحزّم یغالی
گلبی إنکسر و أبچی إعلی حالی
چا وین ولیانی إو حلالی
...
إلعاند إبیّک لا تحاچیه
و إلیکره إُمّک لا تمر بیه
شمس إو گمر یمّک یضوّون
من ضیم عدوانک یعانون
ما ینگطع منهم وصالی
گلبی إنکسر و أبچی إعلی حالی
چا وین ولیانی إو حلالی
...
أنت إبأرض ساکنها خطّار
و إلطائفیّه إتدمّر إلدار
حط عینک إو کل إحنه خوّان
رگبت فقیر إبعون شبعان
من توگف إگبالی دوالی
گلبی إنکسر و أبچی إعلی حالی
چا وین ولیانی إو حلالی
...
جاسم ثعلبی ألحسّانی 15/03/1401
:: برچسب‌ها:
أُغنیّة ربّیت حگ إربای أریده ,
:: بازدید از این مطلب : 1267
|
امتیاز مطلب : 0
|
تعداد امتیازدهندگان : 0
|
مجموع امتیاز : 0
عضو شوید
عضویت سریع
آمار مطالب
آمار بازدید
