سفیر الحب

حرب الغاضرّیه 10

هجم عبّاس او ضرب شمر اللعین

گطع روس ابن الاسد کل معتدین

شردت اصفوف الکفر صوب النخیل

لبدت او هربت بعض منهم دخیل

هوه و اخوانه نزل یم الفرات

راد یشرب مای حاطتّه الطغات

ترس جوده او راد یرجع للخیّام

ابفکر زینب راح و اطفال الکرام

ایعاین اعلی الخیّم مکشوف الدرب

زاد عزمه ایوصّل المای العذّب

وره النخله او ضربه اجتّه ابیمنته

حوّل السیف الیساره ابهمّته

انضرب من جذع المقابل بالیسار

مکر مکروه هیّل اعلیه الدمار

زادت اعلیه الرماح اتولتّه

یم اخوته اهل المنایا او دگّته

دافعوا ما گدروا الاف الجنود

چمّلوها ابلمّت الهارب یزود

جاهدوا حد المنیّه استشهدوا

یم اخوهم بالثنیّه اتمددوا

اتبسّم العبّاس راد ایشوف اخوه

عینه هملت شاف نهلان ابن ابوه

اجاه ابو السجاد حبّه او شممه

بیهه ابو فاضل ابزینب ذممّه

اجت زینب و الفواطم باکیات

ابفگد ابو فاضل کفیل الکل ثبات

قالت زینب لاخیها العبّاس علیهما السلام:

یعبّاس خویه انت الجبتنی

من المدینه او سیرتنی

و ابکربلاء حرمه عفتنی

و امن الاحبهم هجرتنی

فاضت الروح الابیّه او عافته

بین ادین احسین مالت رگبته

شالته النسوان و ازنوده وراه

ایخطّن احذ الجسد و ادمومه ابشفاه

وفّه العبّاس دینه او ضل امیر

مثل مضروب ابعجل دایم یسیر

لشاعر اهل البیت:

جاسم ثعلبی (الحسّانی) 08/06/1399

حرب الغاضرّه 9

بیهه صاح احسین و اتعده الخطاب

وینکم یا گوم من هذا العذاب

انا ابن حیدر علی و امی البتول

او جدی سید المصطفی او آل الرسول

الکعبه قبلتنه او ربنه الکل وحید

لیس ینهی ابعترتی الخاین یزید

لم اخوته الشهم عبّاس الوکیل

بگه بالخیمه فقط بس العلیل

شاط من شاف الجثث متبحثره

بعد ما عنده صبر و ایصبّره

ایرید لف الگوم صوب المشرعه

اطفال عطشانین کلهه امصرّعه

طلب رخصه امن ابن ابوه الهدّته

اجتّه زینب من گفاه او جرّته

قالت زینب للعبّاس علیهما السلام:

وینه الکفلنی او رایح ایشیل

واعدنی اخوی او جاعد ایعیل

عایفنی وحدی ابسکرة اللیل

دارت علیّه اجیوش و الخیل

اجابها ابو الفضل علیه السلام:

یختی انه اویاچ واگف عالعهد

بنت ابوی او ما اخوننچ ابد

سیفی بیدی او للحرب بیه مستعد

ما اعوف احسین سید اکوانهه

اتقدم ابترحیب اله او جاه الشمر

شاف عبّاس البنی هاشم گمر

قال الشمر اللعین للعبّاس علیه السلام:

انا خالک و اجیت اهدیک بالرای

و اریدنّک عجید الجیش ویای

عوف احسین یحلم لذّة المای

الجنّه بالدنیا او تهد بیبانهه

قال العبّاس علیه السلام للشمر اللعین:

الزم اعنانک و لا تگرب علی

انا غیر احسین ما عندی ولی

الیوم یوم الغیره روحی اتدللی

اگطع ارگاب او اهدم ارکانهه

قالت زینب (ع):

اشوف البطل منخطف لونه

بس لا عن اخیّه یفردونه

اشوف الشمر کشخل اسنونه

او من الهواشم یبرونه

قال العبّاس لاخته زینب علیهما السلام:

خویه لا تنعین گومی هلهلی

لا تهمّین ابکفر واتدللی

جیمه ابجیمه او لحلیهم حلی

الثار فوگ العار لشعل نارهه

لشاعر اهل البیت:

جاسم ثعلبی (الحسّانی) 07/06/1399

حرب الغاضرّیه 8

کربلاء اتحن للذّی من زارها

و الهواشم اجت تاخذ ثارها

دگت اطبول العزاء تنشد تصیح

او شاهد ارسوم النصر گامت تفیح

اتقدّموا للحومه عدّه من الرجال

میمنة عبّاس ابو فاضل تقال

طلبوا اذن امن الحسین المعرکه

اتوکلوا للموت و الحق سالکه

اجت زینب ودّعت بضع الدلال

جاسم ابن الحسن سابگ هالرجل

قالت زینب (ع):

یخویه الحسن ریتک معانه

و ایزید بجیوشه او لفانه

تعبانین بالهم عطّشانه

مهتم یذل بینه او سبانه

ثم قالت:

یعمّه الولی خالی بچانه

افراگ النودهم غذّبانه

لدیار غربه بعّدانه

او بارض الفله تنزف دمانه

قال لها جاسم ابن الحسن علیه السلام:

عمّه لا تبچین گومی ادللی

ادافع ابسیفی علی ارضی او هلی

الیوم اسویهه مثل حملة علی

الروح لجل احسین بیده ارسانهه

ثم خاطب عمّه الحسین علیه السلام و قال:

عمی عد عیناک ما اخافن محال

ابسیفی اطوی الگوم ما اهاب الرجال

اتهون گوم ایزید لشتلهه شتال

او سیفی البتّار کافی ابشانهه

اتقدم الهم علی الاکبر للبراز

چنه جده افضل اسباع الحجاز

طاف بالحومه او کتل فرسانهه

فارس الفرسان دگ دیرانهه

صاح انا ابن احسین و النعم الحسین

انا جدی النبی و الطاها الامین

او جدی الکرار فارس بالضرب

ابذولفقاره اتهابه شجعان العرب

الیوم وین الناویه او وین افرار

الیوم اخلیهه قیامه الدنیا نار

غارت الفرسان و الکون انگلب

حاطت الکفّار سادات العرب

اتبارزوا بالحومه بس طگ السیوف

العطش کاتلهم او فرسان التحوف

دارت اعلیهم زلم خیل او نبال

الیرمی یرمی و الیطگ ما کو مجال

ظلمه صارت من کثر دخانهه

الدنیا شبّت من ضرب شجعانهه

حاربوا لاخر نهایه ابکل عتاد

اسباع حیهم شتلوا اورود الجهاد

لشاعر اهل البیت:

جاسم ثعلبی (الحسّانی) 06/06/1399

حرب الغاضریّه 7

صالت الکفّار برماح او سیوف

و ابتدت نیرانهه ابحرب الطفوف

خطب ابن المرتضی الحیهم گرب

احنه معصومین ما نبدی ابحرب

الحرب نیران او قتل هتک او دمار

ابرفس و ابترهیب ما نجنی ابثمار

حاوره ابن ازیاد و ابرمحه رماه

سلت سیفه احسین طگّه او کسراه

رجع للیمّه او امّر بالدفاع

الکفر ما تفهم لفه وکت الصراع

افترت اعلیهم جیوش الدایره

اسهام ترمیهم سماهم ماطره

ابتغضوا الاصحاب من نار الغضب

اتشاهدوا و اتبارو الموت الگرب

فرد هدّه او زالوا ارکام الطریر

الطاح طایح و الهرب تایه مصیر

بارزوا شجعان بانبال او سهام

اتطشروا بالگاع مکشوفه اللثام

کشفوا المیسره او زادتهم عزم

الغاضریّه التشهد ابحقهم زلم

جاهدوا حتّی النهایه ابکل ادب

او بیهه متجیشین ثلثین العرب

انترست الحومه جثث عین التشوف

امضرّجه اعلی الگاع ممدوده ابصفوف

ادموم سالت و اروت ارض الیابسه

حمره صارت و الرمال امعدّسه

وفّوا الانصار من خف القتال

بیهه ممطوله الزنود اعلی التلال

استشهدوا کلهم علی درب النضال

الجثث تترافف بعد ما ضل سئوال

للهواشم وصلت الهجمه ابعلم

شالوا اجساد الانصار احذه الخیّم

ودعوهم و البچی والهم رعید

های تالیت الغدر بیهم یزید

لشاعر اهل البیت:

جاسم ثعلبی (الحسّانی) 05/06/1399

حرب الغاضرّیه 6

جمّع الاصحاب بالکوفه الامین

والروایه اتقسّمت للشاطرین

ابوفاضل قاد گوم المیمنه

المیسره الاصحاب قادتهه ابثناء

بعد قتل الطفل و اشتد القتال

والسماء مفروشه باغبار او رمال

ابهل صعوبه او لم لم اصحابه الحسین

راد ینصح کل اسوده النادمین

خبراهم حرب و الموت او عذاب

العطش و الحر بیهه تنعد الشباب

کلمن اتعز روحه و ایرید السلام

دربه اامن یذهب ابعز و احترام

کلهه صاحت لا یبن بنت الرسول

لو نعوفک یم رسول اللّه اشنگول

ما نعوفک وحدک ابشد الرکاب

انموت گبلک لو سده اعلیک المصاب

غربلاهم ما بگه بیهم رهین

اصحابه و اعیاله او عمامه امطوّعین

صف بنی هاشم او ذکّرهم ابهای

انه مطلوب الکفر تفتر ورای

خبرونی الیوم اریدن یا عباد

غایتی درب الشهاده و الجهاد

من یرید الدین و الطاها الامین

نعلن ابضد الکفر و الناکثین

صاح عبّاس ابادب و اشما تگول

انت قایدنه یبن بنت الرسول

الامر بیدک ما نهاب امن الکفر

بعد ما عندی صبر حتّی انتظر

لا تجرّبنی ولا اعوفک محال

و الخیانه ابد مو طبع الرجال

ما تفرنی الگوم لا خوله او عمام

لا طمع لا حکم لا حب و احترام

شاعر اهل البیت:

جاسم ثعلبی (الحسّانی) 04/06/1399

حرب الغاضریه 5

دمّه ایخر علیه روف الجرح روفه

امّه اتحن علیه بس رادت اتشوفه

شاله او چفّنه او مر الدرب هیمه

ردّاه مرتجل یم عمته بالخیمه

زینب تندعی وین الصبر یا روح

کشفنّه الفواطم و الطفل مذبوح

سمعت امّه بیه و اتحنّت ابدمه

کشفت ثوب جرحه ابنحره و اتشمّه

زاد الون علیهه ابشیلة  الکاروک

محتامه اعلی ابنهه و الگلب مفروک

گامت شالته اعلی السدّر حطّته

امه اتحن علیه و ابموته رضعتّه

صار الصار بالکوفه الحرب بالصف

ونین او لطم لحفاد النبی بالطف

علی الاصغر شهید اول یشهدونه

دفنوا جثته احبابه الیعازونه

لا بیهه کمش لا بیهه شگ اثیاب

لا بیهه لطش بالطین لا بتراب

بس نوح او غزاء و اعتاب قرآنی

الائمه اصل الادب لتحاور السانی

الائمه اهل الفضل و الجود رایتهم

یکرمون الفقیر ابعرفه غایتهم

ما یاجد فقیر او همّه موجودین

ولا ظالم یعیش ابقصره متحذرین

باسمهم توصل الکل عایلة منکوب

النیّه و الضمیر ابغایتک مطلوب

اذا ردنه الحساب الباطل انعوفه

کل یوم الیمر والحضره مصفوفه

مصاری او ذهب والماس او عطر و احساس

اذا تتوزع ابحق تغنی کل النّاس

یالمسئول فکّر هذا حق مسکین

لا تلطم فقیر ابحلگه باسم الدّین

ائمتنه ابحیاة او موت معروفین

یکرمون الخلگ بالدنیا مسئولین

شاعر اهل البیت:

جاسم ثعلبی (الحسّانی) 03/06/1399

لطمیّه باسم: وفّه ابنچ للزهراء یم البنین

نوحه به نام: ای مادرم وفا نمودم به حسین

و کانمّا أم البنین سلام اللّه علیها تری ولدها قمر العشیره فی عالم الرویا و تسئله عن وفائه فی کربلاء مع اخیه الحسین علیه السلام و اتی بالنداء.

بدرستی ام البنین (س) مادر ابو الفضل العبّاس قمر بنی هاشم در خواب رویاء می بیند حضرت عبّاس علیه السلام و او را از وفایش با امام حسین علیه السلام می پرسد و با این ندا آمد.

وفّه ابنچ للزهرا یم البنین

ام الاقمار....

بالطیف چن عبّاسها اتشوفه

بس هامته بالعمد مخسوفه

ابعینه السهم و امگطّعه اچفوفه

...

چنهه تساله و الدمع یجری

او نار الصبر وسط الگلب تسری

سولف علی امّک یا ابو فاضل

اشسویت بالطف یا بعد عمری

-----------

ای مادرم وفا نمودم به حسین

مادرِماهِ بنی هاشم .....

ام البنین در خواب فرزندش رو دید

زخمِ عمیقی در سرش جویید

تیر تو چشمش دو کفش ببرید

...

جویایِ حالش شد و اشکش ریخت

آتشِ صبرش تو دلش آویخت

قصّه بگو به مادرت عبّاس

در جنگِ عاشورا چه کس بگریخت

---------

گلها عبّاس....

یم البنین استمعی هالبشره

ابنچ الشاطی اتملّکه ابکبره

بس گبل اخیّه ما شرب گطره

...

بیچ احلفت عالمای یا عینی

ما اشربه لو ما یشرب احسینی

امن اچفوفی لزمن گبل اخوی المای

فوگ النهر گطّعت چفینی

---------

عبّاس گفت.....

مادر دلم خبر خوشی آورد

ساحلِ علگمی تصرّف کرد

آب گوارا بی برادر درد

...

نمی خورم به چشم قسم خوردم

و بی حسین نوشیدنش سختم

وقتی دو کفّم آب رفت آنروز

رو موج آب دو کفِ من کندم

-------

عندچ اخبار......

لیش السهم هالنابت ابعینی

ما ردت اشوف الوحده احسینی

واللّه کسر گلبی و عله اونینی

...

یا یمّه ریتچ لو تشوفینه

من شافنی او کض ظهره بیمینه

ذاب الگلب من های الحچایه

محد لخیّک خاطر ایعینه

-----

خبر داری؟....

چراش  می دانی تیر به چشمم خورد؟

تنهایی حسین دلم را برد

دلم شکسته ناله ام آورد

...

می بینی خسته ولی بی تردید

وقتی من و دید کمر تابید

ذوب شدم از شرمِ دیدارش

تنهایی بین دشمنان جنگید

-----

یم العبّاس.....

من عالنهر طاح ابنچ الکافل

حرمه اجتّه و ابدمع هامل

و اتنادی یبنی یا ابو فاضل

...

گلتلها یعنی های انتی ام البنین؟

گالتلی انا فاطمه ام الحسین

لیش اعلی راسچ لاطمه مو عالصدر؟

مکسور صدری ابعصرته ذاک اللعین

------

نزدیکِ عبّاس....

ضامنِ زینب حافظِ پیمان

کنارِ رود آمد زنی گریان

صدا نموده ای ابو فاضل

...

گفتمش تو ام البنینی نازنین

گفت من فاطمه مادری حسین

چرا بر سر می زنی چرا  ناله می کنی

چون سینه هایم له نموده آن لعین

------

متن العربی للشاعر الشیخ حسن عبیداوی جمادی الثانی 1441

متن الترجمه باللغه الفارسیه للشاعر جاسم ثعلبی (الحسّانی)

02/06/1399

حرب الغاضرّیه 4

اتحدّه ابو السجاد ینذرهم نذیر

ابذاته راد ایشوف هم یاجد نصیر

ابعینه راد ایشوف یشخلهم شخل

الگلبه متعنّیه من ذاق البخل

راد نصرت ناس لل آل الرسول

وجد عدّه او تبعته الداره او تنول

جتّه زینب والطفل یابس شفاه

ماکو جرعة مای و ایبلل گفاه

...

قالت زینب لاخیهه الحسین(ع):

یخویه الطفل ذبلان احس بیه

او صوب الکفر للحومه ودّیه

عطشان جرعة مای واسگیه

هلبت رحم منهم یرویّه

...

امن اشوف الطفل ظل گلبی ممرود

ایفتش اعیونه او غمض اردود

او درب الفرات المای مسدود

ما اجد نگطة مای بالجود

...

دارن علیه کلهن خواته

یون الطفل وامگبّلاته

امن العطش مجروحه شفاته

ایجالع او ما تفتک لهاته

...

شال الطفل شد راسه او خذاه بالطاس

هم عدهم ضمیر اعلی البشر و احساس

گرب لیهم او حامل چبدته ابهیده

تگرّب حرمله او لازم سهم بیده

طلب منّه الحسین الطفل خر محتام

ما شارب حلیب امضن ثلث تیام

اریدن مای اشّرب طفلی العطشان

بری الطفل ما متصدی بالمیدان

خذوه من سدر ابوه الحرمله یسجیه

ضرب رمحه اللعین ابدمه ایرویه

ردوه للحسین او دم قلیل ایسیل

امودع حضن ابوه او دمع عینه ایسیل

شاعر اهل البیت: جاسم ثعلبی (الحسّانی) 02/06/1399

حرب الغاضریّه 3

جاب گومه ایزید صر اعلی القتال

اتحشّدت صبیان و ارجال او نبال

یا عرب بالحرب من هو المستفید

دگّت ابدمامهه او تهجم ترید

اترید تاخذ ثار بس اللّه المعین

الکفر عطشانه علی قتل الحسین

الناس متحشده مثل هسّه المگام

اتراب والهوسات دارت عالخیام

کلهه مدسوسه ابذهب لو بالمقام

ایزید شاریهه او صایغیهه تمام

اجیوش بال الاف متحشده ابعداء

اتحارب السبعین باطفال او نساء

والفقیر التاه عگله او ما سمع

باع دینه ابذهب بس لجل الطمع

ضهضب العبّاس من شاف الصهیل

طاف ابو السجاد و اتحده العلیل

خل عزمهم ابد ما خاف الرهیب

رده لحسین او رجع مغضب مهیب

مر علیهم فارس اویاه زفّزته

اجاه علی الاکبر او کسّر رایته

حادهم بالحومه حد المشرعه

مده یم العلگمی او بیه صارعه

اخذ طاسه او سیفه بس خلّاه اسیر

اعطاه لبوه السیف باغلافه الحریر

اسباع متحده العزم بایمانهم

ناری کبری و الفخر من شانهم

رایة التحریر مکتوبه ابدلال

ابغدر و ابتسلیم ما گالو محال

اولاد حیدر ما تهاب امن الحرب

ابذوالفقار الدین تضرب بیه ضرب

زینب الحره ابهلاهل زفّته

اتشوف ابو السجاد وزّع قادته

اشبول ابو الیمه ابشجاعه امحزمین

عرس عدهم للشهاده امگوطرین

شاعر اهل البیت: جاسم ثعلبی الحسّانی) 01/06/1399

حرب الغاضرّیه 2

اجاب ابو الفضل العبّاس زینب (س)

ابسیفی البتار اطشرها وارد

لا تهمچ گوم وامرهه مرد

الیوم لبن ازیاد ما واحد یرد

وافرش المیدان بس بارگابهه

...

یشوف احسین رفّت رایة العبّاس

 سمع زینب لبو فاضل محاچیهه

اجه یمهه او گعد و اشتم هوا الدلال

یواعدهه لان محد یغاثیهه

...

قالت زینب (س):

یحسین خویه او روحی متهید

عمّت علیّه فرحة العید

مظمومه عتبه الکم یصندید

دارت علینه الگوم شترید

...

اجابها الحسین (ع):

زینب اشتردین گولی اددللی

ما اهاب الگوم و اسبیهم سبی

الیوم اسویهه مثل حملة علی

والاحرار الیوم تعلی ابشانهه

...

اجابها العبّاس (ع)

ما اطخ راسی واهیدن مستحیل

ارجعی للخیمه وانا الگایل کفیل

اگطع ازنود الذّی بیکم یعیل

سیفی بیدی یخسه کلمن رادهه

...

ردت للخیم طلعت علیهه اطفال

عطشانه او ترید المای یسگیهه

زوّار  او علی حر الرمل یمشون

 یتیم الفاگد امه  ایضل یباریهه

دم سال اعلی درب الخطت بیه النوگ

سکینه اترید ابوها ایشوف رجلیهه

...

قالت سکینه (س):

امدلله او قدری عذّبانی

الی وین جابانی زمانی

للکوفه بالحر وصّلانی

ابین العده او دهری سبانی

...

اجابتها زینب(س):

گتلچ یعمّه لا تونین

انرد للمدینه اردود تردی

والگوم مفتره اعلی الحسین

ابدون اخوتی وین الدرب وین

شاعر اهل البیت: جاسم ثعلبی (الحسّانی) 31/05/1399

هوسات بحق الحسین و العبّاس علیهم السلام

الشاعر ما گدر یجتاز عبّاس او تفاصیله

وصل للخیمه شاف اطفال عطشانه او تباریله

اخذ جربه او ملاهه ابمای والکفّار تربیله

من ضهضب گطّع ضرعانه

...

شرید احچی علی العبّاس مل منّی القلم سلّم

بطل والعلم بیده اسلاح ابن حیدر علی امقدّم

قاید وفّه دین احسین شد احزامه و اتلثّم

یذکرها التاریخ ابیومه

...

شجاع او اسد بالمیدان ما فارس مثل حاله

شاف احسین ضاگت بیه هز سیفه او تنخاله

لبس درعه او ذهب مشتاق للخیمه او تعنّاله

عبّاس ایضل ثایه او رایه

او لیهسّه الرایه انشد بیهه

...

الیحس ابغیرة العبّاس سالت دمعه بعیونه

البنی هاشم گمر سموه یستاهل یسمونه

عین ابعین و لفرسان ما گدروا یلاگونه

مکروه الما بیهم شیمه

ابسد النخله او تتربّاله

...

رکبینه ابسفینة نوح راعیهه الیباریهه

احسین الایه بالقرآن واجب نتّحد بیهه

الحضره الضیّفتنه اسنین للموت  او نواسیهه

ما تبعد نهتم مشّایه

مکتوب  اسمه ابوسط الرایه

حید او بایعناه ابن العلویّه

...

الطبر و الطین اباساسه کلهه بدعه امفرزنه

احسین ما راید کباره او  لا یحب السلطنه

احسین راید حکم عادل او لا نعیش ابمسکنه

عطشان استشهد بالحومه

من تشرب مای اذکر یومه

الگدهه استشهد یوم الملزومه

...

احسین  ضحّی ابتضحیاته او شالوا الراس ابرمح

اخر اوداعه ابوجنته مو جرح میة جرح

داست اعلیه الحوافر یربی زینب منطرح

ما طوله ایون ما گربوها

من بعده اخیمهم حرگوها

ها الحید ایون و احنه احفاده

...

یا هله ابعاشور من هل یا هله او کل الهله

ما مذکوره بالتاریخ قصّه

مثل قصّة کربلاء

الشیعه غرگانه ابحزنهه او للزیاره امهروله

ابکل بیت او مرفوعه الرایه

...

شاعر اهل البیت:

جاسم ثعلبی (الحسّانی) 31/05/1399

حرب الغاضریه 1

یجی ریح الحزن من هل شهر عاشور

قصّة کربلاء او دایم نهم بیهه

ناس الراسلتّه اشلون خانوا بیه

مصیبة کربلاء و احسین والیهه

الولایه امن الحسن واصلته بالتقریر

اموصّیه النبی او واجب یوفیهه

دعا اصحابه او عمامه والیحب طاریه

او راواهم رسایل والتودّیهه

تبنوا للطلابه او سار ضعن الشوگ

الکوفه او کربلاء المقصد یدلیهه

الهواشم گوطروا بالدرب بالتدریج

واصحاب الحسین ارثت معانیهه

النساء ما عافن اسباع الغزت بالضیج

حتی اطفالهم بالحومه تربیهه

اعلام انرفعت او عالی علم عبّاس

سابجهم کلامه او فر یکر بیهه

مسدود الدرب والحر جفاه الصیت

عطشانه الفواطم من یساجیهه

غیّر رایه الحر وانعطف بالریج

لم  جیشه او عمامه او ضل یهد بیهه

وصل جیش الحسین ابکربلاء التاریخ

یم العلگمی او دگ ثایته بیهه

من دگوا خیمهم غارت الفرسان

اشتعل دخان گوم ایزید یعمیهه

عشر تیام حر او عطش فوگه الجوع

او تعبانه العوایل من یهدّیهه

اجت زینب تصیح العطش یا عبّاس

 کفیلی وین خل یغضب یروّیهه

بالسان العقیله زینب:

کفیلی وین وینک یا ضوه البیت

و امن المدینه الکربلاء جیت

انخاک وانت البالعرب صیت

یا خویه من التعب ملّیت

شاعر اهل البیت: جاسم ثعلبی (الحسّانی) 30/05/1399

ابوذیّات رنین العاشقات

اذا عندک خبر عاجل وامربیک

گلب ثانی اصبحت عندی و امربیک

ما احتاج ادگ بابک و امر بیک

عندی احباب تنطر بالثنیّه

***

احبّک و احب من حبّک ونحباک

و احب صوتک یجننی ونحباک

لون جلاد و تضربنی ونحباک

اکرهک لیش و انت اتحن علیّه

***

هواک اینسم ابعگلی واحس بیه

طفل یلعی ابطن گلبی واحس بیه

الزعل من حبنه غسلیته و احس بیه

لطیف انت او ترد روحی علیّه

واشرّه ابعید لا یرجع علیّه

***

المکان البیه حنانی فر هدانی

ابشعر رمشک طوانی فرهدانی

مو انی الغزیتک فرهدانی

صدتنی انت او شعلت النار بیِه

***

ما هم ابوجودک نهل و الراح

مهجتی انت و امل دنیای والراح

گلت للشامت اشتم فخر والراح

حبیبی الجنّه وانت البیک اذیّه

***

الهم والغم ابجیتک خلخلیته

الگلب مشتاق حبّک خلخلیته

امن اهد یوم العرفتک خلخلیته

اشمّک لو اشم عطرک بدیّه

***

دویت ابنار حبّک و انت یمی

صرت دنیای .لیلی وانت یمی

ترید المای منّی وانت یمی

وانا العطشان خاتلّی ابزویه

***

الوصالک ما کعت لحد ولا هید

اباثر نابت وسط ظهری ولا هید

بعد ما احمل افراگک ولاهید

امسافر وابخیال اتمر علیّه

ابسفر نسمة هواک اتاذی بیّه

***

جاسم ثعلبی (الحسّانی) 29/05/1399

نارنی الضحی

الف رحمه اعلی ابیّک لا تأذینی

خبّرنی اشصایر ما تحاچینی

المراکب غرّگت لو دهوراک البین

شنهی السبب حایر و انت ناسینی

گلبی ایصر علیّه او بالشوارع تاه

ردت عنوان بیتک ما تدلینی

کاتلی نفس گلّی الفصل موجود

سکوتک نار کبری او لا تدمینی

هم تقبل تطمنی ابگبر حد الموت

اخذ گلبی رهینه او لا تعادینی

ماطولک ردتهه اویای هاک ابهاک

روح ابداعة اللّه او لا تبارینی

ناطرنی الضحی او شایل ثلث عتبات

مثل جمرة جگاره ابغفله تچوینی

ذابحلک رهینه او ترمی دمی ابللیل

ابندم  مجروح اجیلک لا تداوینی

اذا ذاب الگلب و اتحزّم ابتابوت

اترک گبری ابضمیرک لا تعازینی

جاسم ثعلبی (الحسّانی) 27/05/1399

بیت المقدس

خبر عاجل لاح ما افهم صفیره

ابتاع بیت المقدس ابنشعة دلال

اینکم یا مسلمین

ابتاعت ابوضح النهار

فرهودوها الظالمین

الحدمن السکته او کتلنه الهم کثیر

و العیون امساهرات

اندهست ابسچة قطار

انکشفت الصفقه ابسحین

و الفلسطینی یناضل للنجاح

و ابهتاف اللّه و اکبر صیحه حی اعلی الفلاح

بالحجاره ایدافع ابضد احتلال

بالخنادق لازم ابچفّه السلاح

غیر ربّه او صیحت امه

لا فلا ناصر ینصره او لا معین

یهدر ابدمه الثمین

یا حسافه و الوطن حاضن دمار

حب فلسطین ابشعار

بالعمل ما صح قرین

آه دگات الدهر یبچی اعلی ثوره

آه غزه الناظره الدیران اهلهه

آه سمعتهه الجثث من الخلیل

و السجون انملت من برکان اصلهه

الحگ کلاه الثور و التاجر بخیل

الضفه حزنانه اعلی صیت الشع یذلهه

امن العرب صاحوا دخیل

و الدخل حق الذلیل

هیه عربیه او تهز رایة نصرهه

و الاصیله اعلی الرذاله ما تمیل

هیه حره

او لا تساوم سوگ یرفض من غصبهه

او لا تطخ الراس للذل من فتاوی الظالمین

بیهه معروفه الرجال

ما تطخ للذل محال

و ابقیادتهه الابیه

ترفض اصل العنصریه

و الشعب حافظ ضمیره

شفته مکتوب ابمصیره

ما یهاب امن الرصاص

والشهاده اتزید عزمه

الجنّه مرسومه ابحنانه

خل تشوف الخاسئین

الخائفین ، الناکثین

و ابصلحکم یا عرب ناگص نظرکم

نادمین ، امدمّرین

و الشعوب البیهه شاره ما تضل امشبگّین

یا فلسطین الهویه

یا قدس جاء الحسین

خاف یتاخر علیچ

او خاف مشغول ابمحنته

بس ابشرچ میه بالمیه یجیچ

والحزن ما یبغی للتالی اعلی متنچ

او ینزع الثوب الحزین المبتلیچ

عرب و احرار او نضوگ الما حسبنه

و الشعوب البیهه شاره ما تضل امشبگین

جاسم ثعلبی (الحسّانی) 26/05/1399

عروس الکون

النور نور اللّه و خلقهِ متنورهً

کما تضیَ الشمس نهاراً صاطعا

تشعشعت البحار و مدّ َحنانها

و جائت السحاب بزلزالٍ ابلقٍ لامعا

هبّت ریاح الصبر و انکشفَ سطح الغطاء

و نزلت اصوات ترعبَ و الهطول منتشرا

هلهلةَ عروس الکون و الارض انکست

و بلورت زهور العاشقین سادحا

و تماشت النهرانِ بماءٍ جاریاً ازرقاً

و تکاثرت الاجیال فیهِ مسربة ً مادحا

و نزلت المیاه شافیةً فی برکة الصفا

و ترابت الاجیال فی الحال فیهِ ناطحا

ابتسمت لخلق اللّه کالبحار تبرّجت

و زارها الصیّاد و عاش عمراً غانما

یومٍ جمیلٍ یرقی القلب فیه نادراً

داعیک یوماً لرویت الاسحار شاعرا

هب الریاح و زغارد المکونات زبرجداً

یا ریت ابغی فیه ساکناً موبدّا

هذا جمال اللّه یکفیک لا تعاندهُ

  اقبل کمال الدال والقدرةَ علماً مکملا

ارجوک یا روحی تماسی و طیعی مناسکهِ

لا تخلفی وعد  الوعید و الامر مقربا

جاسم ثعلبی (الحسّانی) 25/05/1399

ابو ذیّات الم الحاسدات

المحب مثل الگمر زاهی شگفله

شسیر امغیر الوانی شگفله

الگلب راداک اذانی شگفله

امن اسجنه ایضل یحشّم بالثنیّه

***

الگدهه او طیب معروفه یعدله

ابو اطباع الرده ابصوفه یعدله

الشهم بالذهب غاروفه  یعدله

علم یزهی ابمضیف البیه حمیّه

***

الشفایف حمر و اتلالی شهد بیک

اعیون او حاجب اهلالی شهد بیک

اماسّر و انت تبرالی شهد بیک

و انا المشدود ارید اتحل ادیّه

***

خفیته او تذکر الماضی او تشر بیه

دریت ابالم تابعنی او تشر بیه

ابحسد و اتغرغر ابشوگی او تشربیه

او صرت جاسوس خاف ایمر علیّه

***

اخوی التابع الشامت وامر بیه

شهت من طبعه و اخلاقه وامر بیه

النکرنی ما اطب بیته و امر بیه

امره ابیوم نتحاسب سویّه

***

عساک ابخیر هدّینه و مرنه

ختل بینه الزعل یسمر و مرنه

تعال او ضوگ حامضنه و مرنه

او تعرف اطباعنه او تدی التحیّه

***

الدنیا اتحاشمت هاجت وعت بیک

اعلمک هید لا تنغر وعت بیک

صدیج او اشرک ابهمّک وعت بیک

امن اعلمک ترجع اترد تذم بیّه

***

احبک و انصحک و اضحک و الم بیک

و اداوی اعیوبک او جرحک و الم بیک

اگربنّک علی سدری و الم بیک

ترد لیورا و اتکشخل علیّه

***

جاسم ثعلبی(الحسّانی) 26/05/1399

ابوذیّات بحق الشمّات

انعطفت النظرت اعیونک ودارک

سهرت او داوی ابنارک و دارک

علیک اهموم احس بیهن و دارک

متی یا یوم نتگابل سویّه

***

غزانی الحب شلع گلبی و هد بیه

علی الشمّات گطفانی و هد بیه

ابقفص مسجون تانیته و هد بیه

اهد وایسد ابو اطباع الردیّه

***

شجاک او خرّبت طبعک و دینک

من هم شبگّوا عگلک و دینک

مو مشلول حتّی اهتم و ادینک

تخون ابقولک او ترجع علیّه

***

عزیز انت العربنه و انتمنّه

عساک ابخیر یشگر و انتمنّی

اذا گلبک یرعبک وانتمنّی

اشتظن خسران اجر ایده امن ادیه

***

طفّی نار غیضک منتگدها

الطلابه اختم ملفهه منتگدها

العداله اشلون حلوه منتگدها

الظلم مو زین یشحن کل اذیّه

***

ابوجنتی الوکت شامه و اشعلامه

اعلی گلبی ایدر ندامه و اشعلامه

بعد کافی الخدامه و اشعلامه

اذا مرّه یمر وایعیل بیّه

***

تأثرت ابحنانه و اشفه خلّه

علی خدنه ابدمانه و اشفه خلّه

ابغدر مایه او روانه و اشفه خلّه

شربته او گصص اریاگی ابخفیّه

***

تشیر الغیر و اتباطش ثلث لا

الحچی ثلثین صدگته ثلث لا

احس بیه خیزران اصله ثلث لا

امن اهزّه ابشوگ یتکسر بدیّه

***

العبر بحر الهمم ناجح وشگفای

تزامطنی او تمص دمی وشگفای

ابناک اتداوم ابطگی وشگفای

ابفرد لیله او تموع ابّین ادیّه

***

اجاک الضیم من طبعک ویهلاک

شجاک او مرّضت روحک ویهلاک

سبب تدمیرک او شوطک ویهلاک

امن اعلمنّک تضل تزعل علیّه

***

اعلی حگنه الدهر قادر حلفّانه

یروح او یجی امسافر حلفّانه

حرفته امن المعابر حلفّانه

عرف طبعی او جلس من دون اذیّه

***

ولیت اسباع تولینی ولا هم

احبابی او زاید الشامت ولاهم

اعلی راسی جبل هم ذمهم ولاهم

لان شبعان ضیم امن الدنیّه

***

جاسم ثعلبی (الحسّانی) 24/05/1399

لطمیّه باسم ویّه احسین ماشین

خطاب سکینه علیه السلام مع عمها العبّاس سلام اللّه علیه

وینک یعبّاس هالسار الضعن

و الدمعه بالعین لتگول انسبن

ثابت عزمنه ابرافع الرایه

سار الضعن للکوفه مشّایه

ماشین، ماشین ، ویّه احسین ماشین

بطفال او نسه و ارجال صلفین ،ماشین ، ماشین

هز ابسیفه عبّاس ، شجاع او رافع الراس

شعب لجل الشهاده مستعدّین

ویّه احسین ماشین

***

وین ابو الحسنین واسمع صولته

شاع الحرب شاع زینب رادته

برماح او نبل متقدمه رمایه

وانصار النبی صاروله تچّایه

هاوین ، ناوین ، ویّه احسین ماشین

والهمّه ابعزمهم نحیی الدّین

ماشین ، ماشین

و اتلگّه المنیّه ، شهید الغاضریّه

مصیبة کربلا اتهز المساکین

ویّه احسین ماشین

***

طال السفر طال احس گلبی نگد

وصلتنه الاخبار من مسلم رگد

اطفال او نساء گاموا یبارونی

ابطال الحرب بدهم یعازونی

سلّیت، لطمیت، ما ضل دمع بالعین

سارین ، هالحین ، ویّه احسین ماشین

اسود او کلهم ابطال ، یندمون الذّی عال

یزید او زمرته کلهم ملاعین

ویّه احسین ماشین

***

عطشانه الاطفال وصلنه الکربلا

تعبانه الاعیال دعتنه ام العلا

اندگّت خیمنه او دارت اعلینه

گوم الکفر گامت ترامینه

تراوالی الخبث زین ، یروحی لا تهمّین

ابعزم فاگد الچفّین ، ویّه احسین ماشین

اخوتی البیهم الزود ، اسود او تحمی الحدود

یزینب ما الومچ لا تلومین

ویّه احسین ماشین

لشاعر اهل البیت: جاسم ثعلبی(الحسّانی) 22/05/1399

دوبیتی صدف

ای دل چه صفا دارند حرفای صمیمانه

خود بین کدام عاقل دیوانه به دیوانه

خیلی زندگی سخته مسکین که بدبخته

هر شب تا سحر بیدار من با تو و پروانه

***

مرا اینگونه کم دیدی گهر بار و وفابارم

زمین و آسمان عشقم تو هر لحظه خدا یارم

به درد و غم نمی بازم به هر سازی نمی نازم

تویی دیوانه می خندی و من آتش به دل دارم

***

سرسختی و دل تاریک بشکن بزن ای دیوار

عمری است سپر کردی با کس نشدی غمخوار

در زندگی بی تابی مشکوکی به دل خوابی

تشنه و زلالِ آب محتاج شدی انگار

***

تو پاره تنم بودی چه شد ناله شدی بر من

همرازِ دلم بودی چه شد ظاهر شدی دشمن

در شادی و در غم ها در گرمی و در سرما

در محنتم ای بی رحم  ، جلاد . زدی گردن

***

قربان دلت ای یار برگرد رهت باز است

ناراحت شدی لا باس بازنده سر افراز است

در کندر بسی زنبور گلهای شغف بیدار

جان چشم براهِ تو چون بلبلِ طنّاز است

***

دودی زده دنیایم آغشته به دل تنگی

طوفان و سیل آمد آلوده به صد رنگی

دیوار زده دورم محبوس شدم انگار

همرازِ دلم بیمار چسبیده به سرسنگی

***

دیوانه صفت بنگار در عهد و پیمانم

ساحل تو نشو غمگین دریایِ صدف جانم

مأیوس نشو قربان انسان و عطفِ  آن

در سختی و در شادی همراهِ تو می مانم

***

ای یار مپرس از من گمراه تو می دانی

هر کاری که من کردم تفهیم نه زندانی

فریادِ نصیحت را در گوشِ تو می خوانم

بیدار نشدی از خواب حس کردی پشیمانی

***

جاسم ثعلبی (حسّانی) 20/05/1399

دو بیتی تختِ زندگی

گلبرگِ تو می مانم ای دوست نشو غمگین

دریاب حقوقِ خلق خودیاری گهی شیرین

ما را چه گناهی هست غمگیرِ خطایِ تو

در زندگی قانون است جرمِ گمرهی سنگین

***

ای یار طمع در عشق آتشکده در خانه

گر یار دگر داری ول کردی غریبانه

نابود نکن بیگاه گلهایِ شریکِ خود

کو عدل و وفای قلب کو عدلِ صمیمانه

***

از لحنِ دلت معلوم می سازی به دل بازی

حرفِ دیگران پوچ است مغرور به خود راضی

در بسترِ بیماری جانم به لبم چسبید

در محضرِ مهمانان در جشنِ تو می نازی

***

ای یار چرا چون ماه در عرف ادب لختی

عشقِ با هوس باعثِ بی خانه و سر سختی

باران زده سبزه دم کرده هوایِ پاک

چشمت به شرف بسپار خود قاتلِ بدبختی

***

آه . دلبر می پسندی سر و سامانت کنم

مایلی جان دلم با بوسه درمانت کنم

تو مریضی رویِ تختِ زندگی بی کس ترین

پس نپرس از من چرا در دلم زندانت کنم

***

دلتنگِ کسی هستی می دانی و می دانم

عشقی تو دلت لبریز در چشمِ تو می خوانم

دوست داری بگویم کیست یا ترسِ هوا ابریست

مأیوس نشو با شرط ، درمانت به درمانم

***

مأیوس نشو ای یار از اشکِ غمِ سردت

کی گفته شفایت مرگ از رنج و دلدردت

عشق و عاشقی پیمان تنها راهِ حل ایمان

تا دیر نشد امروز بشتاب به دلبندت

***

ای کاش سفر نزدیک من خوش خنده می میرم

از یار و از دیوار ، وَز زندگی دلگیرم

در خانه شدم زندان تحریم زدم خویشان

دیدار نه . از تفریح .از عشقِ رمغ سیرم

***

جاسم ثعلبی (حسّانی) 22/05/1399

ابوذیّات طریق الجنّه

جزاء الاحسان اکرمنّک ورد لک

او حنان ابّطن دلالی ورد لک

اخذ منّی العهد اشتل ورد لک

اعلی بیبان الگلب و ادّی التحیّه

***

جمالک هدّم ابحیلی وعانی

اعلی بیتک لحظه دلانی وعانی

امنهد یوم الذّی جانی وعانی

الگلب مخنوگ حاضن الف اذیّه

***

ابشبک صدت الگلب بیدک و عدلک

اکرمه او خلّه یم بیتک و عدلک

اعتقد ما تخلف ابعهدک وعدلک

نظل احباب بیتین ابثنیّه

***

العگل ما طاع اتبعنّک و اجر بیک

حملت اهمومک او لومک و اجر بیک

طریق الجنّه احسّنک و اجر بیک

امن اکرمنّک صلاة او صوم الیّه

***

الگلب تعبان اشوفنّه و اسر بیه

امدلل ما اعوفنّه و اسر بیه

ابجمیع احلامی اشورنّه و اسر بیه

الحیاة اویاه اذا ضاع امن ادیّه

***

یصاحب لا تلوم الّاع لولام

هجم بیته الزمان اوجاع لولام

الدهر دافن له اب بالگاع لولام

یحگله ایلوع اجل صبح او مسیّه

***

الحمل لو ما تشیله الزلم بالمال

القادر یکرم الایتام بالمال

التاثّر یزهی بالاحلام بالمال

یعیش ابعسر متحمّل اذیّه

***

التوسط بین هذا او ذاک منهان

الفتن و اسباب کل الزعل منهان

اگلّه الدرب ذاک ایگول منهان

ما یندل او ادری ایعم علیّه

***

 جاسم ثعلبی (الحسّانی) 20/05/1399

لمن یحب اشعار خاصه یراسلنی علی الرقم الخاص علی الواتساب

00989399506846

کرهیت الیحبونک

هم عندی گلب واحساس او هم اشتاگ لعیونک

اذکرنی او خل دمعتی اتسیل لو باچر یدفنونک

تانیتک لیال اهوای انت سلوتی ابدنیای

تعال اشما ترید اتگول تکفی احچایة اشلونک

لیش امزوهر او خجلان تکضیهه ابزعل تعبان

الما تذکرهم ابترحیب طبعاً ما یذکرونک

اترید اجیک او اگعد ابابک مثل گعدة یتیم

اترید البس ثوب الاسود و احزن امفارج لئیم

اترید اشیل الغیر دیره او تشتل ابداری الصریم

بس ما کو حیاء و احساس بعد ما کو محنة ناس

اسف یا گلب لاباس نگطت مای واتبدت

ضاع العمر هاک ابهاک او من کل شی یحرمونک

الگلب تعبان ما اعرف سبب علته

مثل مای النهر یمشی العمر سکته

زفیته ابرعید او زود

عریس او لهانی الضیم بزویریج دللته

ما اریدک تجینی ابوکت حدر الگاع

ذاک الوکت یسعد لک یبعدونک

الغرگان ابنهر ما ینکر البلام

و الحب من صدگ ما یرتوی باحلام

رفّات الگلب مو بالذهب تنسام

العین البیهه اذیّه امن الیتبعونک

زحمه انگولهه راح الولف ثانی

گایلهه صدگ تبعد او تنسانی

قولی اوحید  موفی  ابعهدی تلگانی

طایر بالسماء اتحومی او تهدم اگلوب

سلبیت العداله او هدمیت اسلوب

یا مسکین .شوف العین کرهیت الیحبونک

الروح الربتک من ینکر ارباها

تکفیک الندامه او تحزن اویاها

تضل خسران تضل حیران سایل تفتر او ولهان

یا هو الخان اعلنهه ابگعدت الدیوان بلکت هم یعذبونک

ما خسریت ادگ رایة حربنه ارفعهه فوگ الصیت

و اسوی حفله من یوم الذی طلعیت عفت البیت

ما ذلیت ولا لحظه اختنگت الشوفتک حنّیت

لان طلعیت ما ردیت ولا حلمیت

ما صاحوا اباسمک جان لو فلتان

کلهه اتصیح خاین من یندبونک

بسمک ما یسمونک

اعذرنی لو یکرهونک

امفارج چلمة اشلونک

ما عایز یرجعونک

جاسم ثعلبی (الحسّانی) 26/05/1399

اسحیر اللیل قصیده فکاهیّه

اشو گایم تفرفر یا اسحیر اللیل

شو طایر الوحدک خربت احوالک؟

مو تندم گلتلک چنت خیمه احذاک

عساک اعزب تضل و اتخیّب امالک

غشّاک العریضی او خطف گلبی اویاه

یرید الروح منّی او یسرق اذلالک

هه هه حیل ویّاک الضحک مسموع

لان شامخ علی الی کسروا ادلالک

یجی وکت الحصاد او منجلک مکسور

کلمن مهتم ابروحه اباخذ مالک

صایر لی حکم حکمک سلف منهوب

چا شو صوفرت من سرقوا انعالک

مثل ما صار بیه ایصیر بیک اتشوف

ما فزّیت لمّن حافوا اجمالک

ابّناک انت الوصی واتصیر طارش خیر

صح النوم خایب نهبوا اسلالک

تضل اوحید مشلول الظهر مندوم

                                                                                                           العذاب اویاک ذاک الوکت یحلالک

دخّانک عمانی او ما تنام اللیل

اذکرک من تعربد یکثر اسعالک

غریب اویاک اسولف دعوه کون اتصیر

عساک ابزوجه دبسه اتصخم احوالک

ولک ما تسوا انصحک بس غدرنی الشوگ

عوف الشوگ اگطفه و اتبگّه بهلالک

یایابه الدهر دگاته تشفی اگلوب

احچایه امطرّزه و اطلعهه من بالک

25/05/1399

09/10/2020

غربان الفله

سهرت اللیل کله او ما غفت هالعین

الولی اعلیهه واترد تنده اهمومی

اچفّن و ادفن المرّن علی صعبات

احس کلفات

ای واللّه اخرکن بالذات

موبس بالخلگ وزّن عذاب البین

گامن لبسن اهدومی

سود او مثل غربان الفله ایخوفون

کبیر الهم یأشر بس علی یومی

یگلی یا بشر جیتک و احشّم بیک

لملمت الهموم الدنیا اجت بجیوش

اجیتک فاضح اعلومی

گتله ادخیل

گال الدخل بالتنکیل

گلتله انشیل

گال انوب بیّه اتعیل

گلت لا باس

گال ای واللّه طخ الراس

امن الدغک تکتل اسمومی

دگ احدوده گال البس ملابس سود

راح او رد علیّه اردود

بیده السلّه و العنگود

او یمه اکوار ما ینشال

مسفوف ابذهب متراچباته احبال

یمه احزام بکتاره العوچیّه

عاف الناس کلهه و التهه بیه

مغرور او شرور او عنده دنیا اشگوص

نسر ما ینحچی ویاه

صعب ما ینحمل ملگاه

خطفنی او بالسماء ناگرنی و ایحومی

شفت روحی اخذهه الزود

احس گلبی ابحلگ ممرود

اخذنی، الموت

یهدنی ، الحوت

فوگ البحر طایر فاگد ارسومی

لحگ بیه الصگر وانا ابفلک مسجون

عده اعیون خوش اعیون

ختل جنح النسر مثل النبل و انهال

من لم لم اجناحاته

فرحیت ابالم مگلوب

شفته ایحبنی من ذاته

یا ستار

 مثل الشجره و المنشار

گطع جنحانه اخذنی الدیرتی او گومی

چنت حلمان

گعدیت الفجر تعبان

حمدت اللّه او شکرته ابسفرتی او نومی

جاسم ثعلبی (الحسّانی) 24/05/1399

08/10/2020

لمعة مطر

احب همسة کلامک و ابتشر و احلم

اذا طاری العشگ عنوان

اذا تتقبّل انت انسان

الغیرک ما صرت بستان اصیرن طین واتلملم

تهل چنّک بدر بالکون

مثل مشی الحمامه امجنن الیمشون

ادیر اعیونی فرصه اتفوت

گمت اخذ صبر والهم

اسّرنی جماله و العیون اوساع

مثل ورده او حرگهه العطش من تلتم

آه اشکثر حلو اطباع

یمر مثل الغزاله او رحبّت له الگاع

شایف الم شایل ضیم

من دون الخلگ ما ضرّه و املثّم

لزم صوبی ابسهم چتال

مو حربه

جفن عینه اعتده امعلّم

مثل لمعة مطر بالغیم

و الدنیا مزهیه او دیم

ضربنی ابگلبی و اتبلسم

حسّیت الجرح بسکوت

رمانی او ما ختل منعوت

ضل دمی یصب اعلی السدر نهران

غرگیت اببحر قاتل و انا الخسران

صاح افییییه و اتبسّم

سکوته مثل کسر الجام

اظن بعیونی ضل محتام

اظن بشفافه شهد او سام

اظن عطره یدلی بیته من ایغیب

اظن کلمن مریض ایشوفه منّه ایطیب

بس من رکد غیضه احاه قصره ابزلزله اتهدّم

لا سلّم ولا علّم

شنهی السبب ما افهم

جاسم ثعلبی (الحسّانی) 23/05/1399

08/10/2020

تعبانه روحی

اسئلک یا گلب جاوبنی ارید ارتاح

لیش اتحب غریبه او تمتحن بیهه

اچّم نوبه چویتک ردتک انتَ اتّوب

تشعل نار بیک او انا اطفّیهه

مو گتلک محبتک خلهه للیسواک

المو گدهه دمعتک لا تبدّیهه

جدام المصایب فشّلتنی اهوای

اخاف اگبال شامت قصّه ترویهه

مو وصّیتک الحم سرک المفتوگ

بس احذای عبراتک تغطّیهه

ولک تعبانه روحی او ما انام اللیل

علی غیرک حزینه ابصبری اداویهه

وانت اتجول بیدک گوس یرمی اسهام

مو عازم عزیمه او تفتخر بیهه

ولک ملّیت منّک بیتک التنور

اذبّک بیه و احرگک و انت هاویهه

جاسم ثعلبی (الحسّانی) 20/ 05/ 1399

الحب ثمین

لیش اتدور وجهک ساکت او زعلان

حچی الحق و البطل بالواقع اتشوفه

ما اظلم بشر لا واللّه و العبّاس

و الیغتاض یضرب راسه بالطوفه

اتلملم بالهموم امچردس النیران

زین او شین تحت اقدامک اتدوفه

الیحب ما یشغل الناس اباثر تعبان

کلام الحب ثمین ابداخل احروفه

اگلّک واللّه احبّک گلت خایف حیل

اگلّک ما احبّک گلبی اتلوفه

اگلّک خلهه سکته اتگول اضل سهران

اگلّک اطنی عطوه الطارش اتحوفه

اگلّک اصبر النه او خلنه ندرس زین

قضیتنه الکبیره ابحلهه معروفه

احشّم و اکرب و انثر و اخیط اجروح

ما تدرک جنابک کلمن اظروفه

ترید ابعد علیک او اترک المعروف

اتعذّبت ابمرارک روحی مخطوفه

حددت التریده ابگفل من فولاد

ابصندوگ السدر دفنیته و اتحوفه

بعد بسّک سبیت الحیّه و الناطور

کلیت العنب کلّه او تحرگ اغلوفه

حاچینی اعلی گد عگلی او نظل احباب

جاهل لا تصیر امجرّح اجفوفه

ترید الروح اخذهه او خلنی منهه ارتاح

ترید الگلب گصّه و اشرم  ازلوفه

امعذّبنی الدهر وانت الصرت ویّاه

ترید اغزی الگبر ما اهابن ابخوفه

جاسم ثعلبی (الحسّانی) 23/05/1399

من می روم

امّا نه تنها

با کوله باری از حقیقت

با بود و نبودهای ناپیدایِ روزگار

مسیرم دنج و تاریک

مارپیچ و باریک

نه در بیابان و نه در صحرا

من تو را با خود خواهم برد

به سرزمینِ رویاها و آرزوها

خودت را مهیّا کن

سفری دور ودراز

خواب و خیال نیست

بنگر که نقابِ عشق خاطره شده در رویا

کشتی عمر در باتلاق است

می ترسم آب بخورد

خودت را با طبیعت دریا سازگار کن

تعادلت بر روی عرشه کشتی حفظ کن

به لنگر اعتماد داشته باش

با موج دریا آشتی کن

تا غرق نشویم

و به دیار خوشبختی برسیم

جاسم ثعلبی (حسّانی) 22/05/1399

طایر بالسماء او تغصف عبث مجنون

متحیّر اصورّک وین اودّیهن

اریدن حب عفیف او ما یغث الروح

مثل حبّک اهوای ابگلبی خافیهن

خلخلنی الوکت ساهر ابجرف الشوگ

الصور البیهه ثارک گمت ادوّیهن

وارماد الصور کحّلت بیهه العار

او بعیون الشماته اجناق اخلیهن

عاتبنی الزمن من خر دمع بالعین

یجبرنی اعلی سدری اگلاده اسوّیهن

ما طاوعنی گلبی او صاح یا جلّاد

لم اترابهن بعصابی عبیهن

لملمت الرکاد او عاتبنی اردود

شعلن بالگلب نیران احس بیهن

گعدت اویه الفجر فززنی صوت الدیچ

ابحلم مرّت علیّه القصّه اعابیهن

انت البالگلب ربّیتک اصغیرون

اصورّک ذکریاتی او بیش اجازیهن

اذا ما اروه منهن ما انام اللیل

مثل مای او عطش صایم و امص بیهن

جاسم ثعلبی (الحسّانی) 22/05/1399