سفیر الحب

ابودیّات کحول الناظرات

الغزونه احثاله متحنبط یرده

اسباع ابسیف من صلبی یردهم

طلبت امن اللّه والکاظم یردهم

او یبریهم تهم مچبوسه الیّه

...

الیغزی الخصم لا چودر ولا شر

ابمنایه البین لا قنطر ولا شر

بخیل الما یمد سیفه ولا شر

العوی لذیاب اهلنه ابکل نویّه

...

مو کلمن یلم جرحه وشل بیه

ولا کلمن ثگل حمله وشل بیه

الشهم ذاک الغرگ بلمه وشل بیه

ابعجاج او روج مبحر بالوصیّه

...

الساسه من رمل صاقط وشبنی

ابدوالیبه او علی هایج وشبنی

اخوی اویه الخصم دگنی وشبنی

او نکر ثدی الرضعت اویاه سویّه

...

الح للاخذ عگلی اویاه بسدام

اکلمه او مایرد والگاه بسدام

شرگ گلبی علیه او نزف بسدام

دخت من طحت سد بابه علیّه

...

کشخ صبری ابعزم زودک وفر بیک

لهمتک ملتهی ابلوچک وفربیک

جنح طیبک جنح جودک وفر بیک

طرت بالسماء واصورّک بدیّه

...

ضجت مصیوب زانه من هوانه

او یشم نکهة حنانه من هوانه

نسیت الحانه عانه من هو انه

ابشاطی الحب رفعتک للثریّه

...

مر طبعک او ذوقک شکل کحلای

ابکحل کحّل اعیونک کحل کحلای

یکحلان اشکحل ما تحل کحلای

امکحّل من کحول الکحکحیّه

...

انعجن حبّک ابدمّی او فار ونهار

مثل غیم العبر له ابحار ونهار

متی یا یوم اشع بالدار ونهار

ابثیاب العرس ولفی ایده بدیّه

...

یهل تشعل ابگلبی اتفور بیه نار

ترف خایف علیک اتنور بیه نار

عساء بیت الیضدنه اشتعل بیه نار

ابشماله او لا یضل من بجیّه

...

شرید اصبر شرید اکتم شجر بیک

عمر مستمر تابعتک شجر بیک

الظروف اهوای مانعتک شجر بیک

اطفی النار تطلع بلطجیّه

...

جاسم ثعلبی (الحسّانی) 24/08/1399

لا تکبر تذل

النحط الهم محل لیش ابعفأ ایتفخون

اسلّم ما یردون الاجر لیّه

اذا ما نحترم گالوا کباره اویاه

یتهمونا ابرده ما عدنه شخصیّه

سکتنه او گلنه صوچ اگلوبنه امعزبات

البخل بالمعرفه ماعنده تربیه

لا تکبر تذل بس لا تطخ الراس

تری سالوفة البیه شیمه منسیّه

النّاس اعیونهه تحرگ جبل من طین

الحسود اذلاله فوگ الراس شمسیّه

اتهده او طم طم اسرارک دفن بالگاع

واذا ما طاوعت تترجه تسلیّه

بالک لا تبیع ابرخص چف اعضاک

ابرده و ابعوز تلفیک الحرامیّه

جاسم ثعلبی (الحسّانی) 23/08/1399

احن واشتاق

الرابی ابطن گلب اسنین ابکل موقف یذکرونه

المحسوب الهوی والمای اشلون ابلحظه ینسونه

احن واشتاق الک باللیل ، او تجینی اهموم مثل السیل

مو طاووس ریشه ایحوس ، ینثر حتّی یشرونه

انت سلوتی ابدنیای ، اشوفک مثل ورده ابمای

الفارس لو رکب خیّال ، والخاتل یجربونه

الصدگ نور الوجه یفلان ، او کل گلب الخسر تعبان

الینکر حبّه مو انسان ، باعذاره او یدفنونه

دوّرلک ولف ثانی ، او جرّب باللّه تنسانی

ولک شمعه او مضیف او للیل ، بدر وامکحّله اعیونه

اذا تزعل علی ما اعود ، انذرک یبو اعیون السود

ابدیوان الکرم والجود ، خطف لون الیکرهونه

ابهواک انشلع دلالی ، الزمن ما یرحم ابحالی

الاحبّه او بالگلب غالی ، اذل المایکرمونه

ابتلیت ابهجرک او سلّیت ، اخذ حبّک اذا منّیت

احسبک مای واتبدّیت ، خبر عاجل ینشرونه

تعاهدنی تضل ویای ، تداوینی او تضل ادوای

تتابعنی ابدرب حفّای ، من ناس الیعذبونه

اخد منّی العهد وارتاح ، ابضلامک خلنی الک مصباح

التعده انسحگه راح ابراح ، مو صبخه او یکربونه

زهرتک بالگلب بستان ، ابمحبّه وابشرف وایمان

نارک تکره الدخّان ، مو بردی او یکسرونه

اشتعل واسرع شبه بارود ، حط ایدک بدیه او فوت

تتوصّف ورد منعوت ، واجیال الیشتلونه

ما اعوفک تضل اوحید ، ازورنّک ابیوم العید

اریدک تبغی الی صندید ، او من نهجر یحنطونه

جاسم ثعلبی (الحسّانی) 22/08/1399

طال السفر

یمته اشوفک یا وکت وانت اعلی بالی

ضیّعت دربک او کاتلنی السهر

طالت الغیبه عزیز او عندی غالی

الحد من السکته تری گلبی انفطر

اشعطّلک وکت اتصالک یالحبیب

وانت بالباص او حدر رش المطر

لا تخاف الدنیا مشحونه ابرعید

ردت اشوفنّک لان ما کو خطر

انا ویّاک ابسماء او یمنه النجوم

اتحّطّمیت اویاک اشو طال السفر

انا معطوف اعلی شخصک وانت نار

لا تعاقبنی ابهجر عید النظر

النّاس فرحانه او تشارک بالمصیر

واحنه مسجونین شامتنه الدهر

واللّه تعبینه ابدرب حبنه الطویل

عمر عشنه ناکل او نشرب قهر

جاسم ثعلبی(الحسّانی) 21/08/1399

ملمع اشوی ریّض

ما ضمّدت جرحی او چمّلتنی اهموم

عرفت السبب شنهی او مبتعد عنّک؟

هیهات اصلح اویاک الدرب مسدود

ابّناک ارجع و اردلک واعتذر منّک؟

انت الواعدتنی اتشیلنی امن الضیم

هذا اول برم تفتل غضب چنّک

تکثّر بالمصایب تحسب الغلطات

ولک ارحم حیاتک من کبر سنّک

طایر بالسماء او تشتم هوی الشمّات

اشوی ریض یخل مو شفت احبّنک

تهد تشتم تفشّر تنکسر تختاض

حملتک تابعیتک چنت اریدنّک

بس هسّه انکشف طبعک علی دولاب

جزعت او بعد ما اسامح واکرمنّک

صدیق او تاه دربه او رد علیّه اردود

او مثل باقی الصداقه الیوم اعرفنّک

سفینة حبنه شلهت بالمطر والزود

عفتنی اوحید اون تخسر واجرمنّک

جاسم ثعلبی (الحسّانی) 20/08/1399

دارمیّات و ابوذیّات حوار العاشقین

دگ الگلب  بالیل حسبالی اجیتی

گمت احسب الدگات من واعدیتی

...

دگ الگلب  باللیل وانت ابمکانه

مثل السمچ ما نام یذکر حنانه

...

حبّچ شعلنی ابنار ما ظنتی تنسین

فدوه الگلب والروح بس لا تبعدین

...

اتسودن واحشم النّاس لو مرنی طرواک

انت الگلب والروح ما اگدر انساک

...

ودیته گلبی او جاک طاوعنی مگرود

اشلعه واحرگه ابنار لو منّک ایعود

...

شمنی او دخل بالروح او حبّیته انه

یا ریت اشوفک دوم وانت ابمکانه

...

یریت اختم حزن گلبی واشم بیک

کتلنی خدّک الیزهی واشم بیک

اتخیّل صورتک یمّی واشم بیک

ابلیالی الشتاء او تتمرحب علیّه

...

ادلل انا الک خاتم و الک عین

استعد جرنی ابهوی حبّک ولک عین

اتمنّی او جالس اگبالی ولک عین

کتلنی القهر وانا النار بیّه

...

الغیرک ما رهم جدمی ولا هید

الیذمّک ما دخل گلبی ولاهید

اعلی شانک لیلی ما انامه ولا اهید

افکّر یمته اشوفک یا مسیّه

...

تعلّگ گلبی بوصافک و ملجاک

یرید ایعیش بحضانک و ملجاک

تعب ما یحمل الفرگه وملجاک

نذرت امراد من نگعد سویّه

...

الگلب ویّاک طاعالک تمر بی

عسل بشفاک احس حالی تمر بی

ابیا یوم التحب واعد تمر بی

ایتلگاک ابحشم باهله او خویّه

...

الشماته اتزور واتچن من ندسته

او درب البیه خیانه من ندسته

اشتعل حبّی ابکلامک من ندسته

اتسودن هاج الک ،للّه الشچیّه

...

جاسم ثعلبی(الحسّانی) 19/08/1399

محاوره بین العقل و القلب

الگلب  والعگل  شچّو کلمن ابرایه

علی طاری العشگ محترّه الحچایه

...

ابتدء ابهای الطلابه و الگلب زعلان

الجمال امن اللّه مخلوق ابنفس انسان

عشره ابلا عشگ ما تقبل النسوان

العروس ابلیه حب محسوبه ودّایه

...

هز رمحه العگل گال الستر مطلوب

مردود العشگ عیش ابستر مرغوب

الدایخ بالمحبّه امکسّر او مسلوب

الیخطی او یستمر تابعته رمّایه

...

الضایگ لذّت الحب مستلذ ما تاب

امحزّم بالعشگ لمن یجی الخطاب

تدعی ام الولد من تدخل المحراب

بس عرس الیحب یفرق بالف غایه

...

گال العگل کافی ابد لا تحچون

احذرک یا گلب لتنجّس الماعون

احس الیحب مو عاقل شخص مجنون

خصوصاً لو تدگ بابه النهّایه

...

ابتسم یمّه الگلب گال العگل خسران

الحب مثل الگمر و امونس الدیوان

التزوّج وی شریکه ابلا عشگ تعبان

عطشان ابخجل خل یشرگ ابمایه

...

هز ایده العگل گال الگلب معطوف

کومة لحم وایغش بالبشر معروف

ما یستحی وایعربد عبث میشوف

همج میشوم خابص نظم الولایه

...

صارت صیحه و التمّت علیهه اجواد

یسکتون العگل بس بالحچی ما فاد

العیون انتخن صوب الگلب مشراد

الخشم والاذن والفم دگوا الثایه

...

رفع راسه الگلب ضل ینتشع بیهم

من حضروا عمامه او سمع طاریهم

اتونس بالطلابه او من یخاویهم

من بیت العگل صر یطلب اگنایه

...

اتعلّی اعلی العگل مثّل له بالانسان

اتکتّر   یا عگل من  الجسد   تنهان

خمس بالراس عندک و انت الخسران

کمل کل الجسد عندی بالحمایه

...

العگل ما سلّم او دارت علیه رضعان

علی شان المحبّه العشگ والنسوان

کلمن کاض سیفه امن العگل زعلان

بگه اوحید العگل ما عنده تچّایه

...

صاح العگل لیهم ابد لا تنسون

لو ما چنت انا ابنار تحترگون

ادلّیکم واحامی من الیذمون

اذا انامن تجی کل یوم لفّایه

...

اتدنت للطلابه العین وانهالت

زعلانه ولاکن صبرت او مالت

تقصدونی سبب للمشکله او گالت

جفنی اعلی الیودکم ما نشف مایه

...

تگرّب للوساطه الخشم شیب او شاب

اتّحدوا یا جماعه و احنه کلنه احباب

میفید الخَتل لو یوصل الطلّاب

یساعدنه العگل ما عدنه بیه ذایه

...

وانت یا گلب ضل بالجسد حاکم

لأن کل الجسد ما یقبل الظالم

اخونه العگل بالضر الجسد عالم

یراویک ابمنامک بالحلم آیه

...

و انت یا عگل ، الحب عبث تفنیه

حب رب الاله الکون شنسمیّه

حب النبی وآل النبی شتخل بیه

کل الجسد لهل البیت وفّایه

...

الاذن صاحت یخوتی انا احن واحتام

اذا مسمع صدا المحبوب ابد ما انام

مفهومه الطلابه بیهه خاص او عام

الگلب یجلب حبایب للجسد رایه

...

صاح العگل حب الحیّه و البزّون

ارید اکشف حقایق و انتم اتسمعون

الما یجلب نظرها اتدوّر الیسعون

اتذبّه ابمشکله او تحرج المشّایه

...

گعدوا و انتهوا ما بیّنوا خسران

او رسموا خارطه واتباصموا خوان

الحب کون ابعداله او مصلحه او ایمان

مو بالعفرته او لا بیهه شچّایه

...

گال العگل انا الابوا فوگ الراس

احامی اعلی الجسد متحمّس اباحساس

اول ضربه بیّه اتطیح یا خنّاس

مکانک یا گلب بالسدر دفّایه

...

اسمعوا زین اللّه ایساعد الستّار

خلونا انتعاشر والزمن غدّار

دخیلک یا گلب بس لا تذبنه ابعار

المصایب توصل اتجرحک امشلفایه

...

الاطلابه انخصمت او بیهه الاخوا ما لاع

شدّوا بالعهد یتعاونون اسباع

یکرمون الرچیچ الطاح بیهه او لاع

وعد لاخر نصر گامت البدّایه

...

الحمد للّه احتلت عرکت الخوّان

ابعقلیّه او لطافه او غاضت العدوان

تتعهد علیهه الزلم و النسوان

ما تزلف ابد لا تنکس الرایه

...

جاسم ثعلبی (الحسّانی) 18/08/1399

هذا الچنت خایف منّه والصار

غبتوا لیش منّی او ما شفتکم

احبابی او نور عینی او عمری وادوای

الگلب مجروح چی ماودعتکم

احس موتی جریب او گبری محفور

عذاب الفرگه ضرنی او جیت اگلکم

جفیتونی او رحلتوا وانا عطشان

حسافه الوکت قر یبعدنی عنکم

بلعت اسموم فرگاکم والعتاب

ابدلیلی الهم رگد ما سمّعتکم

بعدیتوا علی یمته تعودون

یریت العشره ترجع وانا یمکم

الدار اصبحت ظلمه او تنعی البوم

بیهه اتوحّشت حبیت اگلکم

سراب ایمر علی وایغش العیون

نکرتونی اشعجب وابعد ضعنکم

افز مرعوب وانطر دگت الباب

عذاب المر علی ماضن یمرکم

حیاتی انشلّت او عمری نده او ماع

سافرتوا ابعجل ما شابگتکم

اشلون انسه الربه والعشره تذکار

اعلی گلبی ابذهب کاتب انا احبکم

علی بالی تجینی اصورکم اتدور

اعتذر خاف ابعشرتی زعّلتکم

جاسم ثعلبی (الحسّانی) 17/08/1399

دارمیّات حب و عتاب

اتواعدنی احبّک موت ضل جاعد احذای

و انت ابوکت موجود ما تنصف اویای

...

حبّک طلع چتّال یرمینی ختّال

چفته ابرمح خیّال شبگنی بحبال

...

یوسف صفیت اویاک طحت ابطن بیر

ما ارید اشوفک یوم دفّانی اتصیر

...

من طبعک اتأذیت ضگت المنیّه

ما ارید اشوفک یوم تحکم علیّه

...

ضد الظلم هبّیت ما اطخ ولا اخاف

اذانی کل من گال ما عندک انصاف

...

ودعتک اللّه اویاک میه ابدالک

امعصّب علی شترید موت ابدلالک

...

من گلبک اخذ نار خل چایی ایفور

روح او بعد لتعود ابوجهک للگبور

...

حبّک طلع مخدوش مثل الگمر غاب

نبّهتک اچندوب ما تسوا العتاب

...

امساهر وافکّر بیک متوسد الگاع

حبّک شهر ما دام مثل الندء او ماع

...

ابطن الگلب شعلیت نار ابطن نار

السانک طویل او عال مثل الفشگ ثار

...

دربک شتلته ازهور من تمر بیّه

و انت ابناک اصغیر تضحک علیّه

...

تمطر مصایب دوم و اتحشّی و اتزود

وزنک ذهب لو صار ما اریدک اتعود

...

گلبی انفطر عطشان مثل الورد مات

کل لحظه افکّر بیک و انت ابسفر شات

...

تجرحنی بالدلال ما تسوا اباریک

چنت الهوی و المای بس هسّه ناسیک

...

دگ دگتین ارداف گلبی او نزف دم

والجرح منّک جاس ما یرضی یلتم

...

احضرک و اعلّم بیک وایدک بدیه

اتعوف الدرس و اتعود تمغث علیّه

...

احترمیتک او صبریت و اتحملّت عار

من تسرح اویه المار جاعلنی خطّار

...

حرگیته گلبی او شاه ترسیته لوعات

سامحنی اذا ما عاد حب و انتهه او مات

...

اتشافه گلبی او طاب. انسانی ما اعود

خایف یرد و ایعود و اتجرحه اردود

...

اترید الصدگ خلصان بس روحی یمّک

او لو بیدی یمی الیوم او تگعد و اشمّک

...

جرّتنی لیک الروح نوب انا اجرهه

اتجالع ترید اویاک بآخر عمرهه

...

یا روحی اشتردین عطشانه احس بیچ

عندچ طبیب او شال اتبعیه یداویچ

...

یبچی التحبّه الروح خجلان اسلّیه

صارن ثلث تیام مختاض احس بیه

...

لا تفر جرّب جای و اعیونی تنخاک

حبّک ابگلبی نار اشلون اگدر انساک

جاسم ثعلبی (الحسّانی) 16/08/1399

ما   تحمّل   العایل  علیک     افنیه

ابصراحه احچیهه یم العایل السبّک

و اذا احس ابچویتک عود من شخّاط

اذب  برمیل  بنزین   اشعل  ابگلبک

ما ارحمک اذا ما ترحم الدلال

لیل انهار حاضر جاهز الحربک

ما عندک شریک انا الوحید اویاک

اخذ منّی العهد و اقسم وحق ربّک

اشتفکّر شاک بیه امتابع الکشخات

اهدیت اویاک ما ینسه الگلب حبّک

اضحک مدری ابچی امن الزعل خجلان

الیخون ابحبّه ما یزهی ابعزف دربک

عرفتک من کلامک تغدر البیه شان

تفکّر بالوناسه اباکلک ابشربک

الناس الحسد سمهه او کذب عدهه اهوای

لتصدّگ حماقه او بالخله اتجربک

غنّی ابطور حبّی و انا الک اشتاق

من کل المشاکل روحی اتعربک

و اذا لجّیت ویاها او عبرت اشطوط

کل خطوه التفوت امعربد اتسبّک

عساها ابّختک او حضّک شعلت النار

اعتقد لاخر حیاتی او روحی متحبّک

جاسم ثعلبی (الحسّانی) 15/08/1399

التوا بیه زمانی ارداف لاون

واون محد سمعنی احاه لاون

یجوّعنی الولف وایگول لاون

التهی ویای اکل مثرود ادیّه

...

ابتلیت اویاک طبعک شهد بلوای

چنت ناصب الروحک مهد بلوای

حبّک نار ینزل یهد بلوای

اشمّن بیه حقد مو حب خویّه

...

عفیف ابثگل وزنک وانت داری

غشیم اتعوف عهدک و انت داری

بعت لجلک حیاتی وانت داری

شجاک اتخلبصت هنت البریّه

...

ابکلامی صادق او بالغ ولا خل

ابحبّی ما شرت لادق و لا خل

احلف لک لا اخو طبلی ولاخل

اجرّب بیک و انت اتهد علیّه

تعصّب لیش ابو اطباع الردیّه

...

المصایب دون فکره اختفن من هن

او هتک عرضه او ضمیره الجفن من هن

اذا مترید جفّی ارجوک من هن

حملتک لجل چنت اتحن علیّه

هذا الدرب زم مالک خطیّه

...

قصر شبّهتک ابروضک و احل بیک

جمرّز لیلو الصق لک واحل بیک

اشمجرّک وافتح اسرارک واحل بیک

ترد تهجم ، تشک ، تصنع ، اذیّه

...

بعد لا تاخذ ابشوری وامر بیک

لان ضگتک طبع حنضل وامر بیک

انسانی او لا تمر بیّه وامر بیک

انتهیت اویاک واسرارک خفیّه

...

جاسم ثعلبی (الحسّانی) 14/08/1399

تغثنی اتعیل بیّه او تشلع الدلال

ترجع لی او ترانی ابدربک امتانی

شفتنی او جرّبتنی او ضگت طبعی اهوای

مثل خاتم زمّرد لو سلیمانی

شوصفک والوصف مثل المطر بالمای

علی روج البحر یرتعش و ایعانی

حبّک شمس من تطلع تحن و اتهیم

لمّن سلّمت هیچ انت تنسانی

مشتاقه تفرفر من تشع انوار

حبّک مثل حبهه ابروعه غشّانی

او خلّانی اسیر اشتم هوی العذّال

ابکلام اعذرنی هز ارموشه و الهانی

چندوب المذلّه البیهه عار او نار

او یا صحّه او سلامه الغرهه دفّانی

مو قاصد شباب العدهه ذات او صیت

ویّه المس عشگنه او هیّج الحانی

الغضب ضل یمطر ابشوگه او نزل حالوب

غفیت ابهجره من حسّیته ملّانی

اشما اقدّم تنازل یعلی وایدگ سور

مسجون ابجزیرة عمری خلّانی

کل هذا التعب یخبص یعذب الروح

یرد یهجم علی بجیوشه ضکّانی

اشما اسامح یردلی او کرراها اویای

ما احصّل حمیده ابطبعه اذّانی

بعد بس والتسامح وصل للبلعوم

یتعیّل علی ما ضنتی یهوانی

روح او داعت اللّه او خلنی طعمة عوز

ابرجوعک عود گول الاجل جرّانی

ادری الاجل یعرف من هتک بالشوگ

اعتذر و اردود گول الگلب زفّانی

جاسم ثعلبی (الحسّانی) 13/08/1399

چرا تنهایی می گردی ، از تو من بی خبرم

تو خوشی هاتُ می کردی ، ولی من منتظرم

...

لحظه لحظه چشم براهم ، خاطراتت سر پناهم

بخششت رو نمی خواهم ، باختم در به درم

...

تو نمی دونی که قلبم ، تپشش بالا میاد

وقتی تو نباشی پیشم ، می خوامت خیلی زیاد

دلِ من همش کمینه ، ردِّ پاهاتُ می بینه

نمی ترسی من بمیرم ، عشقمُ دادی به باد

...

آخه این قول و قراری نشده ، عقد با حلقه گذاری نشده

دیگه اعتماد ندارم خسته ام ، سفره ی ما لاله زاری نشده

...

بسِّ دیگه هرجایی ، می گردم تو کوچه هایِ تنهایی

بی حسم افسرده ام از این جفات ، برو دیگه تو سفیرِ غم هایی

جاسم ثعلبی (حسّانی) 12/08/1399

الجرح لو ینفتگ ضمده و الک خال

ابوک الثانی تنسبنی والک خال

ثلثینک علی طالع و الک خال

الیذمنی ایذمّک او ذمّک اذیّه

...

غبت یوم انهدم حیلی و دارک

خالی او دمّی من دمّک ودارک

سبع ابیوتی الک ملکک ودارک

امن اشمّک ریحت امّی اتعن علیّه

...

اخذ شوره الشرک همّک و قربیه

اتبعه او لا تخل صیته و قربیه

عجید الیحترم خاله و قربیه

اذا ذم خاله ذم روحه الابیّه

...

المشاکل تحتل ابزودک و اشد بیک

و اخذت ادروس من حلمک واشد بیک

وعد منّی اکرمنّک واشد بیک

اذا عندک وفه او غیره او حمیّه

...

جاسم ثعلبی (الحسّانی) 10/08/1399

زخمِ دل با مرهم و بخیه شفا می گردد

زخمِ حرف بد زبان نسیه خفا می گردد

فرق چندان دیده گر در دیدگاهِ ساده لوح

آشنا بی آشنا تن به جفا می گردد

...

آری می شد سرنوشتِ خویش را بهتر نوشت

آری می شد طبع خود را ساخت چون کاخِ بهشت

آری می شد پشت پا زد بر خیالِ بردگی

آفتاب از نور تابش یافت آن زیبا سرشت

...

عاشق و معشوق همزادِ نگینِ قیمتی

در نگارستانِ نیکان دیدبانِ حکمتی

وای از آن کج دندگان و یاوه گویان فریب

این همان آشفتگان و خواندگانِ ذلّتی

...

گنج اگر صد سال ماند باز می گویند طلاست

آدم هرزه زبان را جمله می دانند بلاست

خویِ خوش همچون زمّرد می درخشد در وجود

خویِ بد با هر زبانی ساز و نازِ خود خطاست

...

رنگ و رویِ هر حسودی طعمه ی غمگینی است

آدم طنّاز را شیرین تر از شیرینی است

با خدا باش و ببخش دنیای تو یک روز و نیم

در غلافِ دیگران جستن ره بدبینی است

...

تو کی هستی که دلم بردی  و دیوانه شده

تو کی هستی بی خبر رفته و بی خانه شده

ناتوانم چه بگویم با اسیر و دل پناه

درد مندم دل بده ترسم که بیگانه شده

...

هوس گر آژیر دل شد رازبان آلودگی

یار و یاور ابر و تندر در نهایت بردگی

رونمایی دل گماری در جدایی آشکار

عشق را با کینه بستن ختنه گاهِ خستگی

...

خوش خُلقی و دلدادگی به ظن نقاب می دهد

خوشبختی و دلبندگی رنگِ لعاب می دهد

آشفته ام از ردِ پایِ یاورم مهری نداشت

خسته شدم از درد و غم دلُ عذاب می دهد

...

نمی دانم ، نمی گویم، تو خوبی یا که بد هستی

ولی می دانم این تقدیر به عشقِ تو دلم بستی

بیا در خلوتِ دیدار ،ولی ناگفته ها بسیار

تو خوابِ دیدهات رفتم نپرسیدم که چون مستی

...

جاسم ثعلبی (حسّانی) 10/08/1399

یالتنشد علی واهدیتک الدلال

سهم (الّا ) صعب بالگلب دگّیته

ردت منّک فرد راده او گلت ممنوع

شنهی الدبرت شنهی الّی سویته

هسه احسن لک اعیونک تهل ادموع

محصور ابعبرتک حبنه حرگیته

داوی ابنار عگلک ما یفیده المای

زلازل بیه تدگ بالفرگه هدمیته

مو گتلک تهدّه او طفّی نار الغیض

لا تتفخ تذل مرسال ودیته

مو گتلک الیطمع فاته کل شی الراد

الیطمع بالمحب ممزوگه لاطیته

مو گتلک اکرمه الما گطع ویاک

و ابشرق او غرب منشوره تربیته

مو گتلک وحید او رابی ویه اشیوخ

اسد صاحب کرم مشموره خاچیته

مو گتلک استادک یعرف المعروف

بفعال او عمل وابحکمه راویته

مو گتلک فرص مر السحاب اتلوح

واذا فاتک تضل متحصّر ابصیته

سولفت ابسوالف للصبح تعبان

اصفّی ابمای حبّگ و انت بدیته

انت الهاوی تتعیّل تعذب الروح

او درب البیه املنه ابشوچه سدیته

امعرّف نفسک انت اویه الولف ولهان

ولک یا شوگ چذبک بیدی کضّیته

چنت حاسب علیک احساب هیل ابهیل

و العرّفنی ویاک انهجم بیته

واکتبهه ابذهب مرسومه بالتاریخ

الگلب من رجع منّک بیدی دفنیته

گبل لا ادفنه گلبی حشّمانی او گال

الیخون العهد معروفه تالیته

جاسم ثعلبی (الحسّانی) 08/08/1399

المصیبه الروح حیرانه ولدهه

الهموم اتحوفنی واشتد ولدهه

صرت مثل الذّی غارگ ولدهه

ابّطن شط ما تجید الفوج هیّه

...

الکشف غدره عدو ظاهر و مد بیه

جزر مثل البحر صایر و مد بیه

حبل صبری انختم و اضغط ومدبیه

اخافن ینگطع و ایعم علیّه

...

تعال اگرب یمحبوبی والم بیک

وازیل الضیم من گلبی والم بیک

خطیت اویای سامحتک والم بیک

اذا تعتذر و اتقدّم تحیّه

...

مطیع استاهدک طیب و امر بیک

جرعتک من شفت حالی و مر بیک

تحب انا اجی البیتک و امر بیک

استحی اشوی و احترم و انشد علیّه

...

کثیره ایّام تابعتک و اجر بیک

او شفت وصلک علی سلوه و اجر بیک

هم تدری انا احبّنک و اجر بیک

اشمجرّک تحتصر و اتزیح ادیّه

...

حبّی اویاک عرس ابسلف شع شع

او ذهب خاتم وفانه ابادب شع شع

مثل ضی الگمر بالگیض شع شع

الیالی اشباح تضوی ابرز خفیّه

...

اتنفّس و اشتم ابذنبک هوالک

وجودی اعلن شبه خالص هوالک

الگلب ما هاوی الغیرک هوالک

الما یوفی سهم ضبع المنیّه

...

سجنجل دگ عشگنه و ارده منّه

عجاج او مطر ردنه و ارده منّه

عبرنه ابحار حبنه وارده منّه

وصلنه الشط گطع حبل السریّه

...

اعتذر یلّی حرگت الگلب بسعود

نهل جسمی او بگیت ارتعش بسعود

تبشّرنی چنت موعود بسعود

اشلفاک انسد درب حلمک علیّه

...

تعال اویای ادرسک علم و اسلاک

اعلی ضیمی او عازتی و ارتهم واسلاک

تحب لو ما تحب و اغتنم واسلاک

جاوب لا تضل ساکت اذیّه

...

اسف روحک نستنی مالمتنی

ابجفاک اهموم شایل مالمتنی

لون تدری اشجرالی مالمتنی

ابقفص مسجون وینک مر علیّه

...

ابغیابک سل غصن گلبی و اداویه

تریده لو اگصّنه و اداویه

بعد ما ضل صبر عندی و اداویه

اعتذر نجّیه حاصرته المنیّه

...

جاسم ثعلبی (الحسّانی) 07/08/1399

(ارجوا الترجمه باللغه الانجلیزیه و الفرنسیه حتّی تصل لمن هتک حرمة الدین وسب رسولنا الامین)

(یا سیدی و مولای یا رسول اللّه روحی فداک)

اشثمّر من حرگ   صیتک  و سبّک

لعین  او ما  عرف  قدرک  و سبّک

عساه کلمن هتک عرضک و سبّک

تشعله    ابنار   اسود    الهاشمیّه

***

یهون  المس نبینه  او هتک عرض الدین

ابابیل      الزمان      اتزوره       یومیّه

مثل   ابرهه   یتقبّل   عذاب  او ضیم

من   ساء   ابنبینه .  ابن   امّه  حرمیّه

محمد (ص) شاع  نوره ابثورة  التوحید

علی صدره  الکتاب  او  بث  معانیّه

صگد انسان بس من ربّه اخذ نیشان

هتف   باللّه   واکبر   ثوره    شعبیّه

امین  امجرّب  او شاهد  له جبرائیل

ابن هاشم   اصیل  او  امّه   عربیّه

ما هاب الشرک و الکفر و الترهیب

حرر   کل    بشر   من    العبودیّه

اخذ من ربّه حکمه المعجزه القرآن

او   بلّغ  بالرساله   ابنهضه   ثوریّه

او نشر  قانون  بالعالم   یهز الکون

او  نبع  غصنه  ابعقاید  ربعه  طوعیّه

ما  طاوع   ظلم   لا   صافح    الجلّاد

لا    هان   البشر   لا    ضر    مبانیّه

او ربّه اجیال  من  بعده تشب نیران

نجوم   او   بالسماء   اتبشّر   تهانیّه

ما  حارب  عقیده  او   لا کره  خطّار

الذهب  والماس  مدسوس  ابصوانیّه

ختم  اصل   النبوه  ابسفرة   البرقان

ما   بعده   نبی   یأتی  او ثخن فیّه

او هسّه الغرب صایر له رمح بالعین

یشتمون     او    یسبّون      ابانانیّه

او بعض منهم حقیر ایشگگ القرآن

زنج   مشبوح   مدسوس    ابثوانیّه

وینه العایل ابعرشه او اصول الدین

العباده و السعاده  ابملکه  محمیّه

صبر جاک العذاب اتهون الاستعمار

العتبه اویه الجزایر  ماهی  منسیّه

مثل مکرون طافش مایفیده اعتاب

ندری     بالاصل   کلهم    حرامیّه

بگتوا بالنفط و الغاز واهل   الغاز

او ترجعونه علیهم  جثث   مرمیّه

البشرعدکم وسیله مو عقل واحساس

عرایه    امصلّخین    ابلیّه     تربیه

یجیکم    یوم   تعلی   رایة الاسلام

ابپاریس   اببرج   نوفل   تدگ فیّه

الاسلام ابضمانت ربنه یبغی  اهلال

او تشع  صورة  محمد  میه  بالمیّه

شاعر           اهل         البیت :

جاسم ثعلبی (الحسّانی) 06/08/1399

ابتعد من گلبی محبوبی ترکنای

ابغیابه الفرگه و اهمومه ترکنای

قبل لا یذهب ابطوره ترک نای

ابنعاوی او عتب و ایطوّح علیّه

...

امفلّش ما یفیدک سمر والضب

ابتلیت اویاک حبّک غدر والضب

تجرنی بین حفر الذئب و الضب

بالاسفل عگربه او بالباب حیّه

...

شبوهات اشکثر بالدین مکرن

او علی الاسلام خاص او عام مکرن

یسب بالنبی هال ملعون مکرون

یضل مکروه دنیا او آخریّه

هناک الثار من فرن سویّه( فرانسویه)

...

محمد (ص) توّج الانسان بسان

او حفظ نسل الانس والجان بسان

اجتهد بالعان کسر اوثان بسان

هده العز والکرم للبیه حمیّه

...

اشثمّر من حصر صیتک و سبّک

لعین او ما عرف قدرک و سبّک

عساه کلمن هتک عرضک و سبّک

تشعله ابنار اسود الهاشمیّه

...

کثیره ادیان فوگ الارض لاحت

ابحرّیه او فکر و ابفرض لاحت

بس اسلامنه بالعرض لاحت

الکفر تدرس تزیله امن الوطیّه

...

جاسم ثعلبی (الحسّانی) 05/08/1399

جیت اشوفک یا حبیبی ، واعدتنی انت ابقرار

اعلی العهد واگف واتانی ، ابیا محطّه ابیا قطار

...

اتاخرّت واعیونی تربی ، ما اعوفک مستحیل

مطر ینزل ضیم گلبی ، وانت تارکنی او تشیل

...

اشویّه اگعد یمی بس خلینی اشوفک

لا تجافینی ابسفر مگدر اعوفک

افراگک المر عذّبانی

ابوجهک او ینضخ حنانی

...

موش سهله اتعوفنی او ترجع غریب وانا ملبوسی الحزن

یرضه گلبک اندفن بهموم عذرک و ابجفاء الماضی اندفن

...

لا تعال او خلنه نتفاهم سویّه

خلنه نعلن انا الک وانت الیّه

اهموم نحرگهه او نشب النار بیهه

النّاس تحچی ابتعد لا تقبل حچیهه

...

مو بدیک او لا بدیّه ، حبنه کاتب هالوصیّه

جاسم ثعلبی (الحسّانی) 05/08/1399

نسّم هواک العطر ، او کلّک علی عنّیت

الیوم یوم الوعد ، وابوعدک اشتاقیت

اول لقاء ممتحن ،نفرض اذا ما جیت

عطشان ازورک وارد، والشوفتک رغبیت

...

وینک او گلبی انفجر احبّک و اریدنّک

لو بیدی یمشی الوکت ، خاطر اشوفنّک

حایر ابوکت التجی ، اشلون اترکنّک

لو خفت من البشر ، بعیونی اضمّنک

...

یا ثوب البس یحب؟ و انگابی اشدّنه

مو من مرض شدّته ، الشمّاته احطّنه

محتار اشبگه ابعجل ، و ابصدره اشمنّه

ما ادری ابعد و اگر ما ادری ابوسنّه

...

الیوم الگمر من یهل شوفت محب عادی

اترجیته عینه علی لا یشلع افّادی

شافانی نص الدرب یشّرلی و اینادی

اتوجّه تعرفک غرب ، مو عید میلادی

...

من شفته گلبی ارتعب و اعیونی صبّن مای

صدیت بیه و ارتعش ما تنوصف بلوای

سکریت بمحبّته ، وابذکریاته ادوای

ما ادری دایم یضل ما ادری اجه بدّای

...

من ودعانی او رحل ضل الگلب عنده

او عگلی سهه ابرجعته ، دفعیته و ایرده

اترجیته یا قاتلی حبل الوصل مدّه

ضل الدمع ینهدر یتراخه من خدّه

...

جاسم ثعلبی (الحسّانی) 05/08/1399

سمّیتک حبیب الروح ، او بسماتک تسلینی

خلینی اعلی بالک دوم ، و افکّر منته ناسینی

...

اخذنی اویاک وین اترید ، او ذکّرنی ابوفاک او زید

اذا تبعد علی واشتاق ، تحب ینزل دمع عینی

...

ما اقبل گلب مغرور ، ولا اقبل حچی بالزور

ابغی اعلی العهد ناطور ، تزعّلنی او ترضّینی

...

تعلم بالگلب یهواک ، مو انا الگلت منساک

و اهمومک شلتهه اویاک ، و اباریک او تبارینی

...

کل ضیف الیجی ابوکته ، بعد ما الزم السکته

حبّک من ثگل شلته ، اشم بیه او یچوینی

...

محتاج نرجع للعهد یوم الوعد  و انذکّر الناسی

مو زین تشعلنی او ترد طیفک برد و اتوگّف انفاسی

احاه یا نار مدموجه ابعذاب او ثار شبّت ما طفت للیوم

 ما ملّیت ، ما تعبیت ، اشگد فکرک علی غاسی

...

جاسم ثعلبی (الحسّانی) 05/08/1399

اتحلّمت ، چنّک عفتنی وانا کاتلنی القهر

ما تحبنی ، یا مصیبه ، اتشوف لوعات الدهر

لیش ما تنشد علیّه ، قصدک اتجرلی المنیّه

رحم ما عندک یظالم ، شیبت گلبی انفطر

...

شنهی ذنبی اتعذّبیت ، واعدتنی او ما وفیت

اشدبّرت و اشثمّریت ، بس بعد عمری انتهیت

مو بعد کافی العتب ، ادری بیک انت السبب

حسّبت جنسک ذهب ، مّرتنی او ما حچیت

...

ما تحبنی او ریت گلبک یفتهم خاین عهوده

الحب عذاب انا اشبدیه او یحرگ الناکر وجوده

وانت تلعب بالگلب نار او حرب حاسب ضمیرک

یا حسافه الزمن شاطر بعد ما یرجع و اعوده

...

جاسم ثعلبی (الحسّانی) 04/08/1399

احاه جرنی هواک ، متحمّل اذاک

گلبی ضل یفور ، ما ضنتی نساک

...

تقبل نبتعد ، نروح او ما نرد

شنهی الغیّراک ، احچیلی الصدگ

...

غیرک من هو الی ، متغییر علی

لیغشّک هواک ، ابغیری او مبتلی

...

عاتبنی ابعتب ، یالطبعک ذهب

حبی ما کفاک ، بیه نار او لهب

...

مشتاگه اعتنیک ، ضمنی بین ادیک

ما اگدر انام ، عطشانه علیک

...

تواعدنی ابوعد ، مثل طیر السعد

ارتاح امن اشوف ، علی راسی او گعد

...

سولفلی واحس ، علی ثوب العرس

والخاتم بدیک ، یذوب اویه النفس

جاسم ثعلبی (الحسّانی) 05/08/1399

خلهه یم اللّه یغالی، والعشگ قسمه او نصیب

احس وجع دمّر حیاتی ، تونی سمّیتک حبیب

...

من تمر عطرک لهانی ، دوختنی انت ابهواک

حلم عندی اتکون الیّه ، گلبی حبّاک او اجاک

...

گمر من تزهی اعلی بالی ، گمت افکّر بالخیال

اتمنّه ازورنّک حبیبی ، اعیشن اویاک ابدلال

...

انت عایش وسط گلبی ، ما اعوفک مستحیل

انت عمری انت ابخیالی ، گلبی من دونک ذلیل

...

ابسفر خل ایدک بدیّه ، شمنی هیل احذاک افوح

لفنی شاطی البحر صوبه ، وانت یمّی اویاک اروح

...

مثل طیر الحب تغرّد ، خذنی یمّک مستعد

اشلون اعبّر عن سروری ، اویاک اریدن ما ارد

جاسم ثعلبی (الحسّانی) 04/08/1399

تعبان والدنیا علی والولف شاده بالی

وین التجی نار ابغضب و الدهر ماخذ حالی

ما حسّبیت الحب صعب ، ایواعدنی بس طال الدرب

اتعذّبت بفراگ او الم ، احس انشلع دلالی

...

عینی رخت من شافتک ، لا تجفی روحی رادتک

گلبی انکسر من القهر ، تبخل علیهه الحبّتک

...

لا تبعد او عوف السفر ، ارجع حبیبک ینتظر

ما اقبل اتزید ابعذر ،  اغفی اعلی طیفک من یمر

...

لا وین ، خلینی ابتسم ، فرّحنی ساعه ابجیّتک

بالعین ، دمعات السعاده ورده ترگص بیدک

...

لا تختجل لو اگرب اگبالک و اشم تربیتک

اسنین العمر کلهه ابسهر وابلا فکر تانیتک

...

ضمنی اعلی سدرک خلنی ارتاح

دفینی بردانه التعب راح

مشتاگه الک نوّمنی بعیونک

جنننی حبّک بالگلب فاح

جاسم ثعلبی (الحسّانی) 01/08/1399

یا حبیبی ما تحبنی وانا یمّک

لا تخلّینی افکّر ما اهمّک

شنهی ذنبی او عذّبتنی ، اشگال گلبک من عفتنی

لا تشبّگنی ابغرامک ما اذمّک

فدوه لمّک ، خلنی اشمّک

...

انت خسران ابعمر یهتف دلاله

یا گمر بیت المهر یضوی ابخیاله

ما ردت غیرک یدگ بابی او یمرنی

او ما ردت عین او تصد تاخذ مکانه

طشرتنی اشلون المّک فدوه لمّک

...

وانتهینه نحسب ایّام او لیالی

الصبر حملیته اعلی شانک و انت غالی

کافی بس طوف العذر ما بیه مسرّه

اتعذّبیت او ضیعّت حبّی او دلالی

عوفنی اللّه ایسلمک فدوه لمّک

جاسم ثعلبی (الحسّانی) 02/08/1399

کل ما ادعیک تهرب و الزمن صایر بخیل

ضل حنانی الجرنی صوبه کل ما اقرب یمیل

گلبی بیدی او حزّنیته او قدّمیته ابّین ادیّه

من رأنی اتشمّت ابعینه او نکرنی ابلا وصیّه

هذا وعدک لو بعد تنسانی و اتقدّم ضروفک

صح عذر و اتناسی منّه اترید اعوفک

روح ، روح ، اوداعت اللّه او تابع البیهم عذاب

شفته غادر بیته گلبک هذا مو حب لا سراب

اتعلّمیت اویاک اجر ونّت حیاتی ابلا سئوال

اتعلّمیت اویاک ادفن ذکریاتی ابلا دلال

تبغی اشاره الشارع ایقدم اعتذاره ابگلبی ناره

عمر مسجون ابسحین الغدر و ایدث ابشراره

یا حسافه العشره ما تشتم سوالف و النهر یابس خیاله

کفّنیت اهموم گلبی او عینی تربی مات محبوبی ابدلاله

من بکاله

جاسم ثعلبی (الحسّانی) 04/08/1399

حلو سمّیتک حبیب ، او بیدک الورده تضل شمعة ابحیاتی

مستحیل انساک ، و انت التوّجت کل ذکریاتی

انت بستان المودّه او بیهه طیر  ایغرّد ابلون الزهور

ضمّدت جرحی اعلی مودک ردت اشوفک بیدک اتبلسم شفاتی

آه یحبنه ما تجرعه النّاس بیه نار او سعاده

آه یحبنه ابکورنیش البحر یختص ابوداده

انا اجیتک والرمل ینثر سوالف شعر راسی

حافی عطشان او شربتک من لزمتک و انت ناسی

لا تغادر ما تحمّل فرگتک و الفرگه صعبه

لا تغادر و الدموع السایله و ابعینی تربه

احب اقبلک و انت بعیونک هوی ینضخ غرام

ما اعوفک و العیون الساهرات ابذل عشگنه اشلون انام

خلنی روجة مای تگلب لک محنّه والنجوم امطشّرات

انت روحی او لو رحت تاهت معاک او خلهه الک اخر صده او آخر کلام

جاسم ثعلبی (الحسّانی) 04/08/1399

وین اشوفک ، یا حبیبی ، گلبی مشحون ابقهر

ابعید عنّی ، و اشکی حالی ، لا تجاوبنی ابعذر

لا خبر ، لا من وصیّه ، او دمعتی العمّت علیّه

عذبتنی او مرمرتنی وانا کاتلنی السهر

...

اشعجب بالغربه او عفتنی ، والبی حبسیته ابسجن

و اشتهیت اویاک اسافر ، و انت نایم ما تحن

مو صحیح اتعوفنی ، ابدیرة غرب و اتعلّی صوتک

ابللیل و اذکر ذکریاتک ، والبی عندک مرتهن

...

بس بعد ، خلینی وحدی ، کافی هم یا روحی ردّی

حلم کان الحب نسیته ، ودّعانی او ودّعیته

شنهی عذرک من جفیت او تارکتنی

ما اریدک روح محتار ابحیاتی او دمّرتنی

...

غادرتنی ابلیله ظلمه ، و المطر ینزل علینه بالمطار

واعدتنی اتکون یمّی بس طلع حبک غدر بیه او دمار

لیش ما عندک ضمیر او بالسفر وحدک تطیر

خلهه سکته عذّبتنی او مرضّتنی روحی شبّت بیهه نار

ما اریدک.

جاسم ثعلبی (الحسّانی) 04/08/1399

عیش عیشة حر او تابع من هواک

اصبر اعلی اهمومک المابیهه رد

التستغیبه النّاس و اتزوّد علیّه

هالصحیفه اللّه ما یگراها ابد

...

النّاس بیهه اجناس معدنهه الحدید

الذهب والفضّه او زبرجد و الرصاص

اطباع متغیره او مطامعهه الجدید

اتراوی الالماس و اتبایع نحاس

...

العیشه بالمصلحه و الساکت حنین

للتحبّه امریته صار الهم عبد

ماهی دنیه کلهه تنکیل او عذاب

الاخوا شارد من اخیّه او مبتعد

...

امکیّف الشبعان جالس بالقصور

والفقیر ابلا سکن یبکی او ینوح

اعیاله جوعانه او جدره ما یفور

تلعی الاطفال بس مای او یفوح

...

جاسم ثعلبی (الحسّانی) 03/08/1399

شفت من الحیاة ادروس ذهب ضلن علی بالی

ما انساهن امخیمات ذکرهن طیب احوالی

من طارد له عصفورین یفگدهم معاً بالصید

والتارک عمل مرزوق هرب من راحته الغالی

یخطی السارع ابدیوان الجاوب بالکلام ایخیب

فکّر زین شوف العین قولک یبغی الک والی

کنزک علمک او منواک سرّک لا تفتحه اصماط

قولک کون الک مفهوم تعرف طبعک الحالی

اعمل زین بالمعروف و احسن واکرم المخلوق

السیره الطیبه کالزیتون تطعم کل بشر خالی

شجره اتعیش عمر اویاک بس ما تنمو ابتسریع

تضل صیت المضیف ابدار شیخ امعدّل او عالی

المتکبّر یهین الناس علی قمة جبل مهواه

تشوف الناس عینه اصغار و الناس التشوف الی

عرّب بالکلام اشکال یفتح لک قلوب الناس

من حبّک ابعز واکرام ما تحترمه بالحالی

المحبّه اخلاق للطیبین تهیّج کل بشر مسکین

احترم تحترمک الخلّان المشاعر تجذب الوالی

العواطف لا تمدهه احبال لو زادت تشنقک یوم

او ما احزن علی الماساد دربی او یحرگ امالی

الحکم مریود تفرض بیه بس لا تقضی بالافراح

جرّب کل صدیق ابضیج و ادلل علیه تالی

الضربه الما تاثّر بیک ترجع تضرب ابتنکیل

خطیّه الطیبه بعض احیان حالک ارخه من حالی

الگلوب البیض تشفی الناس جداً نادره ابمقیاس

صافین النوایا اویاک ماشیهم ولا اتبالی

شاعر الشعبی:

جاسم ثعلبی (الحسّانی) 03/08/1399

شایل تفگ تطلق فشگ تختلنی و انا امشاطرک

تنتقم منّی ابیا سبب یالما کسرت ابخاطرک

مطلوب و اتحشّم علی واللّه ابمحبتک مبتلی

تتحمّل ازعل و انتحر واعلن واگول امباطلک

تتعیّل اتضل من تمر حرگیتنی ابنار او جمر

مانی فریسه او لا عبد اشسویت لو چن صاطرک

خلیهه سکته ارحم هلک والتابع الشکّه هلک

حر او طلیق او مانی الک تقبل بعد ما اخابرک

ملیّت منّک لا تحن واعلی اتصالک لا تمن

طبعک لبن ما بیه دهن عندک غدر ما ناطرک

لتگول عافانی او شرد رایح اسافر ما ارد

اعاشر الغربه وابتعد لتلوم یاهو الجابرک

شاعر الشعبی:

جاسم ثعلبی (الحسّانی) 02/08/1399

امتانیک واگف عالعهد تنسانی واعیونی اعلی دربک لافیه

چا ما تجی یالکاسر ابصدری نفس وابروحی عینک غافیه

اتجافینی گلّی ابیا سبب العبره ابطن دمعی تراوینی الزعل

مشتاگ ازورک یا گمر نجماتک ابعمری تحن شمسک ابگلبی طافیه

لا وین و الغربه تعر والفرگه مشتعله ابغدر حبّک سهر

یم الشجر و الشط یغنّی ابطور ابوذیّه انحدر والدنیا گمرا او صافیّه

انظر او شوف الجوله من رش المطر طارت اطیور الحب علی روج البحر

سمّیته حبّک شمعه الی یشرب عسل شرگت فرح متعافیه

ما حسّبت تچمد علیّه اهموم من لوع الدهر و انت ابسفر

اچم آه ،  آه یا حسرتی و البیهه نار او تشتعل تمشی اعلی شوک او حافیه

شَنتظر منّک یالچنت تاج اعلی راسک منتصر لون البدر

مدیت ایدی او غارگ او تضحک صدگ سرّک علیّه خافیه

لفونی ابگطعة چفن شالونی بالتابوت بس امی تحن

محتاجک ابّطن الگبر تگدر تمر وین العهود الوافیه

هذا الهوی الّی مر علی هم مر علیک او عانقاک هم مبتلیک

متغیره اطباعک علی کل یوم طالعلی ابشکل چا یمته تلفی العافیه

شاعر الشعبی:

جاسم ثعلبی (الحسّانی) 01/08/1399