سفیر الحب

هرم مخمس سداسی باسم آه یشاعر

آه یشاعر

ابغی یمی او لا تسافر

او شفت طیر ایلوع مشلوع الاضافر

او شفت جثه ابمای راکد او غسلاها المای طاهر

او شفت محضوره السوالف بالمضایف شنهی خایف لیش طافر

خوفه عندک

اتغشه ابشیله و اردک

دفترک یمحل مصایب لو قلم مکسور وعدک

انت لو شمس المعانی لا تتانی او بالشهامه الیوم اعدک

قل لی قل لی لا تاخر انت لو هاون طلایب للگرایب عون امدک

یمته شارد

یا شبح من بیته طارد

یا سهر یتحمله والمای والجو کله بارد

البس اثیاب الطهاره و اهتم ابنور الحضاره او لا تعاند

ذاک ابن دیرة خیالک شال بهمومه او شچالک من هداک ابدربه ساند

وینه بیته

گلبی یمک عذبیته

روح واسمع نایحه اتون ابثنیته

او تلگه نیشان المجد باذیاله و امعلیله صیته

او تلگه شمعت نوح لازمها اعلی گبره او بیها منشوره او قریته

شنهی کاتب

سره مخفی او بیه یعاتب

منهدر دمه اعلی حگه ابراسه طگه ابلیه راتب

او شایل ابگلبه القضیه التنتسب له عالمیه او بیها راغب

او راسم الموت اعلی صدره او بیده ابره او ملتهب و ابدمه شاطب

ترضه بیها

امه مطروحه علیه وایدث ثدیها

اتحشم اهل المجد شایل یا حزن ها یا ولیها

جاها حرب الطف سباها او عذباهه یا محمدها او علیها

مثل زینب قل صبرها و العسر ذمها او نطرها او گاعده اتشمر بدیها

قالب الهرم من ابداع الشاعر:

جاسم ثعلبی (الحسانی) 29/06/1394

20/09/2015

ابوذیات للمحبین والمحبات

احبابی استهظم الغاصب یمرکم

ابتعد  بس یلسع ابگلبی یمرکم

ابصفات النیه الیودکم یمرکم

و اشعلوا نار بیت العم علیه

***

نسیت الذله لحفادک و هم بیک

ابشجاعه و الکرم والعز وهم بیک

ترکت امراضی و اهمومی وهم بیک

من تطلع شمس تشکرها الیه

***

بنات الشات ما سرحن و سرچن

اضروس البین ما لاچن و سرچن

تچفنن بلسمن جرحی وسرچن

وفاچن عون مای ابغمغمیه

***

جاسم ثعلبی (الحسانی) 28/06/1394

19/09/2015

غزل تحنی ابدم عرس

رب الکون حاور یخلق الانسان

صنع من طین زوج او علّی چلماته

نفخ بالروح فیها و الملوک اشهود

نزل اادم نبی و امعلّم ابذاته

او خلق حوا امینه ابجنة الفردوس

مع اادم فرحها اتوفی عازاته

نزل دستور قاطع للفتاء بالحان

یبری امن الحسد و الشکه طلباته

شبه مکتوب لا یاکل ثمر تفاح

او منها اتگول حنطه اتخرمش الهاته

فتن بیها اللعین او عربد اشما راد

او غش اهل السلف باکذوبة آیاته

وصل نوع الخبر للخالق المختار

ما جازه النبی بس عده طلباته

او سکن بارض الحجازاو عاشر المسکون

خلّف هالبشر من نسله محلاته

المنهم معتمد بالغیره و الایمان

و المنهم طریر ایخلف اسباته

انتشر نوع البشر و اتوزع ابالوان

الی شرق او غرب و ارسومه دلاته

العرب بارض الحجاز او ضفة النهرین

او بالشام او طلق متعدی چیلاته

اول من سکن های الارض بالذات

اهل المصطفی و اجداده و انباته

یطالبنه الدخل خطاره للجیران

او یرید ایدگ سند و ایحمر اشفاته

ولک یا گاع یا دیره التحب طاریک

اصلک من غرب و اکذوبه برماته

تحنّی ابدم عرس و اتهجر المنهوب

چا یاهو السمح لک تدفن املاته

کلیت او ما شبعت او ترشی بالطرمان

صبر عند النخل مضمومه عتباته

الک یوم التشوف الخیل فوگ الخیل

و ابن عز العرب مکشوفه بوساته

یغزی للثریا او یطرد الحرمان

ابکتاب اهل الفخر معروفه دگاته

جاسم ثعلبی (الحسانی) 26/06/1394

17/09/2015

غزل الموت مره

حبیبی الموت مره لا تذّل الروح

اشلفاک او تسجد او تکسر خشم صیتک

السجده الواجبه الحب الاله الکون

علیمن مستعد تحرگ کتر بیتک

ولک والله حرام السجده غیر الله

او غیر الوالدین ، الذله متفیدک

معلم یستحق تسجدله بالطاعات

ادیب او یفتخر یصبح فجر عیدک

لا تفتگ جرح و اتخیطه بالتکفیر

تترک کل ثوابک محترگ بیدک

تعبد لک صنم تسجد له من ابعید

و ابذاته او ضمیره ایحسب ایصیدک

تنزل للارض لو بالسماء ملاک

یذب کومة حطب بالغیبه و ایزیدک

العمل هوه الملاک او عشرة الطیبین

احسابک بالقیامه افعالک اتعیدک

تبلسم بالکلام النازل ابتکریم

و افعل بالضوابط ربک ایریدک

اذا حباک ربک فایز ابدنیاک

او باخرتک سلیم او امر ابفیتک

تبختر بالسلامه و الامان ابهای

تعبان ابمحنتک مفتخر ریتک

یتحسد علیک القاتل البد ذات

و ایدبر مصایب ینتظر دیتک

بالک لا تعادی الغیره و الاحسان

یمتحنک الباری او باچر ایگیدک

تتمرض جزاک ، امعذب الخلان

احسابک بالدنیا اتذوقه و اتجیدک

طیع الحگ ولو اخیک یسن بالسیف

فهمه ابعیلته او عدلهه لعضیدک

تولّم للسفر خافن یجی طاعون

او لم امتاع رحلک من قبل میتک

او تبختر بالجنان البیهه سبع الوان

او جاور لک ملوک البلفله اتفیدک

جاسم ثعلبی (الحسانی) 23/06/1394

14/09/2015

غزل غریب

جبل حمل العلی رفعیته عالراس

اعاتبمن واگلمن گلبی مزروف

جره دمعی اعلی خدی او شیّع الراح

الصبر جر الامل ما شاله مشحوف

کبرت اویه الغدر عود ابطن عین

وازح بیامی گوه ابعمری ما اشوف

ما ضگت الفرح ضگت الالم  دوم

الحزن مثّر علی باعدامی  معروف

تشیل اهموم منی او تلفی باعداد

تجی یمی او تسمّم گلبی بالخوف

غریب اصبحت عاجز بین الاحباب

لان اصل الخیانه ابذاتی منسوف

ادر واهتم و اعزّب  للیضیفون

او شعاع اخبارهم یضربنی بالطوف

نطرت البیه حمیه الغرّد اویای

علی اشجار الحمایه ابورگی مسفوف

طلع ما عنده ذات او گبری حفراه

یرید الموت الیه ابجاهی و ایحوف

سهرت اویه الندامه ابنور الاشباح

طلع گلبی الیودهم هو مخطوف

خطفتّه الخیانه او کذب الضنون

درس صار ابحیاتی الگللی ما اعوف

انکشف مو بس حرامی او حامی لعدای

عمیل ابدار ظلمه او چذبه معطوف

بعد مات ارید اشوفه الیذبح ارگاب

علی طاسة لبن یذبحنی اوگوف

علی الباطل حرام الیسعی ملهوف

جاسم ثعلبی (الحسانی) 22/06/1394

13/09/2015

غزل جرف النهر

اویلاه اشکثر دمعاتی یجرن موت

علی الخدین نبشن شط مجانین

مطر ینزل غضبهن ناطر الحوت

الگمر مکسوف ما گال احنه ناسین

کمل جیش النجوم او فاول ابهزات

ما یهمل ابد گص الشرایین

الکتب بالدم وصیته او عاتب الدار

لبس ثوب المصاب او جاور احسین

غزت نار السموم التحرگ العوز

او ما تهتز عبث شجره ابطن طین

صبر عدهه او جبل مغرم للانساب

تحیی الکل امل من المحبین

جری مای العداله او خشّف الخان

او چسه جرف النهر جایبهه بالدین

گعد ویه السحور او سیفه بتار

وگف وگفت سبع مچتوف الیدین

ودعنه الحیاة ابذمه و اقرار

انغزه بیت الکرم لا محنه غازین

جاسم ثعلبی (الحسانی) 21/06/1394

13/09/2015

ابوذیات ساکرات

ششرشح شفتل المگلوب برماک

طبگت الچتف ویه السدر برماک

چنت تبرم غزل محیوک برماک

الحایک مات ذب ضیمه علیه

***

انا الما عذبت کل محب بالهم

او لطمنی الما یعرف الصدگ بالهم

انصبغ گلبی ابعذاب او غدر بالهم

او حچی الشمات احس یحرگ بدیه

***

تدحرج محرج المحروج بحراج

او تبهرج بالهرج مهروج بحراج

ابمعارج عّرج العاروج بحراج

عجاج او عیج عجت بالثنیه

***

ششد شالضم جرح مفتوگ برماک

علیه او زاید المفتول برماک

شردت امن النوایب شفت برماک

البحر والسماء منعوها علیه

***

شعاتب و العتب زاید من الهام

او سموم الصبر نبعن لی من الهام

احبابی الشالوا الغربه  من الهام

بگو عمیان بید السمسریه

***

فرح گلبی ابعزف راغی ولا مال

او وگفت ابضیجه لحبابی ولا مال

لا مولد رفع صیتی ولا مال

ابیوم الکون بعمالک حمیه

***

استعد للعاشر احبابک وحیاک

هو الرب حافظ اسرارک  وحیاک

مدرس صیر لنسابک وحیاک

تفز بالفوز دنیه او آخریه

***

جاسم ثعلبی (الحسانی) 20/06/1394

11/09/2015

ابوذیات بصمات الحیاة

حلوطبعک علی قاتل و مر بیک

امیر و قاصد الدارک و امر بیک

چنت متمسک ابطبعک و مر بیک

شجاک او عفت ما تنشد علیه

***

الدمع نیرانه تحرگ سلف من هال

او نبع نکهاته تشبه نزف من هال

یزیل اهموم مثل الولف من هال

او یشافی اگلوب مجروحه اباذیه

***

هلک من طاع مرضاته و ما شاف

هواه ایدمر ابذاته و ما شاف

غریج اببحر بلواته و ما شاف

یصیح النجده و ایحشم علیه

***

البراق ما هو من حوا ولادم

عظم ما یاجد ابجنحه ولا دم

حمل جسم النبی او سافر ولا دم

وصل للعرش مکتوب ابوصیه

***

جاسم ثعلبی (الحسانی) 18/06/1394

09/09/2015

ابوذیات مثقفات

انجرح گلبی ابغیابک دوم ما طاب

او علی الخانوا ثنیتک یوم ما طاب

ختلت ابذکریاتک نوم ما طاب

طفل ربیتک او تزعل علیه

***

الخطف عقل البشر بالحذر من شاف

تفید الغیره وکت السفر من شاف

الیداوی اجروح گلبه ابستر من شاف

یعرف الباری و ایطیع الخویه

***

الثقافه اتلوگ اله او تنطبع من راد

او ختم باب الغضب و انبصم من راد

الیحشم بالخیانه ابقهر من راد

نرید البیه وفه او یحمی الثنیه

***

حبیب البالفخر عاتبک و فلاک

او عبر بحر اللیامه او هلک و فلاک

یجار الحسن  للحاسنک و فلاک

اذا تارکته وحده ابلا معیه

***

جاسم ثعلبی (الحسانی) 17/06/1394

08/09/2015

غزل ملمّع باسم ربیتک شهم

ربیتک شهم تتهاوش اویه الموت ، وین الموت ضل مبهوت

واتفلش الستار الیهتک اضنونی ، اجانه الفرح حیولــــــــــه

بزق نور الشمس بارض الفله و الجار ، لا محتار لا دینار

او فرحت ابزفته من کحّل اعیونی ، اجتنه اخبار منقوله

العلم بیده او یهوس و العتب دفناه ، بیده السیف راح اویاه

و ابطن المعارک نجمه تلگونی ، اشترید اتگول معقوله

یتبارگ لمع خده او یجر بطوار ، وین الدار وین العار

و ایفلش الصخر صیحاته الحگونی ، ونینه ایفزز الثوله

شایل کل ضمیره او شاری العز بیه ، کلمن یندعی ایداعیه

من داعه الوفی خلهم یداعونی ، کلام او شفته مزیونه

راچب عالمنصه او بیده مشعل نار ، طیر او طار حار المار

علی الداسوا بختهم و الیضرونی ، رساله ابعنقه محموله

ما نام البخت و الکرسی بید اجناب ، الحر ما تاب

تتکسر عبرته امن الیعازونی ، القوه ابهمته مفتوله

دگ اعلی السدر متحمس الدیوان ، یا خرسان یا فرسان

خل ایدک ترفرف فرشه لسنونی ، قضیه او باسمه محلوله

ما شارب خیانه او لا یلف بالحاف ، شاف او ضاف

اریدک نار کبری اعلی الیمسونی ، الشجاعه العنده مبذوله

جاسم ثعلبی (الحسانی) 15/06/1394

06/09/2015

اغنیه لا تسافر

جای تتشمت علیه ، او گلبی محروگ ابهواک

یا حسافه او راسی شیّب ، عمری مرهون ابلقاک

من رحت ما ودعتنی ، انطر ابدربک عفتنی

ابرمح عدوانک صدتنی ، ما هناء جرحی ابشفاک

***

امسافر او عینک جویه ، اعیونی صبّن من حنانی

شایل اهمومی بدیه ، او گمت اون آه یا زمانی

الناس تتحسف دلالی ، او بالحجر ترمی اعلی حالی

یا حبیب ابگلبی غالی ، خذنی لدیارک معاک

***

اتمرمرت و انشد لی رمشک ، خنت لو باقی ابوفاک

مو گلت دمعه اعلی عینک ، تجری بخدودک دواک

انظر الصوره ابغیابک ، گلبی متحمل عذابک

لا تعطّشنی ابسرابک ، او روحی مسجونه ابسماک

***

لا تسافر ما اودعک ، عید لی البهجه ابضمیرک

اسمع او فسّر کلامی ، حاول او قرر مصیرک

الغربه صعبه او شاهدتهه ، حسبت و انت الردتهه

بالخطر روحک سمتهه ، تابعت خطوت رضاک

***

جاسم ثعلبی (الحسانی) 14/06/1394

05/09/2015

بطلب من الفنان قاسم الاسمر و الاخ صادق البو غبیش

فی حین الاستفاده یرجی ذکر اسم الشاعر و شکرا.

ابوذیات رکن الحیاة

صنعت الکم مبانی اسلاف و ارکان

او سمعت اصیاحکم و الطاف و ارکان

اشجنه الخاسر کرم و اعبود و ارکان

لطمت احلوگهم بثنین ادیه

***

الزلم تتلاگه بالمیدان و اتفوز

ابشجاعه و ابعلم تستعر و اتفوز

الیرید ام العلی بالسفر و اتفوز

الیعرعر بالسجن داره المنیه

***

علی اسباع المکارم من هو دالک

اکل و اشرب معالم من هو دالک

لحد آخر مظالم من هودالک

احترامک طال و انت اتعیل بیه

***

دخلت اببیت مچمنّه و سرنه

او علی طور الفرح غرنه و سرنه

ترید اتضوگ عزّتنه و سرنه

تعال اویای خل نسهر سویه

***

جاسم ثعلبی (الحسانی) 12/06/1394

03/09/2015

غزل حب امی

اخذ گلبک حبیبی او خلنی لحظه ارتاح

انسجن گلبی ابطن نارک او ماذینی

خلنی اشتم هوی امی الدللتنی ابعوز

او ذکرت ارباها و ادموع التبچینی

بس انطینی فرصه بس ابوس الاید

و اقدام الحمتنی ابروعه خلینی

های امی الحنینه الما تنام اللیل

تضل سهرانه لو سخّن دمع عینی

های امی الکریمه الما تسد الباب

ابثدیها ایدر لبنها اببسمه تسگینی

های امی الوفیه الما تخون القول

تغص لو شافت الجوع او کثر دینی

های امی السخیه و ابفکرها العیش

ترحب بالهلال او کثرة اسنینی

یتیم الفاگد امه و العرس زفاه

جسمها بالگبر و ایضل ینادینی

لاجل مرتک کرهت الغیره و العنوان

او طرت برموش عذالک تحاچینی

های البیهه برکه او عدهه سبع البار

تنتظرک تمرها او لا تعازینی

جسد ضلت رمیه و الوساده اتصیح

وینک یبن حبها ابدهره ترمینی

تعاین عالدرب باسمک تفز واتگوم

من تسمع کلامک تروی تمکینی

صبحت اولید مرتک و الدهر و النار

تظلم لیش و ابعیدک تحنینی

علی لج الزمان انطق و اصیح ابصوت

حب امی قمر ضاوی ابدمع عینی

جاسم ثعلبی (الحسانی) 08/06/1394

30/08/2015

غزل طیر الحمام

انا امفارگ محب بیه ریحت احلی ایام

نزف گلبی اعلی موده او غرگت احلامی

والدم للرچاب او ما یهاب الموت

اندحر طیر الحمام ابکثرة انغامی

انا امفارگ حبیب او عندی شمعه ابللیل

گمر و اینور ضیه او یکتم اعلامی

انا امفارگ حبیب او ما انام اللیل

سهرت اویه الشعر من تحسر اقلامی

ادگ و انثر قصاید و اعذر الشمات

الورگ بچیته بیدی و الگلب دامی

و اصیح الله و اکبر عینه صلفه اویای

یبچّی الطفل ضیمی او بالرمش رامی

یعذبنی غفل و امطرز ابحسرات

او یغرّگ روض عگلی ابسرعته او حامی

تاسرت ابجماله او طوله او ممشاه

او سجدت الحضرته باشعاری و اسهامی

او طلبت اوصل ثنیته ابسید او عامی

جاسم ثعلبی (الحسانی) 03/06/1394

25/08/2015

قصیده خطفه من حرب الطف

ابطن الگلب یحسین عندک تحیه

و ابدم کتبته او فاح بالغاضریه

***

امن ابو الحسنین اجیب اوصاف و الطاف

انتبارک للقصد و الشاف و الطاف

الشهاده اتکملت بالضاف و الطاف

الحرم و النوگ و اجساد البریه

***

الک یحسین ابیع الگلب و اجره

او علی درب الصراط افتخر و اجره

فدایه افدی العمر و انتحر و اجره

او هدیت الروح للزهراء الزچیه

***

عجز وصفی عن العباس من هاد

العلم و السیف ضل یرتجف من هاد

انشخل صدره ابرماح الغدر منهاد

او اید الثانیه مرمی الثنیه

***

اشگد احمل الم متروسه روحی احزان

او یا دم الشرب غیض الیعادونه

الطف نیرانه تلهب و الغدر مکتوب

متحسده الجماعه اعلی الیحبونه

الحسن دار الکرامه او بیت الیعزبون

و احسین الشرف بالکوفه تلگونه

و ابو فاضل شهامه او دین الیحلفون

اچفوفه امگطعه او بالغیره ممنونه

من هز العلم من ودعوا ممشاه

لگف سیف العداله او جرش طاعونه

اسد و امدرّب الحومه او زحف للگوم

حاط اهل السقیفه او ترس ماعونه

رجع و البسمه تلهث من ثنیایا ارباه

او شاف ام الغضب باچتافه مسجونه

او ذکر چلمة حبیبه ابیوم دگ ارچاب

اتجرّح بالوفاء و امضمد اعیونه

قاد المعرکه او سابگ مهب الریح

ما هم ابضرب جیش الیکرهونه

هز سیف الامامه الما تشیله اشباح

انغدر من چانت اضباع الیبارونه

گطعوا چف یمینه او حولاه السیف

بالیسرا انفجر دمه او یحنّونه

او طاح اعلی الارض متوسد التربان

او ضل یبراله یمه ابحربه میمونه

صاح الله او اکبر وین اخوی احسین

اجاه او قبلّاه او غمض اعیونه

او صرخ صرخه عظیمه اهل السماء سمعوه

انکسر ظهری و اخوی امهمشّه امتونه

الذنوب اجبال و ایزید الغدر باحسین

ابطمع و ابمال یا حلم الیفسرونه

***

میشوم الدهر میشوم خان احسین و اعیاله

غفت شمس الظهر بالغیم من رگصت الچتاله

خّوانه او عمامه اجساد من شد جرحه من شاله

و الراس ایضل تاج الشیعه

***

جاسم ثعلبی (الحسانی) 02/06/1394

24/08/2015

غزل تشرگ بیه

اشگد مشتاگ الک یا ریت اشوفک یوم

و ابوسک بالحلگ و اشرب دمع عینک

و اتهنی ابجمالک و البس العبرات

و اگلک بالهمس لا محنه ناسینک

لا تنشد علی خلینی مصفی اذنوب

او خلینی ابونینی او سهرة اسنینک

العتب سویته مرود و الکحل عتبات

او تخربص بالجفن و اتسدد ابدینک

غفیت ابطن نارک محترگ باهواک

تمل یسراک تشعل گلبی بیمینک

صرت طیر ابمصیرک محتضر للموت

سچاچینک تکر الجاهز ایعینک

تواعدنی ابسفر و اتبرر الشمات

انغدرت او ما عرفت ابزینک او شینک

ولک موگد صرت و انه الجمر مشعول

چویت الّی یمسّک و الی ایهینک

تدلل علی شاربنی جرعة مای

تشرگ بیه تشرگ بینی او بینک

جاسم ثعلبی (الحسانی) 01/06/1394

23/08/2015

غزل کتلت المستحی

تمر عالبال لحظه او تاخذ الــــــــروح

او تدوس اعلی الگلب وانت وابچانک

ولک سلیت منک و الله یبلاک

کتلت المستحی ابلمضة لسانک

لبست الشمس من عادیت النجوم

او حرگت ام الوفاء او نار ابسنانک

خاتل بالکهوف او ترمی الرماح

تثبت للخلگ حقدک حنانک

اعلّم ما تتوب او انت خسران

کل هذا او صرت مثله الزمانک

طفّیت  الزعل باشرتک ابلوم

او طویت اعلی العنق بیدک عنانک

تضل اتطوف تفتر شمعه باللیل

او حرگت ابلا رحم عجدة بنانک

ولک گلی اشلفاک اتولد اهموم

قبل نور الگمر یفشل رهانک

سفن حمّل اگلیبی او بحرک الهاج

ما اغرگ ولک گطنه او بذانک

جاسم ثعلبی (الحسانی) 31/05/1394

22/08/2015

ابیات تخص العمام

یا عمام التسد فیه یا عمــــــــــام

اشگالت ام عصابه بیهم یا عمام

انتظر عطشت املهم یا عمام

و انا بیه النار تسری احزانها

***

الخوه عامود او مراحب مو حچی

اعلی الچتف طخ الخویک و انتچی

الدشه تغسل ضیم گلبک و البچی

غار ابن حسان هز ارسانها

***

اخوتک کالسفینه او روج ذاتک ممتحن بیها

و ابوکت الشداید عود ترید الخوه راعیها

همه سیفک ابیمناک للگوم التعادیها

بس لا یتحسد من شاله

***

الدنیا اتحشد ابهمی و لدها

لان کل ضمی البگلبی ولدها

صرت مثل الذی یغرگ ولدها

او تشوفه ایطبطب ابدار المنیه

***

جاسم ثعلبی (الحسانی) 01/06/1394

23/08/2015