أبوذیّات صراع مع ألزمان
یگلبی إهموم فوگ إهموم بسلم
إو من گلّک إبغیض إلدهر بسلم
بگه جسمی عظم بإلجلد بسلم
إلگحط و إلظلم و إلظیم أنعه بیّه
...
إلکرم ضیفه إو ذبح چم شات بلعان
تهیّه إو حط وصال إلگصد بلعان
إبیوم إلضیج شد إحزام بلعان
حضر بحفاده یوم إلموزمیّه
...
گلبی إعلی إلتودّه إلروح ینهان
عزیز إو ذکریاته إبعجل ینهان
إلنکر طیب أهله و إلصدقان ینهان
تترکه أحفاده و إلبیهم حمیّه
...
بلع گلبی مصایب غدر بلعین
یحضّی إلما وفاک إو ربض بلعین
مکان إلّی تحبّه إلروح بلعین
یظل ساکنهه خل و إیعن علیّه
...
إشجرالک یا دهر دایم علی مان
إشجنیت إویاک متحنبط علی مان
دریت إبگلبی بعمالک علی مان
تهاجمنی إو تهدّدنی إبمنیّه
...
کبرت إبفکری و أذکر من ندامای
جبل شایل إبچتفی من ندامای
صبرت إو شرب گلبی من ندامای
رویت إو ما روا إلعطشان بیّه
...
عمر خلّص بأملنه من تچنّه
إو بخت صامد لصلنه من تچنّه
یگلبی أنت إلمهنّه من تچنّه
إلک إید إلطویله إبکل قضیّه
...
لهانی إلوکت جانی ملهه تالی
إبعذابی إو ضیم گلبی ملهه تالی
حیاتی إبدون شخصک ملهه تالی
إعتقد و إلفرگه تبلیه إبمنیّه
...
أحس طوب إلرمانی إو جار من ثار
علی داناته تصقط مطر من ثار
أود أمسح إلعار إبنار من ثار
ولاکن قلمی یمنع ضنّه بیّه
...
زمان إلعفرته بنتهه لو لا
إلأصیل إو محترم ما بیه لولا
إلکلب لو ینبح إتجازیه لولا
إلغبی عوفه یحشّم طبعه زیّه
...
تحسّدنه إلولانه منکنّه
إو یدهری إبلیس ذلنه منکنّه
أصیح أللّه إو أکبر منکنّه
أشو کل یوم طالع لی إبّلیّه
...
إلخلگ بإلگلب منظرها ترابی
إو جنود إسباع بإلحومه ترابی
أجر حسرات و إعیونک ترابی
إشکثر بد ذات ما عندک حمیّه
...
وحق إلّی إنولد عالم ولادین
عرفتک تسلب إو تحرق ولادین
إلحد من تنکر إحگوگی ولادین
إجّرتنی إبداری و أعمالک ردیّه
...
کتلنی إلیبرج إبسیفه یمهلاه
إلیشوفه إیهاب و إبموته یمهلاه
صرت مثل إلذّی یهجم یمهلاه
إذا یبعد مثل کلب إلرعیّه
...
إلگلب حن إعله شوفک من مریتک
إبگعده إو عینی تهمل من مریتک
تدری إلضیم کلّه من مریتک
رضت ترضی أزعلت تزعل علیّه
...
تخل بیّه إشعلامک وأنت خل لی
إبشدّه إحزام ظهری وأنت خل لی
فرد مرّه ندبتک وأنت خل لی
إرفع إسهامک تطگ و إتصیب بیّه
...
إلگصه بحبابه لا قاید ولا عود
مسحته إبعوزی ما أجربه ولا عود
علی تضرب مثل شارد ولاعود
منو غیرک عزیز إو غالی إلیّه
...
إلیون بإللیل حایر ونت إنَ
ولا للغیر لافی ونت أنَّ
ردت ویّاک نگعد ونت أنَّ
إو نزیل إلغیض و إنعیّد سویّه
...
أغرّد لک إبشوگک بس یحن لک
إبعرس و إچفوف إدیّه بس یحن لک
إلگلب ما حن إلغیرک بس یحن لک
عزیز إو فرگتک صعبه علیّه
...
إلیمن إترک صحبته من نجیته
إو یدیر إلراس بإلطگ من نجیته
علی سد باب بیته من نجیته
توزّه إنذال و إیحشّم علیّه
...
تبعتک من عبرت أبحار و نهار
أفوج إو طال بیّه إلسفر ونهار
علی شأنک سهرت إللیل و نهار
أون ونّت رفیج إلمات أخیّه
...
گلبی إلمحتر إبشوگک ولی عون
لأن ذچرک إبدلالی ولی عون
شبگتک وکت ما شفتک ولی عون
إشمگلبک أجد ذایب بین إدیّه
...
گلبی إبروع هجرانک علی مان
راکب جمل و إتدحلب علی مان
ذکرتک و أنت ما تسئل علی مان
إلسلب عگلی یدمر إلروح إلیّه
...
هله إو یا مسهله إو مرحب هلاوین
إبجفاک إو ما غفت عینی هلاوین
إخذنی إویاک ماریدن هلاوین
عفتهم لجلک إلبیهم حمیّه
...
إبذوقک زید مطلوبک هل أراک
إلعمر خلّص إبمعروفک هل أراک
تون و إمفارج أحبابک هل أراک
علیمن تحن عوف إلبیه أذیّه
...
أدگ و أنثر گصاید ذهب ولدر
أودّه إلبیه حمیّه إو نسب ولدر
أفدیله إلروح ویه إلمال ولدر
إلیروح إیرجعه إبو أطباع إلوفیّه
...
أحن و أشتاق ذلک کل یوم و أنغم
إمفارج بإلهموم أنضرب وأنغم
تبعتک و إلگلب مالوم وأنغم
زین إو شین منسوبک علیّه
...
درست إهوای أسطر إو زاد ملفاک
ترید إنرید تجفی إنجفی ملفاک
تطالبنی و أنا إلویّاک ملفاک
إلحمل لو مال متشیله إلبریّه
...
أود لو ألف مرّه أحترگ ونساک
أحن ویّاک أدر و أستدر ونساک
أبد ما یوم أفکّر تفر ونساک
طفل محبوب أشیلک بین إدیّه
...
ذکی و إتفکّر إبذوقک وعینک
طری و إتنومس إبزودک وعینک
شهیّه أطباعک إو طولک و عینک
إمن أشوفنّک تشب إلنّار بیّه
...
جاسم ثعلبی ألحسّانی 22/02/1401
:: برچسب‌ها:
أبوذیّات صراع مع ألزمان ,
:: بازدید از این مطلب : 953
|
امتیاز مطلب : 0
|
تعداد امتیازدهندگان : 0
|
مجموع امتیاز : 0
عضو شوید
عضویت سریع
آمار مطالب
آمار بازدید
