أبوذیّات أجراس إلطغات
أرقمونی إبمشکله إو ربعی یروها
أنکسونی إو بلّغوا ضدّی یروها
أهاب إعدای من تسمع یروها
علی إحبابی إو یتهمونی إبردیّه
...
إلدهر بعدای و أحبابی وعانی
إلسهمهم وصل طگ چبدی وعانی
بعدنی إمخدّر إبضیمی وعانی
إلجرحوا گلبی لیمرّون بیّه
...
إلتِبس ثوب إلکرامه إبعدّه البچّاک
إو لتعاشر إلطاع إو هوه إلبچّاک
إلیضحکک عوفه تابع یخی إلبچّاک
یجبرک تبتعد من کل بلیّه
...
بشر و أتمنّه متحمره شفتهه
إمکوشه إمدگدگه إتخوّف شفتهه
عذاب إو ضیم إلف حسره شفتهه
خبله إو مو کفو لزگت حفیّه
...
یدنیّه إویاچ إلی عتبه ولیثار
إو نسیتی إلعدّه إلچ عیله ولیثار
چمدّتی إبفشگ صرّطتی ولیثار
إبصلیه إو بعدچ إتحودین بیّه؟
...
إلگلّب خزّن وسع جرحه بیادای
إو طبیبی رافض إیداوی بیادای
أحفرت گبری مع أحبابی بیادای
أنکروا کل طیببی و إنهاروا علیّه
...
إلدهر بالینی حس بإیذای ونسه
إبصلحه إو وسّطت له إرجال ونسه
إشمعدّیله یزد عیلات ونسه
إیتبختر یرمی بسهامه علیّه
...
إیتهنّه إلشالت إیده أقلام وعلام
تکرمه أهل إلثقافه أسلام وعلام
إشما زاد إلنبح بکلاب وعلام
إفتهم جایسهم إبضربه شفیّه
...
تعیّد روحه إلمساند ورحماه
إلطایع ربّه حومیله ورحماه
إلدنت نفسه إو یخل بهله ورحماه
نذل مندوس خلفة بربریّه
...
أفوّض بأمری إلی ربّی وردلی
ینادینی إو یضر ربعی وردلی
إبمحنتی و أمتحن صبری وردلی
مثل أیّوب أجر ونتی إبخفیّه
...
إلما قدّرنی ما أهضمه کرهنی
إو من مثلی رهن گلبه کرهنی
إلأحبّه إو گتله أموتن لک کرهنی
إلأکرهنّه إیتمنّه إیبوس إدیّه
...
إلمحن بإلعلن وکت إللفن وثرن
إبحیاتی إو چودرن و أخلفن وثرن
وجوداً صیطرن لمّحن وثرن
إعلی گلبی إو نیشنن بصمات بیّه
...
إلحمل زاد إعلی ظهری إبقهر گبّن
إبقفص گلبی إو روحی إبنار گبّن
إبنهتّی و أحس بإلحسرات گبّن
إعلی صدری إیبینن إحدیثات إلیّه
...
یگلبی إلجرّحک مفلوک وسلاک
أمرهملک و أصیر إدواک وسلاک
دگ بإلصبر و إلهم عبر وسلاک
إعلی حار إو بارد إو تصفه إلصفیّه
...
إخوک إلعاند إو ما یحل خلفاک
یهیض إو تدری بین إلنّاس خلفاک
مرض یسری إبشتات إو یصل خلفاک
إو یظل سوسة بله نار إبعصیّه
...
یگلبی إبلزمت إحدودک مبارک
یلاهی إنزلنی إبمنزل مبارک
إبإطاعة خالق إلعالم مبارک
علی إعناد إلحسود إلبس تقیّه
...
إلعوج یمشی أگص شیبه وزلمه
أیبسه و ألزم إحدوده وزلمه
إلشاخ إبصیته مو بسمه وزلمه
إلعمل بإلحق یخی یرثی إلهویّه
...
إیتمصلح و إلّی عنده إویاک حیّه
إلوفه و إلما وفه یا گلب حیّه
علی و إلچنت أحبّه إنگلب حیّه
یبدّل ثوبه کل لحظه إبنویّه
...
إبحصاد إلهم حسبته ماطعنّی
إنگلب و إبّیر ذبنی ماطعنّی
لخوی إجدامی یمشن ماطعنّی
إلگلب ذکّرهن إشما عمل بیّه
...
إلعنید أحرق جفن عینی وشفتی
تبزّه إبعینه دهدرتی وشفتی
کله عنبی إو کسر سلتی وشفتی
إلأسف ما ترضی ذاتی أعمل ردیّه
...
إبرب إلخالقک دینک وحلفاک
إشتراجب أنت عد ربّک وحلفاک
ترید أگعد لک إبدارک وحلفاک
و أسوّی مثل ما عملیت بیّه؟
...
جاسم ثعلبی ألحسّانی 31/05/1401
:: برچسب‌ها:
أبوذیّات أجراس إلطغات ,
:: بازدید از این مطلب : 921
|
امتیاز مطلب : 0
|
تعداد امتیازدهندگان : 0
|
مجموع امتیاز : 0
عضو شوید
عضویت سریع
آمار مطالب
آمار بازدید
