سفیر الحب

ابوذیّات تحریر من الطغات

الحق ما  ینوخذ  یبنی  بلادک

او تحرّر بالقصف  لابد بلادک

المحتل  ما یطخ  دائم  بلادک

ابصواریخ البدر ترعد سویّه

...

الانف  بالانف   عین   ابعین  بالثار

او جندی القدّس برض  العدو بالثار

صواریخه   تدگ  و الطوب   بالثار

ابتلابیب  الفت   القاصب  هدیّه

...

تحب  تحرب  تصالح   هاک   برضاک

امحاصر   غزّه   مای  او  سماء برضاک

یطاغی او شفت رشگ  الدان برضاک

علی   الامّه   الجهاد   ابهل    قضیّه

...

یولفی   انت   آخر   احلامی   ولولی

او   گلبک   هم   یحب غیری ولولی

اعلی سدری او ریت احطّنک ولولی

و  اذوب   اویاک  من  تشبگ  علیّه

...

حبیبی  انت  الگمر  تزهی بعیناک

و اشیلک  طفل  من تحثر بعیناک

اشحلاتک من تحط کحله بعیناک

امن  اصد  اعلیک  تشعل نار بیّه

...

السعد بوجودک  الفانی  ومالی

او صرت حارس  ابدلالی  ومالی

فدیتک روحی او گلبی  و مالی

و اموت اعلیک من تسکر بدیّه

...

المصایب   یدفنن  حبنه  وناون

دخت  دم  صبّن  اعیونی وناون

اخذنی اویاک انت اتون وناون

واصیرن  لک لحد و اتموت بیّه

...

الحمد للّه الکشف  همنه  وسرنه

او زال   الضیم  من  عدنه وسرنه

حمل  واحد   رفع   عنّه   وسرنه

او بگه الثانی  یرفعه ابزوده الیّه

...

التمّن  یا   اهمومی  اشلن وعدمن

ضعف لو قسمه و اتظلمن وعدمن

صبرت  اویاچن  او  صبری وعدمن

اشو   حتّی   الصبر   صبرته    بیّه

...

ادموعی امن الغدر یبسن و نفلن

امجرّب   یربن   اعیونی    ونفلن

ابعازتکم      تحشمونی    ونفلن

ابفرحکم   ما   شفت بس الاذیّه

...

الف  وسفه    وکتنه   اعزاز    ودّر

فعلهم غالی  اسومه   ابذهب ودّر

ابفگدهم  حزنت    الجیران  ودّر

اسمهم ضل  یداوی اجروحی الیّه

...

الیضدنی اسمع یشیّع طاح والواو

او یزّود  علی    بالتهمات  والواو

الفهد  میهاب   من  الویو والواو

یهاب   امن  السبع  تخله  الثنیّه

...

سکرت ابلومت  احبابی  ویهلای

واسمهم  مرقد  ایسرنی  ویهلای

السبب انتم  حگرتونی ویهلای

ابوکت الضیج تلفی الکل علیّه

...

الشهم گلبه ذهب صافی ویخلای

و ابوکت العوز  اله وگفه ویخلای

اخوی الطومر  ابضیجی  ویخلای

او   یبیّن   للخلگ   ذاته    وفیّه

...

الهذی  مو   شیمه  للعاقل  ولاقط

ابجاهی  واعبر   اهمومی  ولا قط

السبع ما هاب من ثعلب ولا قط

یدور   الصیت    للبیهم    حمیّه

...

فرح  گلبی   یخلّانی   بعدکم

ابتله ابحسرات  دلالی بعدکم

اظن ما اداوم امسافر بعدکم

اتبعکم  و الیصیر  ایصیر بیّه

...

اشتبکت اویه الدهر بیکم ولاوی

ولانی   طافی    ابحربی   ولاوی

ابجفاکم  آخ   ما   گالت  ولاوی

روحی   امدللّه   ابضلکم  وفیّه

...

روحی اتون تحن صوبک وجرهه

حزینه  او  لبست الفرگه وجرهه

لون  بیت   ابّطن  دیره  وجرهه

...

جاسم ثعلبی (الحسّانی) 29/02/1400

ابوذیّات ذنوب الماطرات

الدهر یلطمنی  بسمک  ندب والطم

او شتلت ابدربک احلی الورد والطم

علی   اکتارک   اشگ  الثوب  والطم

اذا   سمعیت   بیک     اتون   علیّه

...

استمع نوحی  او ونینی  من کسیتک

او  شهد  عیدک  علینه  من کسیتک

حسبتک  علم  واترف  من کسیتک

او  بعتنی  ابضحچت  الحاقد علیّه

...

حشی السامع

الطایح   حظ  نذل   طافش   یمر عود

التوزّه     امریته   باحبابه     یمر عود

علی اعنادی او علی اعدایی یمر  عود

ابخباثه   او    یوز   کل   ناگص  علیّه

...

المصایب   چوردن   زحفن   ویومن

ولا  لیلی   استچن    منهن ویومن

الوکت چنه انشحن بالضن ویومن

العمر   عدّیته  محرب  بس علیّه

...

الدهر یقصف بحر  صیتی ولا هاد

مطر   ینزل   علی   وایدث ولاهاد

انا  الما  شد  رجل  عاقل و لا هاد

العاقل  ما   یعت   اهله   ابردیّه

...

المو  گدهه   کشف  حبنه  وسرنه

او علی درب الخطر جرنه  وسرنه

الحسد   دمّر    معاقلنه    وسرنه

او طشّر  بیته ابو اذنوب الخفیّه

...

چنت   قادم   علی  لاکن خلفتک

ابطبعک  شاک   بعمالک خلفتک

من حبّک او من ضیمک خلفتک

تروح   او   تابع    البیهم    اذیّه

...

الزمط  ینهی  الوگف ضدنه ترادات

او عینی   شفت  دم صبّت ترادات

روحی  فعلت  الواجب    ترادات

السبب  انت  اوگعت مالک تچیّه

...

شطّک   یجری   مایه  من یعبره

عبرته او خذت ربعی من یعبره

تگول  النّاس  جاهل من یعبره

اطوف  ابحار   اذا  عنیت الیّه

...

غصن  جمّار   ضرعانک    وفضّه

جمالک    نوّر       العالم   وفضّه

احسابی اویاک اود  اگعد وفضّه

ارید   احچی   العلی  والموعلیّه

...

عطر   حبّک    چسانی   وشتمنّه

الیزعلک   لعنه   ادزله   وشتمنّه

الگلب   ذاب  ابجمالک  وشتمنّه

اتمنّی اعلی ایدک او  تلفی المنیّه

...

نظر عینک  رهن  روحی وجرها

او  شعل  نیران   دلالی  وجرها

لون روحک تون  واتحن وجرها

و اضیّفهه  ابقصر   مملوک الیّه

...

نسل  شعره  او توزّر من نشفته

انحصر گلبی ابمحبته من نشفته

لون  یقبل   اعضّه    من نشفته

وازیل   اهموم   دلالی  الخفیّه

...

عسل  ینزل  یدث ریت امص شفتاک

اعلی شاطی البحر زلفک نثر شفتاک

انسبیت   ابحبّک   الفتّاک    شفتاک

الحد   الموت   وانت    اتعن  علیّه

...

غیر   الأمر   غیر   الزعل  شدیت

طلبت ایدک او نایم رقد شدیت

اتفقنه  او  رایة   العبّاس شدیت

نکست الرایه لیش او خنت بیّه

...

ارموشک   خیّلن  عالجفن شرهن

لفانی الضیم منهن ضگت شرهن

الک   گلبی رهنته او بعد شرهن

ترید   الروح    تستاهل    هدیّه

...

گمر تزهی  ابّطن   عینی وصفنه

او جلالک یرهب ابعگلی وصفنه

استاعدنه   و   اشتامرنه  وصفنه

ملک  و  النّاس  تاخذ لک تحیّه

...

تشیه  الروح   بغیابک   وردهه

لان مکتوب من شوگک وردهه

اذا   موجود  ما   یذبل وردهه

عساک   ابخیر   وایّامک هنیّه

...

اود   ابدی  علی   بیتک  وظیفه

و احط گلبی علی گلبک وظیفه

اذا  شوگک  یحب  صایر وظیفه

ما    اقبل     تقاعد       للمنیّه

...

جبح ما  فادک  انیاحی ولبچای

و لا اثّر  ضگت  طیبی ولبچای

بعد م  اصلح  ابگعده ولبچای

انتهت  ویّاک های آخر وصیّه

...

امحیّل صرت  متفدنی  شمرتک

طلبتک  بس اشوفنّک  شمرتک

مثلهم  صرت زهدونی شمرتک

عجاج  او  روج  بعدنّک  علیّه

...

شضحچک شطرب  اگبالک  شسلبک

شلبسک  شهدم   اوثانک   شسلبک

شعلمک شغسل اهمومک شسلبک

صنم   صعلوک   صبرک   ناب حیّه

...

رعید   او  مطر   تاعبنی  ولک ون

امشبّگ    لا الک  دبچه  ولک ون

خرس واطرش تهت  منّی ولک ون

فگدت   الشوف   ادوّر   یا  نویّه

...

جاسم ثعلبی (الحسّانی) 26/02/1400

ابوذیّات مقدّسات

احس بالفرح طیر او سرح بالعید

او سبع  تیّام  واذکر هلک بالعید

هل   اهلال  عید  الفطر  بالعید

مع  احبابی  یربّی  اتعوده  الیّه

...

بزغ بالمسماء اهلال العید سرنه

معاه  و انهنّی   الاحباب  سرنه

الوحده و الحنان  اسباب سرنه

او کلنه  اخوان  و انعیّد سویّه

...

انقلع   تاج    الخیّانه   من هوانه

او  یضل  تابع   لوانه   من هوانه

تزامطنی    یشامت     من هوانه

انا امن احفاد  ابن حامی الحمیّه

...

من  هو  السن   بنانک من غزالک

یبن    صهیون   ادانک  من غزالک

الشعب رشگه هدالک من غزالک

ابابیل   او    کتل   نار     ابخفیّه

...

فلسطینی ابنسب وابجد وراکم

ابن   صهیون  متهلوس   وراکم

شعوب   العالم  اتشارک  وراکم

ارفعوا   الراس    یم    البندقیّه

...

وحق  الّی  صعد  للکون  و اسراء

الحق ینوخذ بس بالسیف وسراء

بیت  المقدس  اصل الدین وسراء

الیبیعه  ماهو   مسلم   بالهویّه

...

احبابی ابعینی  احطّنکم  وجلکم

الدرب مبعد وحن  الکم  وجلکم

الگلب شب ناره رایدکم وجلکم

احضرونی اجناب  ما  طفّوه الیّه

...

عشرتک   صعبه   مرّه    ونتص الهه

انیابک    حیل   نبتن     ونتص الهه

اعلی جسمی اببندقیّه و نتص الهه

احسابی   اویاک   عد   رب  البریّه

...

گمر  یزهی   ابجمالک  ونت شبهه

التهت روحی ابعذابک ونت شبهه

المحبّه   نار   کبری    و نت شبهه

احترگت  او  شوگک الّی عم علیّه

...

الوکت محرب  علینه او یگص منشار

ولا  نعرف  صدیج   او  عدو من شار

مطر   ینزل یصیب   البری   من شار

او یفر  منهه  العلگهه  او ضر اخیّه

...

الیرید الجوده یصحی النسب یعرب

الغیره اتلوگ  الک  من  صدر یعرب

استغاثت  فلسطین   ابشرف  یعرب

ترید    النصره  من   البیه    حمیّه

...

الیطیح ابضیجه ابد ما شفت عم ره

ولا   یصلح    ابحایط  سقط  عمره

الفقیر ایضل   ذلیل   الطول عمره

الغنی   ماکل   حقوقه   ابعنجهیّه

...

جاسم ثعلبی (الحسّانی) 24/02/1400

ابوذیّات هایلات

الشهم کل ما تضیفه ونسه بیته

ایتبسّم   بالمجالس    ونسه بیته

اشلون انسه الکرمنی ونسه بیته

عجید  او  ینحسب  تاج الخویّه

...

ابأدبهه ایدث  حنانه  ولدعمّک

صدیج  او  اخ   لفانه ولدعمّک

سبب  کل  المشاکل  ولدعمّک

الرصاص  اینور کل لیله ابنویّه

...

اهنّی  الّی   یودنی   ابفرح  بسماه

او علی الجوّال و ارسل صور بسماه

العید اگبل  علینه  انکشف بسماه

او   بعد   یومین   وایهل   بالثنیّه

...

ذکرتک  مهتم    ابشانک   وعیدک

او علی البیهم وفه انسیرک وعیدک

اگلّک   کل  سنه   امبارک  وعیدک

ابفرح  و  ابخیر   وانعیّد    سویّه

...

ابأبوذیّه   أحجز لک   نظر     بالبیت

استچن  ابدارک   او   لا تخب بالبیت

ابسبب عدوأ الکرونه احتجب بالبیت

ابتواصل    اجتماعی    ارسل    تحیّه

...

الحزن  ما  کفنه    بالفرگه بدینه

او علی اعزاز الگلب غفله بدینه

اشگد    احباب    دفّنه    بدینه

جفونا  ابلا   خبر  و ابلا   وصیّه

...

ما   خاب   ابکلامه    الرجل   من شار

او یضل یاخذ او ینطی ابعگل من شار

یغسل  افکار   بیهه    الفتن  من شار

او   یربی   اجیال   تعمر     بالثنیّه

...

الگلب  سر واعتنه ایزورک  وجالک

یغدرک   یالچنت   ضیفه   وجالک

انسحن ما حن علی غیرک وجالک

او  دوا  ابحسراته  من  تبعد علیّه

...

شریک او صادق ابوعدک وخل بیک

الزمان  الزوّد   اجروحک  وخل بیک

اشلون  اگدر   اعوفنّک  و خل بیک

واشب  ابنار   احس   ترکک  منیّه

...

ختلنی الفرگست عینه بیاذاب

معاه  الدهر  طرگاعه  بیاذاب

الهی افتح جفن عینی بیاذاب

گفل والنّاس مسلکهه الشقیّه

...

اشلون  اگدر  اودع  الولف ونسه

شریکی   ابهمّی  للدلال    ونسه

احبّه او  بیت اله بالگلب ونسه

کلامه ایجیس بس کل ذاته الیّه

...

شعل جندی  ابحماسه الحرب بالاف

او  گضاها   المحتل  اسرائیل   بالاف

انقذف من  غزّه صوت القهر بالاف

ابسجّیل   او    صواریخه   الذکیّه

...

الوکت  تابعنی   بحلامی   منادای

او ردت واحد یشد جرحی منادای

لفانی  الشیب  من گلبی  منادای

او حزنت  اویه المحن  قصباً علیّه

...

العمر  یخلص   وفر   ینزل   ونلهه

ابسعاده و اکشف  اعلومک ونلهه

الدنیا   لو   جفت   منّک   ونلهه

ابلحن  علوانی  طَوح الهه ابخلیّه

...

الدنیا     الطومرت   ضدّک    وعادت

او بگت تحسب اهموم  الشر وعادت

انکسهه  ابصبرک   ابرشدک   وعادت

علیک  اضحک  علیهه   ابکل  ردیّه

...

احلفک باخوتک واهلک وشملک

ریّض خل  یخف حملک وشملک

یریت اللّه یلم   شملی  وشملک

ابثیاب   العرس   وانعیّد   سویّه

...

اندعیت  ابنیتک  انطتّک وردتک

و احبّک ما  احب  غیرک وردتک

عزیز او غالی  بعیونی   وردتک

انسگت بدموعی  ما تذبل علیّه

...

گمر  و انجوم   حبنه   من لفتنه

او حیاتی اویاک جنّه  من لفتنه

الگلب  صب  بالمحنّه من لفتنه

الفتن  بینه  العریضی الباع اخیّه

...

حبّک  گص   ودادی  من شرتله

او حفت  ابیوم گلبی من شرتله

یجد  سلّاب  قبلک   من شرتله

الشعر بس ابهواک ایدث علیّه

...

اطوف  الغاب  واتعاتب  بهاذاب

ابروح الیطغی  الف لعنه بهاذاب

ابدمع حار اغرگت عینی بهاذاب

او یفور احساب مشعل نار بیّه

...

جاسم ثعلبی (الحسّانی) 22/02/1400

ابوذیّات تاج الذکریّات

الروح  ابدت   غضبها   من یسرها

او جلت یمنه ابحذرها من یسرها

علیه  طرگاعه  طاحت من یسرها

جفاها   ابوکت     ماله    قابلیّه

...

گمر   واگبل    علینه   من   اراها

واحس  بالعین  هملت  من اراها

القضاء و النّاس  فاهت  من اراها

ابزعل و  ابمحکمه  انهالت  علیّه

...

لبست اثیاب  حبکم  وابسملکم

شمس عینی  التودکم وابسملکم

صرت صاروخ صینی وابسملکم

افتر    تهت   خافتنی     البریّه

...

دمع  عینی  یصب دایم یهلهه

الاسف  والنّاس  دمّرها  یهلهه

علی   وانتم  منعتوها   یهلهه

عسی کلمن  فتن  تلفیه اذیّه

...

الختل  ضدّی   ابقهر  لومه  علی شار

او صرت مرجاحه  لهمومه  علی شار

حچیت الواجبه او  طلعت علی شار

اگول  او   خل  تشب   نیران    بیّه

...

التحبّه  الروح  اید  ابأید   عتبای

ابضلام اللیل اخذنی الباب عتبای

یغازلنی  او  یلف بالعین عتبای

شبگنی او طاح ذایب بین ادیّه

...

احبّک و اهتم  ابشورک ولاراک

ابذکرک   یفتره   گلبی   ولاراک

صرت زیبگ سبت عنّی ولاراک

غبت  یومین  احسّن عام الیّه

...

اعلی ظهری اعتاب ویه الوکت وحدای

مشیت  او   ما  اعانی   ابقهر  وحدای

احس  شایل   اهموم   النّاس  وحدای

الثیاب    السترت     اذنوب   الخفیّه

...

الوکت و الضیم من شوفک بعدنی

او بگیت  اتحسّر  ابشوگک  بعدنی

یحبّی  اعلی  العهد   باقی  بعدنی

اذا  انت  اعجزت  مالک    خطیّه

...

علامات    الکبر   صاحن   ولاحن

السبب محبوبی  فر واعلن ولاحن

الوکت ما یسمح او طاعن ولاحن

متی  ما  حان  اجیک   ابلاوصیّه

...

غیابک  صار  جائر   ماتم  النه

او طلبتک یوم ازورک ماتم النه

لون  الگلب  یملک  ماتم  النه

اتمنّی  اویاک  اسافر  منیه الیّه

...

من  هو  الصمم   ابرایک  بدالک

ابکلام البیه رده او  شایک بدالک

تود    تتسامح    ابمایک   بدالک

شاور    طاوع   البیهم    حمیّه

...

البیه غیره او حنان ابذهب وصفه

نبع  زمزم   زلاله   ابأدب    وصفه

علی البیهم حمیّه  اونسب وصفه

ولات   اسباع   حرب    الغاضریّه

...

عزیز انت او شصبر الروح واتراک

مثلک  ما  اجد  عد عجم واتراک

اضل  ویّاک  حد  الشیب واتراک

اذا  رکّیت   اشیلک  بین   ادیّه

...

العمر  فات  اشکسبنه  شفتهمنه

الجفانه  او   شال  منّه شفتهمنه

انتکلنه اعلی الگصدنه شفتهمنه

باع      الحیّوا    ابجیته   الغبیّه

...

یولفی بعد  گلبی  انذر وناسف

تذم   بیه   واسمعنّک   وناسف

اصیرن لک احزام  انشد وناسف

وافجّر  روحی  اذا  تزعل  علیّه

...

صرت دم و ازهی بعصابک واریدک

امن امر  بابک  واسلّم لک وریدک

ابطن  گلبی  سکن  حبّک  وریدک

الهوی  والمای  وانت   الزاد   الیّه

...

تودنی    وانا   اودّک   منتهم بیک

او روحی اویاک ذلّت منتهم بیک

انت   احزام   ظهری  منتهم بیک

اهیم  اویاک   اذا   تبعد    علیّه

...

سر حبنه  انگفل عندک ولا طاش

ولا  واحد  حضه  ابظلنه ولاطاش

عگلک ثابت  ابعزمه   ولا طاش

اذا طش گول خل ننهی القضیّه

...

ابجفاک  اللیل ما  اهوّد ونامن

او ما  منّیت الی  لحظه ونامن

انت الروح الی او گلبی ونامن

انا  عایش  معاک   ابلا  هویّه

...

کتلنی    زلفک     المنثور   وجناک

او  یهیعونه السکن  ویّاک  وجناک

یریت ابداری شمعه  اتنور وجناک

حجاب  او  تحجب  اعیون الردیّه

...

کلام   ایسر  جمالک   وانت  حر بیه

او خبر عاجل ورد لک  وانت حر بیه

حبّک  نار    کبری   و   انت حر بیه

انتحر  وانت  السبب  تشهد   علیّه

...

صرت   کاروک  اشبگک  وانت هزنی

او  فرصه  اویاک لاحت  وانت هزنی

اثمرت شجره  ابوجودک وانت هزنی

ورد   ینزل   علی   ادروب   الوفیّه

...

وحید  الاشرک  ابضیمک بهاماک

ولا   اقبل   تعض   نادم بهاماک

اجعلنی  تاج   وامرصّع  بهاماک

افتخر  جدّام   کلمن  بیه اذیّه

...

ما ناسی  الوفه ابضیجی وراکم

اعیونی اتهل دمع شفتوا وراکم

ابحلم کل لیله  ازورنکم وراکم

الف رحمه  علی البیهم حمیّه

...

اشلون  اسحن  ابروحی  وانتزعلک

او گول او طول واطلب  وانتزعلک

النّاس    اتهون   لاکن   وانتزعلک

یهدم   ادیار   و  ایشب   نار بیّه

...

الدنیا   ابخیر  لاکن   مرهه   منکم

او توسع جرحی عدکم مرهه منکم

او روحی اتحن علیکم مرهه منکم

الیمر  منکم    یرد   روحی   علیّه

...

جاسم ثعلبی (الحسّانی) 19/02/1400 

ابوذیّات عید الفطر

الوکت  ما  یرحم   ابحالی  ولا مال

سبانی  او   کثّر   احزانی    ولا مال

حذف کل شی الذّی اببالی ولامال

او  بگیت انطر وکت یغضی علیّه

...

العید  اگبل  علینه او شهد من هل

او دمع عینی علی الغیّاب من هل

الوم  او  ما  یفید  النوح  من هل

الوکت  ضایگنی   بعماله   الردیّه

...

یعید  الفطر   المن   جای    لا جیت

بطوا  عنّی   الاودهم   جفو لا جیت

اعلی درب الغادرونی رحت  لاجیت

اعیونی  اتدث  دمع  لجل   الخویّه

...

اعتزم صوم ابشهر واحد و کل عام

ربّک    ذکّر   المسلم      وکل عام

ابختام اصیامک  اتعیّد  وکل عام

سعیده   ایّامک  او   زور الخویّه

...

هلال  الفرح  هل  و انشرح   جدّام

و ازورک حافی اجیک ابعجل جدّام

ابارک  لک    ابیوم   العید    جدّام

گبل  کل   الخلّگ   وادّی    التحیّه

...

اذکرک  باجمل  اعهودک و عیدک

و انبهک باعظم اسرارک و عیدک

حبیبی   یومک   امبارک  وعیدک

یعوده   اعلیک   بافراح  الزهیّه

...

الدهر میشوم  جرّدنه  و جدنه

ابطن  قوسین  حاربنه و جدنه

هدم  تمثال  وحدتنه  و جدنه

او جعلنه اشباح  نفتر بالوطیّه

...

اله  رنّه  القصد   خلخال   بسّوگ

الیودّک گلبه جرّه او یحس بسّوگ

الگمر   ما  ینشرا  او ینباع بسّوگ

الحلو  یجلب   اعیون   المشتریّه

...

ذهب صافی ابجمالک بسّک انته

الگلب هایم  هوالک  بسّک انته

اشمالک  گوم  عاید   بسّک انته

تضم  عتبات  طوف  الغیض الیّه

...

الیود  یصلح  ابذات  البین منهم

او یزیل  الفتن  من  النّاس منهم

الحقدوا و اخزنوا  بالخبث منهم

اهم  من   دمّروا  بیت  الخویّه

...

اهموم  اهوای   بالدلال  ورعن

سبنّی او فرهدن  بالروح  ورعن

تعبنی   اویاهن  النمّام  ورعن

گفا  صارن  له  وایعربد علیّه

...

البخت بیت النه صایر ونّسنّه

ابعسر  وابیسر   لمنه   ونّسنّه

الصدگ  والغیره ولده ونّسنّه

یضل نور  الوجه للبیه حمیّه

...

یحب  انت   شرفنه  و انت همنه

الیضرّک  ماهو  گدنه وانت همنه

ابّطن  دار  انسجنّه  و انت همنه

السبب چی ناکل او نشرب سویّه

...

جاسم ثعلبی (الحسّانی) 18/02/1400

نقل    کردند     پادشاهی   اینچنین

حاکم   و   عادل و  محبوب  و امین

دور  و    نزدیکش    برایش    آشنا

حاکم  و  ظالم  به  رأیش   بی   بها

دید  در  جایی  خلل  آید  به   دید

حرف  هایی  از  کراهت   می شنید

لحظه ای در نقص  حکمش فکرکرد

خوب   اندیشید  رفعِ  آه   و    درد

گام   اوّل     رفت   دنبالِ      وزیر

داد  خواهی   کرد  با   حکمِ   امیر

پادشاه اندوخت  در گویش خطاب

تو  وزیری  گر سه  تا دادی جواب

سه سئوال  از تو و می پرسم بدان

حیف نادان مانده  بر  کرسی نشان

مهلتِ این آزمون  یک  روز و شب

پس مدارا کن  به  این اصل و نسب

پادشاه    آغاز   کرده   رأی  خویش

با  سئوال   اوّل    افتاده  به   پیش

گفت  ای یاور  خدا  چی می خورد؟

از  کدام  مخلوق   طعمه  می بُرد

پرسش   دوم   بگویم   در    فضاء

باز  می گویم  چی  می پوشد خدا؟

سومین   رازی  که  می پرسم  نهان

کار  اللّه  چیست  جانم  در  جهان؟

حقِ این انسان چنان بد بخت بود

هر سه تا پرسش برایش سخت بود

سر  بزیر   انداخت  از   حکم امیر

رفت   در  خانه   نشیمن    ناگزیر

فکر کرد  عقلش  به  کار  انداخته

با   یقین   این  فرد   خو را باخته

ناگهان   سایه ی  خدمتکار    دید

در  کنارش  با  أدب  او  را  کشید

دید   خدمتکار  وضعِ  این   وزیر

از   خطابِ  پادشاهش  سر به زیر

گفت قربان چی شده  دردت بگو

باز گو   کن  دردِ   دل   با  گفتگو

حرفِ دل را باز کرده  هر چی بود

در جوارِ خادمش با  اشک و دود

گفت  خالق  خوردنش  درد و بلا

خیلی ساده می خورد غم هایِ ما

امّا   پوشش   آن   خدایِ  مهربان

عیبِ   انسانهای   بد  خُلقِ  جهان

این  دو  تا  گفتم جوابت همرهم

سومّین      پرسشت      فردا      می دهم

روز   شد   حاکم    صدا   کرد   آن     وزیر

منتظر     شد     در     وصالش       ناگزیر

گفت      آماده     شدی      بهرِ     جواب

باز گو   کن   جانِ   من    چشمت    نتاب

گفت      آری     سرورم     حاضر     شدم

بهر   هر    قول   و    قرار    ناظر    شدم

حرفِ  خادم    را   چنان     تعریف    کرد

پیشِ   حاکم   این    خبر   توصیف    کرد

گفت   خدمتکارِ   من   با   هوش     بود

عالم   و   متواضع   و   دل   پوش      بود

پادشاه      افزود     برگرد      ای    صنم

مستحقِ     این     ریاست     آن    خدم

بر  کنید   این   جامه ها    نزدِ       پلیس

ای     وزیر    تو   خادم   و   خادم رئیس

وای    بر    تو    ای     رئیسِ     کم تلاش

کوست   آن     پادشه    و  آن   کردهاش

این     وزیرِ   بی  لیاقت    دور      شد

چشمِ  طمّاعان   شب   هم   کور    شد

خادم  آمد  شد   رئیس  با  عدل   و داد

شب وروزش خواب او خوردش در ستاد

آن  وزیر  چون  رفت گفت ای نو وزیر

قصدش  آن   خادم  که  پیروز  و دلیر

سوّمین   پرسش   نگفتی   که    خدا

ما  ذا  یعمل  را   بگو  ای    بی وفا

گفت  خادم   تو   ندیدی  در  مسیر

تو  را  خادم  کرد  و  خادم  را  وزیر

از   خدا   دوری  و  خود  را سوختی

ترست از  خلقش  که ظلم اندوختی

جاسم ثعلبی (حسّانی) 18/02/1400

ابوذیّات نابضات

اسود   اهوای   تاعت   من  تکلنه

او  علی  البیهم   رخاوه   منتکلنه

ذهب  و الماس  اصلنه  من تکلنه

ابفخر تاج اعلی روس اهل البریّه

...

احباب  الّی  جفونی   راح املهم

او من گلبی ابصراحه  راح املهم

ابلجاجه  او  عذّبونی راح املهم

الندم   میفید   للگاصد    اذیّه

...

اواعدکم وفی  ابحبکم  سواعد

الحمل لو  مال  شالتّه  سواعد

خوال او نفتخر  بیهم  سواعد

عرب و اخوان عفنه الطائفیّه

...

البیه  غیره  او  حمیّه هل هلالک

او هم شفته ابمضیفه هل هلالک

امعاید  من  دلالک   هل هلالک

الیهل  و  الما یهل  روحی  ابأذیّه

...

لبسنه من  نبینه   ونته   هینه

و اذا  تخلع  نسبنه  ونته هینه

العید   اگبل  علینه  ونته هینه

علی الغیّاب  ون ونته ابشچیّه

...

الکرامه   ابزود  اهلهه   ونته خلهه

السیف انت او گعدهه ونت خلهه

نختّک  گوم   احمهه    ونته خلهه

العذر    مذموم     یوم    الموزمیّه

...

بدر   تزهی   ابّطن  عینی  وهل بیک

او   عنبر  عطرک  ایثعول   وهل بیک

صرت گبری او علی شامت وهل بیک

و  اطم   ابروحی  من   تجبل   علیّه

...

الدهر  تابع  اعز  ناسی ورایه

حنین  او  احترم  شوره  ورایه

اخوی  الچان الی  بیرق ورایه

خداه  الموت  منّی  ابلا وصیّه

...

یدهری  القادرانی   او   شال خلای

تعبته   او   عذّبیته  او   عاد خلای

خذیت الزین ابوی او حفت خلای

ردت   واحد   یضل   دفّان  الیّه

...

جاسم ثعلبی (الحسّانی) 16/02/1400

ابوذیّات ونات الدهر

یدهری اشما ثگل حملی  ولفهه

البلاوی ابصبری  ادوفنهه  ولفهه

صرت مثل الذّی  امضیعه ولفهه

تون  واتگول اون  اعلی الخویّه

...

حرت   ما  بیّه   اجر  ونتی  ولا نوح

او   سفینة   همّی   والتنی   ولانوح

اعلی یوسف ما سده ضیمی ولانوح

ولا   یعگوب   ضاگ   الصار     بیّه

...

جبح بالسوگ اسومنّک وحرجک

و اود  کل یوم الچمنّک وحرجک

عساک ابناری  اشعلنّک وحرجک

واخفتک  و  انثر  اترابک  بدیّه

...

یگلبی الصبر  والون  ما شفنّک

مریض  الساهرنّک   ما شفنّک

اتجهت اعلی المگابر ماشفنّک

ابغی  اویای عدنه الرب تچیّه

...

اشیل     افراگ     دلالی     ولومن

او علی المحبوب اجر ونتی ولومن

یولفی    نارک   ابگلبی     ولومن

المنّه   اعتاب    لو    شایل   بلیّه

...

شبک   طمعک  ختل  ذبنی  علی ذاب

او مثل مطر النده اهمومک علی ذاب

احل  وحده  او  یجن عشره علی ذاب

المصایب   خلّفن   شیب   او     اذیّه

...

یولفی   اتدث  تهایم   سلفه منّک

ابعذاب او  ضیم  گلبی سلفه منّک

حبّک    طال   عگلی   سلفه منّک

اخذ  حبّک  او خل  روحی ابهنیّه

...

شسر شکتب شسولف  شردمنّک

تشرشر  شوگ   شاطر   شردمنّک

ابشبابی او شاط  گلبی شردمنّک

ردمت  او  بعد  ماعندک  تچیّه

...

تکلکل    بالمصایب   کلکلت لی

ابکلاله او کیل کاهل کلکلت لی

ابکلامک و انتقامک کلکلت لی

کلیت  او  کمّنت  مکرک علیّه

...

الگلب عطشان اجالک و انت داره

یعرفک  ذهب  صافی  وانت  داره

فزت    بیه   بختیاره   و انت داره

هوالک   گوم   حط  ایدک   بدیّه

...

الدهر کل کل علی  ضیمه  وناجار

یجر    بحباله   یشنطنی    وناجار

لا حسّب   بشر   عاطل    وناجار

یحاسبنی  ابخطاء  اجدادی علیّه

...

جلبت   العالم    ابدعوای    واملای

او نشرت الاف بیت  ابشعر واملای

القصیده اتکون الیّه الاهم واملای

او تلولی امن اسکر ابضیم الخویّه

...

جاسم ثعلبی (الحسّانی) 17/02/1400

دوبیتی شیرِ خدا

علی   شیرِ   خدا  امشب ، میهمان   عزاء خوانی

سرش زخم تا لبِ شمشیر ، دور  از جنگِ میدانی

ابن ملجم نصفِ شب برچید ، سر تاجِ امامت را

هوایِ   شیعیان   غمگین ، در  سوگ و پریشانی

...

با   رفتن  ِ این   سردار ، بد  جوری دل آشفته

علی   شیرِ  خدا  امشب ، میهمانِ  خدا رفته

هم  رزمِ  رسول   اللّه ، دلبند  ِ یتیمان است

در شهرِ نجف اکنون ،  در مرقد خود خفته

...

بی   تو   یا    ابا   الایتام ، گردابِ    ستم    ننگ است

دلبندِ     تو    می مانم ، ای    یار     دلم     تنگ است

محتاجم    و     دیدارت ، طبیبِ   هر    غمم   بودی

این جان که فدایت هست ، با عشق هم آهنگ است

...

علی   قرآنِ   ناطق    در بهشت است

علی   محرابِ   نابِ   سرنوشت  است

علی   اصلِ   عبادت      اصل   ایمان

علی مولودِ کعبه خوش سرشت است

...

علی  در  این جهان  چون  ماه  تابید

علی   جایّ   پیامبر   خانه    خوابید

زمانی   که   پیامبر   در  کمین است

به دشمن زار شب  چون  شیر غرّید

...

علی  قرآن   ناطق   در  زمین است

وصی   او عابد  و  عادل امین است

علی   رمزِ   جهاد   و   رمزِ    ایثار

علی دشمنِ کفر و ملحدین است

...

جاسم ثعلبی (حسّانی) 14/02/1400

ابوذیّات بحق الامام علی علیه السلام

فزت والکعبه من اعداک بعداک

ابمحرابک  ختل  ضرباک بعداک

یشالع  باب  خیبر   تاج  بعداک

یشع  علمک  ابذهن الجعفریّه

...

ابشهر رمضان اجانه الحزن  ونصاب

عزء   للعابد    ابمحراب     ونصاب

یشیعی  اویای  جر  الدمع ونصاب

الشهاده  اتلوگ  اله حامی الحمیّه

...

یگلبی  اعلن  حزن  و  احتزن   بالهام

او  بالکوفه  علی  او  ما  سلم  بالهام

الجناه شنهی ابن ملجم  ضرب بالهام

ابسیف  اجناب  و   الضارب   سویّه

...

الیضارب  یعلن  امحارب  وضربه

الغدر  تابع  علی  ابداره  وضربه

اللعین ابسیفه من خلفه  وضربه

او  سجد  للّه الولی ابدمّه  فدیّه

...

فجر واینور طوله ابگصر شفته

او ولی اللّه علی بالگمر شفته

الملعون  النکر   غزوات شفته

فتی  ینهی  الامامه  ابعنجهیّه

...

ولید الکعبه  ابو  الحسنین  من صار

ابسیفه   ذوالفقار    ارتعد  من صار

رافع    رایة      التوحید     من صار

او محمّد (ص) کرّمه اباحسن هدیّه

...

شاعر اهل البیت : جاسم ثعلبی (الحسّانی)

ابوذیّات یوم المعلّم

الفخر  للّی روه  اعیونک  معلّم

یسر   ابوحدت   اضنونک معلّم

انکرتنی الچنت مجنونک معلّم

اشع من تضوی تطفی النار بیّه

...

صدیجک مانی حاقد لک وعلمک

ضغطت اعلیک افهمنّک وعلمک

چنت  بالصف  ادرسنّک وعلمک

شجاک  او  گمت  تاخذ  ثار بیّه

...

طفل وابصدری احضننّک ولومک

معلّم   قصدی   تربیتک  ولومک

امن  ابوک  اکثر  احبّنّک  ولومک

نجاحک سر  نجاحی ایصیر الیّه

...

دربک  من  رسول  اللّه  وسر بیه

معلّم   شورک  ابعینک  وسر بیه

دخلت ابلهجت  السانک وسربیه

و اضل دایم  وفی  وانت الهویّه

...

الاصاله امن المدرّس ختم ینساب

و لا مقبوله  بین الخلّگ ینساب

العلم مو  للمعلّم  علم ینساب

المعلّم  ساتر   ایظم  کل   بریّه

...

طالب  و  اهتم  ابشورک  ودارک

او یضل تذکار الی طبعک ودارک

ابّطن  گلبی  نبع  شوگک ودارک

معلّم   و  افتخر   من  تمر   بیّه

...

جاسم ثعلبی (الحسّانی) 12/02/1400

ابوذیّات صلیات الدهر

روحی امن  القهر  صاحت شلت وین

علی  البیهم  وفه   گلبی   شلت وین

غبت عنّی او علیک اسئل شلت وین

ابسماء   و  ابأرض   مالک     تاثریّه

...

اخیّط شگ  او  یلفینی  ولف شگ

او یحل  بخیاطی المدلل  ولف شگ

رشگنی ابصلیت اعیونه  ولف شگ

شخل گلبی ابرصاصه  او عم علیّه

...

روحی انچوّت  لاعت  من یمرها

علی الما صب  نظرها  من یمرها

التحبّه اشموع تشعل من یمرها

او  تضوّی  دربه  بانجوم  الثریّه

...

شسد فک بانن اسنونی شهد فک

الزمان الخردل  اعیونی  شهد فک

یگلبی  الشلّع  امتونی  شهد فک

رمیتک  بس  صلیلک  طال   بیّه

...

الف   لعنه   الکره   حیدر   وضرباه

ابصلاة    الصبح   بالکوفه    وضرباه

اعلی محراب السجود ارخه وضرباه

او  گمر  بالنجف  یضوی  ابکل ثنیّه

...

ارسلت      مرسال     للحاکم      ولاعن

او شکیت اهمومی اله او لا حن ولاعن

ابضمیره   او    ما   اجد   رحمه ولاعن

استغثته    انوب    زاد    النار      بیّه

...

جاسم ثعلبی (الحسّانی) 11/02/1400

ابوذیّات شاطی البحر

کذب   کلمن   یذم     صوقی   وناشر

او   فلو  نظمی   الف    ناقد  و ناشر

انعطف ذوقی او حصد شوقی وناشر

او یبس  وانداس  محصوله اشفه بیّه

...

جفل  گلبی   من  احبابی والفهم

او علیمن  بالرده  انسبهم والفهم

مو    واحد   بعد   عنهم والفهم

السبب شنهی یگلبی او رد علیّه

...

الاصیل  امگام   ازورنّه  وحی بیه

و ازیّن  شارب   الخاین وحی بیه

العمیل اشلون اکرمنّه  و حی بیه

عساه  رگّه  ابمکانه  اتحن  علیّه

...

الفتک باولاد  اخو ینسب عملهم؟

او یسلب ملک و ایکنسل عملهم

الیگصون  ابغصن  فیهم  عملهم

او تفوخ  البشر  من  ضلهم اذیّه

...

علی    دیوان     للحکمه     علینه

علی اهلال ابسماء او یزهی علینه

علی   الهاشمی    الشیعی  علینه

علی   عادل   او  فخر  الجعفریّه

...

شیّب    راسی     منّک   لونه بیّن

اعلی شاطی البحر  ننضر لونه بیّن

هلک      مایرحمونا      لونه بیّن

اذا   ظهروا    فلا   تبراء   القضیّه

...

جاسم ثعلبی (الحسّانی) 08/02/1400

ابوذیّات و هوسات بمناسبت وفات الاخ المرحوم فرهاد اخشیش السرخی رحمهُ اللّه.

یگلبی  اشما  یمرّک  ضیم مرهم

احبابک  دوم    بالشدّات  مرهم

ابدون العاشرونی او جفوا مرهم

ابعزاهم  و انا     وناتی    خفیّه

...

لیالی  السود  جرحی  یبر منّه

الشهم و  الحید  گامن یبرمنّه

او ملک الموت من  هو یبرمنّه

خذه البیهم وفه والبیه حمیّه

...

یون گلبی علی  الطیبین شلهم

ابجفاهم ما یفید الصبر شلهم

الزمان القدّر  امن الدار شلهم

ابشهر  واسنین  ما عاوا علیّه

...

شال البیه وفه والطیب ، شال او حکمه عنوانه

ابو صافی  الحنین  الیوم ، اعلیه  حزنانه خوّانه

یستاهل اشگ الثوب ، ابجفاه متوسفه جیرانه

امعوّد   گلبی   او   یحزن . بس  للبیه   هیبه

...

یبو  صافی  الوکت بجفاک اذّانی

خبر موتک  سمعته او غیّر الوانی

ذکرت العشره  یمّک گلبی دلّانی

یا عینی ابچی. اعلی البیه هیبه

...

اخوی  انت  العزیز  او  جیت ازورنّک

او   محتار  ابجفاک  اشلون  اودعنّک

ابطن الچفن جسمک  ریت  اشوفنّک

یا   حید     اگعد     بیک     اکفایه

...

یگلبی  اتحمّل  الحسرات ، بس  اهموم تلفینی

راح  الچان  شمعت  بیت ، و افراگه   الیأذینی

اذکره ابگعدت الدیوان ، ما   ضن گلبه ناسینی

اشلون      اتغرّب       و      انت      الملزومه

...

ما اتعجّب اعلی الموت ، درب  ممشی او یماشینه

الدنیا  ما  وفت   وی  ناس ، تغدرنه   او  تعازینه

اجانه ابوکت ملک الموت ، اخذ  من  عدنه والینه

امقرر         یاخذ      وین       البیه       شیمه

...

عمیت  ابچی  علی   الزینین ، یا   عین التواسینی

اسباع     الگعدت    ابدیوان ، مگفاهم     یأذّینی

ما الوم الفگد  له  احباب ، ابچی  ابدم دمع عینی

احزن    گلبی     احزن      شال     البیه     هیبه

...

جاسم ثعلبی (الحسّانی) 07/02/1400

ابوذیّات عالمیّات

تعال     اویای    جرّبنی     یردنی

ابسبب شوگک  من  الحانی یردنی

و  احس   ابگلبک ایحبنی  یردنی

سکوتک   دام   رد  وارجع   علیّه

...

الظلم و الجور  من داعش لفانه

وحش لگمه ابحلگ جائع لفانه

کذب   ما   ینجی  العالم  لفانه

فنّه  القتل   و   الذم   بالبریّه

...

اصک فک وابلع اهمومی وحلفک

استضعفی الهدر  سومی  وحلفک

بعد   میفید   تعلومی   وحلفک

انتهت   ویّاک   بس   لتمر علیّه

...

الدهر  محچاله   لم  لمنی  وفرنی

او گطفنی للسماء السابع  وفرنی

یوّکلنی    صبر     مرنی   و فرنی

اصبره     لو   یحلّینی    ابشهیّه

...

الدهر    نهران     بعیونی    کراهه

او نزل  مایه  علی  اخدودی کراهه

ابطلایع  گومه  و  ارگبتی   کراهه

او گطفنی اعلی الارض راسی بدیّه

...

الوحدی او شایل اهمومی شجنبک

او خنتنی  او کثّرت نوحی شجنبک

المصایب  منّک   الفتنی   شجنبک

الاساس  انت  الگمت تهجم علیّه

...

اضل  ویّاک  ما  اخونک وعد لک

سفینة   نوح   اسمرنّک  و عدلک

ابذهب والماس اسومنّک وعدلک

عزیز   او   معتقد   غالی   علیّه

...

اببحر گلبی  غرگ  لجلک ولافی

ابغیابک لا شمس  عندی  ولافی

بگیت  ابشوگک  امدلل  ولافی

امانه  ابحبّک  او  عینک علیّه

...

شلت همّک علی اچتافی ولک مال

انا    التعبان     بحزانی   ولک مال

الگلب  چندوب  اصبرنّه ولک مال

یریدک   ما   یهوّد    یاذی     بیّه

...

جاسم ثعلبی (الحسّانی) 06/02/1400

ابوذیّات مبارکات

دقّق  بالحدث  و انصف  یراوی

الحکیم او حاکم ابعلمک یراوی

الیضر   النّاس    منتوجه  یراوی

تحرگه  املوک  ربّک   بالخفیّه

...

اذنوب  الصام  مثل  الطیر وافطر

او  تناول  بالتمر  والعسل وافطر

اصیام العافیه او هالحین و افطر

او ملوک الباری  تاخذ لک تحیّه

...

کیل  ابکیل  و  المحتاج   فطره

النثر بالگاع بذره ایشوف فطره

اعزل   للفقیر   الیوم     فطره

ابذکاة  المال خیرک  ثخن فیّه

...

ما  الوم   المریض  او  بطل   ولمای

ابشهر  رمضان  احسّن  زال  ولمای

الصایم  مو   یصوم  الزاد   والمای

الصایم صومه من کل  شر واذیّه

...

سئل  حاکم  وزیره  ابأدب بنفاه

اشیاکل  گول  رب  الکون بنفاه؟

اشیلبس خالقک  کل یوم بنفاه؟

او  ما  هوه  عمل  رب  البریّه؟

...

الوزیر  الخادمه اسراره یردله

الخادم جاوب  الحاکم یردله

الوزیر ابیوم اله فرصه یردله

یعزله  لو  یضل  ویّاه  لفیّه

...

الخادم  جاوب  الحاکم  وعدله

الرب  یاکل  هم اعباده و عدله

الرب  یلبس   معاییبک  وعدله

ابلحظه الخادم  ایشیخه ابثنیّه

...

الحاکم     نصّب    الخادم    وزرله

ابلباس   الحکمه  صوّت  له  وزرله

اجتمع    بارکان     دیوانه    وزرله

عزل ذاک الغبی او حط خل خویّه

...

اهلکه  المبتلینی    ابقهر   کنسل

و احس بالفرح جای ابنهر کنسل

یگلبی  احبابک  الخانوک کنسل

و لا   تقبلهم    ایمرّون      بیّه

...

هتک   بیّه  الیضدنی ابجمر بیجار

و انا ابداری او یطالب گعد بیجار

یگلبی   لا   تلوم   الوکت   بیجار

ابنصیبی  او قسمتی مکتوب الیّه

...

علی  تحشد  مصایب  منته خالی

اجرّحنّی اسهام حبّک منت خالی

حبیبی   الّی    نخیته    منتخالی

العذر  شنهی  ابنفاه  ایمر علیّه

...

تحب  لو ما  تحب  گلبی علی مان

او  تدور  اسباب و اتخلبص علیمان

اذا انت اتبعت غیری  او علی مان

الدرب   مفتوح   لا   تسئل   علیّه

...

جاسم ثعلبی (الحسّانی) 05/02/1400

ابوذیّات حب الشباب

امسودن   عذربت    زاید    شرک بیک

او عساک ابضیمک او یرجع شرک بیک

صرت  أب ثانی الی او گلبی شرک بیک

او   ذهب   للرب   الاوّل   حبّی  الیه

...

حبیب الروح طیر او طار ونصار

ابغیابه ما هدت  ملتهب ونصار

لون لی  بالعشیره  ربع وانصار

ادوره   و   الزم  اعنانه   بدیّه

...

الاودّه  ضوگانی   ابکاس  بس مر

او غیابه طال دگ بالگلب بس مر

جفن عینی افرشه ابساط بس مر

او  یرد  الروح  من  یجبل  علیّه

...

علیک  الروح  ما  هادت  وسالت

ابغیابک  دوّرت   سابت  وسالت

ابجفاک العین دم هالت وسالت

الاسف  و الیوم   تتدلل    علیّه

...

یگلبی ازهی ابعذابک و شتمنّه

علی  الناکس  و عوده وشتمنّه

تعدّه  الگیض   منّه    وشتمنّه

لچن  ماکو  خبر  لا کو  وصیّه

...

اذیتی  او  کل عذابی ولعه منّک

حضرتک وضّحت لک ولعه منّک

اطباعک  دهورنّک   ولعه منّک

او  خلّنّک  نحیل  ابکل  سریّه

...

اعیونی  مشعل   ابگلبک  وجن بیک

او خصوصاً لو اشم عطرک وجن بیک

ابخیالک  و  ابحلم  یمّک وجن بیک

اخذنی  اویاک   وین     اترید   بیّه

...

یدگ  گلبی  علی  افراگک   وجنتک

و اهیم   ابنشرت  ازلوفک  وجنتک

شبه    رمّان  و    امفطّر   وجنتک

انقهرت  ابشوفته او هل عم علیّه

...

العمر خلّص  صبغ  شعری  شتانی

و احس ذوقک بعد  صبری شتانی

املبّس    بالهم   امتانی    شتانی

و احس  ابنار  شوگک تدفه بیّه

...

ابعسر وابیسر وابرالک و انا اویاک

تون  یوم  الکثر همّک وانا اویاک

گلّی  الیا  بلد  قاصد و انا اویاک

اعوف  اهلی  واصیرن لک تچیّه

...

اعیونک مثل نجم اسهیل تنصاد

او بالک من تمر و احتذر تنصاد

اذا انت  الذکی  بالغفل  تنصاد

العجب  انا  الفقیر  اشلون بیّه

...

گلبک    هم     سمعنی   من اکح له

العالم   کلّه    ما   احس    منک احله

رمش    عینک   ضربنی   من اکحله

خطفنی او طاحت الکحله امن ادیّه

...

انشغل گلبک نسه شوگه ولاداک

او وفای  اویاک   میزنته  ولاداک

رقم   جوالک   انطرته    ولاداک

یدگ یا یوم ؟ من  تلفی  المنیّه

...

جاسم ثعلبی (الحسّانی) 04/02/1400

ابوذیّات عتاب مع الاحباب

یگلبی   اشما  ثگل  حملک   حملتک

تجافینی  او   ترد     طعتک  حملتک

اشتظن روحی شفاء  العلتک حملتک

الیاحد   و  الوکت     مظلم     علیّه

...

ضعت منّی یولفی او  شهت والفیت

او علی یا ورده ذوقک  نهت والفیت

اعتقد شدّک  ابخیط السماء  والفیت

انحبست   ابهجرک   الّی   نار  الیّه

...

المضیع    اصله   کمن   یشبه کلب تاه

یشمشم    بالفله     ایدوّر     کلب تاه

دنی    النفس       متکضّه    کلب تاه

غبی او ما یستحی امن اهله او خویّه

...

الدهر  نازل   علی   بلوا   ولک ون

یولفی او من صخر گلبک ولک ون

اسنین   الکدر    طافنّی   ولک ون

الیدور    الخوّه    خل  ینشد علیّه

...

ذکرت احبابی صب دمعی علی هم

جفونی الچنت غالی الهم علی هم

انوح  او   محد   اگبالی   علی هم

الیشیل  الحمل  سد  بابه   ابردیّه

...

ردت  لحظه  استچن  واعلن  بلاهم

المنّی   او   بیّه    زادونی      بلاهم

عشت وحدی او  سکنت البر بلاهم

او   یوزّون    الغرب   گاموا   علیّه

...

الباع  الخوّه و اهمومی  شراهن

شحنهن  یم    السلوگی  شراهن

اذا ابن امّی  طلع خاین  شراهن

الغریب  اویای  بس مادام الیّه

...

الدهر   محرب   سبانی   ودعانی

او علی احبابی  او حنانی ودعانی

گطفنی   ابدار   ظلمه   و دعانی

او  دفنّی  او گعد  یتمزهد  علیّه

...

العهد ما اخونه عدنه   ونسه حبنه

او   عزیزین   ابطربنه  ونسه حبنه

من   گلّک    خربنه    ونسه حبنه

بصمتی ابدم وفی او عینک شفیّه

...

یگلبی ون علی  الزینین  ون حیل

او نضل لاخر عمر بالحزن ونحیل

الویانه الحکمت  الدیوان ونحیل

ابکل   عجده  لچن  بعدوا علیّه

...

الزمان   ابحربه  خل  فکری واعانی

او علی ناسی  الذّی اتضدنی وعانی

الچنت  گلبی   یدر   الهم   وعانی

ابضیجی  الما  حضرنی  اگراب حیّه

...

احذرک  هلک  لیغشّک  شکلهم

اضباع او  عینک  اتخلهم شکلهم

الامس چانوا شهد حبهم شکلهم

کلاهم  من  کلاک   ابلا    فدیّه

...

ایتطشّر گلب  محبوبی  ولم بیه

یطگ بعیونه و  ایفلّش  ولم بیه

الما  طاوع  یمر  صوبی ولم بیه

یلوم  او  لیش  ما  تنشد علیّه

...

الف صاحب  ستر و الضر  بعدون

او علی البیهم  وفه  گلبی بعدون

الچان   اویاچ  یا  روحی  بعدون

جفانی  او  ما  اظن  یرجع علیّه

...

حلو حامض شهد  طبعک  و مربک

خبر  جانی  سلب  عگلی   ومر بک

ردت بس  لحظه اشوفنّک  ومربک

یربی    انخاک     یسرها      علیّه

...

ابکرم و ابزودک انخیلک والحسان

ترد  سالم  تجی  البیتک  والحسان

ابمحمّد  و  ابعلی  داخل ولحسان

او شفاک  ابفاطمه او رب البریّه

...

یداحی   الباب   اود  انخاک ودراک

اختبرتک حیل صاحب بخت ودراک

احس  گلبی انشحن بس الم ودراک

انتخیت   ابعزّتک   فرجهه    الیّه

...

یربی   انخاک  رد   ولفی   وعیده

اعلی بیته او یحظر احبابه  وعیده

دعیت  الگال   ما  یخلف  وعیده

یشافی  کل  مریض   ابکل   نویّه

...

الدّنیا  اشباح   یبن   اادم  ولدهه

اعلی جرن الثور واتعاصی ولدهه

العذاب او ضیم  موگدهه ولدهه

بالک  لا  تغشّک   تزهی    هیّه

...

العگل صندوگ  لسرارک ولک دار

او   بالک  تمّن  الدّنیا    ولک دار

مسیر الاخره   المقصد   ولک دار

ابجنان  اتعیش  اذا تطعم خفیّه

...

ابرجولیّت    بشر    شاعر    وناحر

او گوم  اعلی الهتک عرضک وناحر

ارفع   راسک   او   نادی     وناحر

الیعیش  ابذل  یحط بحفاده اذیّه

...

جاسم ثعلبی (الحسّانی) 03/01/1400

ابوذیّات للغیّاب

احباب   الّی   گصو    بیّه  شمرهم

الدهر و  الطمع من عندی شمرهم

اجروح   اهوای  مختفیه   شمرهم

الاضمده  ایطیب  یرجع خصم لیّه

...

الما  عدهم  وفه  او  سابوا  شتلهم

و احس   بدیاری  ما  ینفع  شتلهم

ابن امّی او سیفی  بحزامی شتلهم

او   صار   الهم  حشم یهجم علیّه

...

 صبرت او  بالسماء  اهلالی ولالی

وانوم  اهمومی  بحضانی  ولالی

الدنیا  لا هی الک  تبغی ولا لی

کلنه   اضیوف  مدّه   ابهالدنیّه

...

اون  و  ادموعی  دم  صبّن   ویرّن

اعیونی   امن    البچی  ملّن ویرّن

ذکرت    اصوات    غیّابی    ویرّن

ابحزن و ابنای  و اطوراه  ابشچیّه

...

یحن  گلبی علی  احبابی بعدهم

او من الطیبین احسّبهم  بعدهم

الدهر  والوکت  بالفرگه بعدهم

او  متی  او یا یوم  ونعیدّ سویّه

...

یون  گلبی  علی المدلول  ون شال

ابجفاه الفکر ضل  ایدول ون شال

الجسم  بجفاه کالمعلول ون شال

و  احس  بالموت  یتگرّب   علیّه

...

انهلت  ما  بیّه اشیل ایدی و جدمای

ابسبب هانانی ابن اب لی وجدمای

العطش  یم بیرهم  جرنی وجد مای

الخبث  بحبابی گطعوا   دولی  بیّه

...

الدهر  کوّن  علینه  او عال ونسال

مثل  نار  او  جمر  و  نهال ونسال

یگلبی اویاک اخوک  الحال ونسال

کلمن  بیه  رده  او  ما  بیه حمیّه

...

بعد  ما  بیّه  الوم  الهام   واللام

و اقدر  البیه  وفه والدام واللام

الدهر چاسینی عام ابعام واللام

حزن  و آهات و افراگ او اذیّه

...

جاسم ثعلبی (الحسّانی) 03/02/1400

ابیات رحیل امیر الابوذیّات

التذمّه  ایذمّک  او تجفل شذمبک

ابعماله او تهلک انسابک شذمبک

لئیم  او  تجرح  ابربعک  شذمبک

الدّنیا  اویاک  بس   تحثر    باذیّه

...

خنتنی او ما طریت اسمک وجرحای

ابمطر  ینزل  علی  ضیمک و جرحای

ملح  و  اترش تحل و اترک وجرحای

عذاب   اشکال   یدّن   بس    علیّه

...

البیه شیمه او زهه  ابحومه علیه رد

العمل  لو   شین  ما  ینسد علیه رد

الیغث  بالزین   ما   یرسل علیه رد

حکیم  او  یحکم   ابحکم  الخویّه

...

خنتنی ابوکت  من ما ضل علی حال

او تهد بسهامک او تعرض  علی حال

الستر  دفنیته   باحلامک   علی حال

جبل    بینی    لبینک   صار     اذیّه

...

الاودّه   انسانی  ما   لحظه   علی سال

او عذابه او ضیمه  و افراگه  علی سال

او علاجه اصعب  او صارالی علی سال

افتکر   خاف    او   ترک  شرّه   علیّه

...

الدنیا   اویای  ما   وفّت   ولمهه

علی اچتافی او حمل  زاید ولمهه

وصل  حدر  الضلع سمهه ولمهه

الموت  اهون لی من الصار بیّه

...

الحرگ گلبی ابطن  موگد  یمرنی

ابرحیلی او  عاد  واعدنی  یمرنی

امن اموتن هم اجد واحد یمرنی

او یقراء الفاتحه  او ینحب علیّه

...

الگلب  خیّط  جرح  ضمّد  محل شال

و امن اهل الوفه  اذکرهم خجل شال

اذا    گالوا    الحسّانی    رحل   شال

مذا     تصنع      اذا   تسمع    نعیّه

...

تبعت اهل الوفه الحیهم و ودهم

ابسلفهم  رحّبت   بیهم   و ودهم

احباب   السائو  ابحقی   و ودهم

احتذر  من   البرانی   الذمّه   الیّه

...

جاسم ثعلبی (الحسّانی) 02/01/1400