سفیر الحب

بنی صهیون حشّد بالخلیج اجیوش

یرید ایعود حربه او ینتشع بیهه

متی تیغض یمسلم و انت صاحب دین

الوحده  فکره طیبه او لا تعادیهه

رسول الله نبیته او مکتبه القران

او علی واحسین و الصادق من احفاده

و الکعبه المنیره او قبلته التوحید

او کتاب الله الیفسّر نخبة امجاده

خلق ربنه عباده من شکل جنسین

ذکر و انثی جعلهم امه و ارواهم

قبایل بالمدن منتشره فوق الگاع

کرام الخلگ من الانس تقواهم

البشر شبه المسافر ما تضمّه اقصور

الحکم فوق العگل میزانه داعینه

خالقنه ایتمکن جرنه صوب الموت

مو مخلوق من عدنه او یکر بینه

الگبر فک الکفن و ایراوی الظلام

مثل یروی علی الحکّام صولاته

العداله اترید قاید ما یهد باسلاح

و لا یترک فقیر ابدیره جولاته

الشعب بستان مثمر ما یحس ابفیض

و الحاکم مثل کاروکه لطفاله

جبل وکت الشداید ما یهزه الریح

اذا گلبه استمر یتفگّد اعیاله

الهدف یا خوتی ایمان او عدل مطلوب

الکرسی ما یضمّد کل جرح مجروح

الشعب بیت الخزینه او من ذهب متروس

تحل کل المشاکل لخوتک مطروح

مذاهب شیعه سنه و الفرق مقبول

مشترکین بالرب و الصحف و البیت

الامامه سند للشیعی و اقول ابصوت

علی و احفاده نجوا یونس امن الحوت

کفوا امن الفتن و اجتمعوا ابترحاب

شعار الفتنه من الغرب هدمانه

تعیش امحیل او تسفک دماء الطرمان

تموت امعذب او تخذل العوانه

اادم ما قتل هابیل لا قابیل

الحسد و اسمومه دمر کل ثنایاهم

ولا یعقوب عاقب ولده المتهوم

ربک بالکتب ثبّت وصایاهم

انصحک یا گلب لا تفرق الخوان

اشترک بالخیر خالقهم یصافیهم

اذا تعقد العقده او ما تهاب الموت

قسم بالله ربک یمتحن بیهم

عبره هالفتن مکتوبه بالتاریخ

تضل اسمومهه مخطوره للتالی

الظلم ما لم عشایر لا زلم لا ناس

رکس بابحار گلبی او شلع دلالی

جاسم ثعلبی (حسّانی) 30/03/1393

2014-06-20

کتلنی الما اله بیهه و ردهـــــــــــــه

دخل ، کسر ، شلع و اهتک وردهه

لاهی قصّه مرویه و اردهـــــــــــه

و ازیل النار من گلبی بدیــــــــــه

***

صواریخ الدهر ترمی و نمهه

او سلبت روح فرحتنه و نمهه

وصلت فکرتی الگلبک و نمهه

اذا ما وصلت اعیونک ردیه

***

هضمنی الکاتم اسراره و شره

علی وامدلع اعیونه و شـــــره

یریت اشلع غصن ذاته و اشره

ولا اشوفه ابدرب یزعل علیه

***

لزمنی الما عرف قدری و ردنی

ابکراهه گطّع انفاسی و ردنی

ابمایه العکر عطّشنی و ردنی

اذا ما اشربه یروینی المنیه

***

العادل رافع اعلومه و حده (و احایده)

یعیش اسعید باخرته و حــده (وحده)

الظلم لا وین تالیته و حـــده ( حده)

یزید اشحصل ابقتل البریـــــــه

***

جاسم ثعلبی (حسّانی) 25/03/1393

2014-06-15

لماذا الثوره و ماهم الثوار؟

کلام الله یفسّر و النبی المختار

انتصار الثوره صادق میه بالمیه

اذا یاجد ظلم یاجد دفاع او موت

ابین لک کلامی اببیت ابوذیه

انشدک وین ابو سفیان ها مات

ظلم کسّر جماجم فشخ هامات

علیه الدنیا باجمل نصر هامات

خسر کل عمره و بس حصل اذیه

لا تظلم انصحک و اقراء بالقران

و اعمل بالکتاب او طاوع اخوانک

الرعیه مو سریه او تحمل الضربات

الحد من هالفکر متمنی جیرانک

یا حاکم حکومه لا تدک باطواب

الناس الله خلقهه او صیطرت بیهه

حضّک نصبک و اتناسی انت امنین

مو سهله او تسد طگت حواشیهه

عینک عالسماء و استغفر الرحمن

سهواً قصّرت من وقّعت بیدک

الحکم و المال حده للگبر ویاک

ابوکت المرزقه بالجنه میفیدک

انذرک یا رجل والکفن ماله اجیوب

عوف المال واذناب الحرامیه

صلاح الدین عادل رایة الشجعان

ینجح کل مصیرک میه بالمیه

لا تمن وزیر او لا نساء او لا ضیف

اذا شعبک عزیز او انته حبیته

یوزک تحفر ابگبرک تهدم ابیوت

الحکیم ایباشر اعیاله و اهل بیته

معاویه حکم ما طاوع اهل الخیر

سب، شتّم او سممّ من ینذرونه

یزید الحشم ابجیشه او قتل شجعان

تلعنه اهل الحقایق من یذکرونه

او صدام الغزه جیرانه بالصعبات

تکبّر بالجهاله او شرّع اطوابه

الوکت زاله ابجیوشه الما تهاب الموت

ربّک انتغم له او طشش اصحابه

الشاه الچان شرطی بالخلیج ایجول

جیش السادس ایحسبونه ولیانه

شرد من ملکه ساعات او هرب مندوم

و اولاد الخمینی الگصوا السانه

کل یوم الیفوتک لا تزیله ایفوت

حاسب نفسک او زیّن معانیهه

عدّل کل خطاء و اتوسد المعروف

مثل صهر النبی اعیالک تساویهه

بعد کافی اهانه لا تفلش الدین

مو طوبه ترکله او ترجع اتعینه

الدین اعلومه مکتوبه ابحروف او نور

قانونه جمیل ایطابق اسنینه

المسلم من سلم منه الخلگ و الجار

القتل والدین من بعد السماء و الگاع

جاب النه الفتن امریکا و الصهیون

او راحت هیبة الحق والفکر ما ضاع

جاسم ثعلبی (حسّانی) 23/03/1393

2014-06-13

هلی تعلی المکارم من تمرهم

هلی بیت المراجل من تمرهم

هلی امعزبین و احلی من تمرهم

عدوهم قصّر ابدیوان الاحفاد

***

هلی درسوا الغیره من عربهم

النبی المختار و اهله من عربهم

خسر کلمن غدرهم من عربهم

یجازیه الزمن ما بین الاجناب

***

هلی معروفه جلدتهم سمرهم

علی واجب اباشرهم سمرهم

اثر عیلام عاشرهم سمرهم

او بگت آثارهم معبد للاحرار

***

جاسم ثعلبی (حسّانی) 24/03/1393

2014-06-12

الجنه اترید اهلهه او من یحب احسین

ابّشرکم یخوتی باجمل ابشاره

المراقد بالعراق اتناشد الطیبین

الحرب یتقدم او هل شاعت اخباره

***

یقولون اسمه داعش لو ابن صهیون

ما ندری صدگ لو ثارت الدیره

اذا داعش حرامی ایرید یسلب ناس

ندگ باگلوب صدقانه مسامیره

***

واذا ثوره عظیمه اتحارب الطاغوت

مظلومه او ترید اتحرر المسجون

لا داعی نبعهه من دموع احسین

و الیعارض نصرها امسودن او مجنون

***

و لو داعش یرید الیوم کسر الجام

او نظر عنده یخارب علن امتنه

نصیر اجیوش من البصره البغداد

خله ایشوف نبذه من عقیدتنه

***

انت امنین و المدّک سحاب اللیل

یداعش نبّه العالم ابصرخاتک

شنهی اترید من شعب العراق الیوم

تصلّب بالجنود او ترسی ضرباتک

***

اذا بسمک الثوره او ثایر ابمیدان

الثایر ما یمس احد ابضرباته

الخمینی اعلن جهاد او نادته امن ابعید

ورد قدم جنوده ابیوم غزواته

***

انصحک یالی ثایر لا تمس الدین

السنه سنة الله او شیعة اهل البیت

المرقد اثر غالی ابکل ثمن نفداه

الرمی و النسف باطل ما یجیب الصیت

***

الزلم وکت الحرب تتقابل ابتفکیر

جیش ابجیش یقصف و المصیر اشباح

النساء و اطفال ما یشملهه قصف الدان

و الا کاهل انس یندهس لمن طاح

***

ابصلاتی انخه و اکلّف باقی الصدقان

یرب انخاک انصر من نصر دینک

او ذل  الطاغی ما عنده فکر واحساس

یبو الحسنین فرج محنه ناسینک

***

جاسم ثعلبی (حسّانی) 23/03/1393

2014-06-11

العراق الشقیق انجرح سبع اجروح

دوت نار الحرب یا هو الیطفیهه

ثار الطوب و اتفلش قصر طاغوت

گالوا داعش الیلعب لعب بیهه

***

القتل و الهدم دمر غرفة الناطور

و المنصور حامیهه حرامیهه

مخبوصه المذاهب و الاعلام السود

و ابو الجنیب متحزم یدچ بیهه

***

اللشایش بالشوارع و الاطفال اتنوح

مرعوبه النساء او بیت السکن مهدوم

العدو دگ الصدیق او ضاعت الحسبات

الفقیر ابلا ذنب فوگ الالم معدوم

***

الحضاره اتهدمت و انسرقت ابترتیب

و الامریکان دمر کل ثنایاها

اجاها  ابن العجید او چمل الغرگان

غزه المنهوب باسم الفتح حرگاها

***

انواع امن السلاح اختبرته العدوان

ذبابات طوب  او الف طیاره

تزف اجساد اهلنه و الدفن سرچاب

غیر الجمعوها ابحجر سیاره

***

کلمن جاب جیشه او صار سید الگوم

عتبه امن الغرب والشرق مضمومه

فساد او موت و اجروح او غصف بالدان

اخذ من شعری یبن العرب معلومه

***

گالوا کل عراقی ما یهاب الموت

یحارب من عقیده او یاخذ ابثاره

الف تقریره تهموه ابشهادة زور

او بگه گلب المداین مشتعل ناره

***

زیلو الفتنه شاعت من بنی صهیون

اچم فرقه انقسم دین النبی المختار

الاسلام السلام او لا یضر معبود

اتحدوا یا جماعه او زیلوا کل العار

***

عد رب الکریم انذار و احسابات

اعملوا بالکتاب او لا تبخلونه

الشیعی السنی کلهم من نبع هالدین

او کل من نار صبکم لا ترحمونه

***

اتحدوا یخوتی و احموا بلدکم زین

العراق اتخیل ابو الحسنین و اعیاله

یضل تاریخ مکتوب اعلی گبر احسین

او یضل عباس راعی العلم شیاله

***

جاسم ثعلبی (حسّانی) 22/03/1393

2014-06-11

اغنیه و ابوذیه و فسته باسم تواعدنی حبیبی

واعدتَ قلبی یوماً لانّیر حبّک

فرشت جفون العین لملتقاکَ

و جف النعاس بانتظار بدرکَ

طلعلت الشمس و لم اراکَ

ان کان قولک کموج جفنکَ

لما توعدین الشباب و من هواکَ

العذرُ بعد الوعد یلاهُ صدمتٌ

الیس الحبیب بقلبهِ نعاکَ

***

دعیتک ما زرتنی اللیوم مالک

اعتذرت او سلّمت للغیر مالک

اذا گلبی اعلی گلبک دوم مالک

لیش اتخون ما تنشد علیه

***

الوعد مثل القسم ینحسب ینذار

الما یوفی الوعد للخلگ ینذار

اذا طال ابخیانه اشلات ینذار

مثل طیر النبی الطش بالثنیه

***

تواعدنی حبیبی اتمر علــــیه

السبب چا لیش تلقیهه الوصیه

لیش اتخون وعدک / ما تعرفنی بعدک

ساهر لیلی متحمّل اذیه

تواعدنی حبیبی اتمر علــــیه

السبب چا لیش تلقیهه الوصیه

***

فرشت الدار الک یوم الهویتک

من صار الصبح نادم لگیتک

العذر ما طیبانی / اعتقد طلقه او رمانی

اظن بافعالک انضوگ المنیه

تواعدنی حبیبی اتمر علــــیه

السبب چا لیش تلقیهه الوصیه

***

ارید انساک و انسه الواعدانی

النکر کل خوتی او حبی او حنانی

تغشنی و ارجع اردود / بعد ما احب و لا اعود

ارید احفر گبر گلبی بدیه

تواعدنی حبیبی اتمر علــــیه

السبب چا لیش تلقیهه الوصیه

***

جاسم ثعلبی (حسّانی) 21/03/1393

یالولد یبنی

سهرت اللیل کله او ما نمت برجاک

هیچی یالولد ذاتک تجازینـــــــی

ربیتک عزیز امکرم او معــــدول

بفعالک طلعت الدمعه من عینـی

***

امک ربّت الورده و انه السگـای

یم المهد تنطر ضحکت اسنونک

نست نوم العوافی و اسهرت ویاک

تجازیهه ابزعل متخالفه اعیونک

***

حرام ارباها اصبح هجرت البستــــان

غزت باسیوف سلبته الحرامـــــــیه

سگینه او او گمطینه او یشهد الکاروک

باقی الغزو لمّته القچقچـــــــــــیه

***

ابوک او امک اهل البیت مو خــــطار

خطار اصبحوا والبیت عازاهــــــــم

تحل و اتشد مصایب ذیچه ام راسین

او توز بالگوم فوگ الگوم طرواهـم

***

مکرهن ما لبس ویه الکریم اثیاب

لان بالسانهن غنبل  یفجرنــــه

اتحیّل لا تضل مفلوگ بالطگات

قصر کل حید مترجل یدمرنـه

***

فک عینک علینه او خلنه مسرورین

یالربیتک ابطن الگلب حافـــــــــی

ولک یا یوم توفی او هسه وکت الضیج

اگعد من منامک لا تضل غافـــــی

***

جاسم ثعلبی (حسّانی) 20/03/1393

2014-06-09

بطلب من احد الامهات متابعه لمدوناتی

هب یا نسیم الفرح هب و ارخی اعیونی

والدار ظلمه اصبحت ویت الیعازونی

یا ربی زیل الالم خل الگلب یرتاح

ولفی جرحنی او مشه شگ الصدر من راح

ولفی ذهب من مصر ولفی تمر گنطار

و ابیا مدینه سکن طیر السعد من طار

***

مربیه ارد اشوفک و اندعــیلی

علی ولفی الجفه یا دمعه سیلی

مریض او شوفته ادوای / کرهت الزاد و المای

عینی اعلی الدرب تربی او سحینی

مربیه ارد اشوفک و اندعــیلی

علی ولفی الجفه یا دمعه سیلی

***

سریت الدار غربه او مرمرتنی

ما تسئل علیه او عذبتنی

علیک الگلب شب نار / شلت یالضاوی الدار

طلبتک قبل لا یوصل رحیلی

مربیه ارد اشوفک و اندعــیلی

علی ولفی الجفه یا دمعه سیلی

***

شنهی ابیا سبب غیضک علینه

مسدود الدرب لو ما تجینه

تدری اشگد احبک / اظن ما یوفی گلبک

غیرک ما اود دکتر یجیلی

مربیه ارد اشوفک و اندعــیلی

علی ولفی الجفه یا دمعه سیلی

***

بچت عینی علیک او غرگت الگاع

عساها اببخت من فرگانه ابساع

ما حسبت اعوفک / ولا اظن ما اشوفک

ابذکرک عذب الوادم ونینی

مربیه ارد اشوفک و اندعــیلی

علی ولفی الجفه یا دمعه سیلی

***

جاسم ثعلبی (حسّانی) 19/03/1393

2014-06-08 بطلب من احد المتابعین لاشعاری

انت الحرگت الروح و انت المنیه

انت الجفن للعین و انت الهویه

***

لا تعتب او لتگول وین الضعن شال

انت الهضمت الروح او گلبک علی مال

***

صابر علی الشدات حمّل علیه

اذبح او گص ارکاب حط بین ادیه

***

بالک تهدم ابیوت و اتطش اهلهه

اعیال الله فوگ الگاع ترفع حملهه

***

ردت الحرب ویای بس آنه صبریت

بیتی افلشه اشلون وانته التمنیت

***

ما ارید اخوا النمام یزعل فرد نوب

یضحک کذب ویای بس حچیه مگلوب

***

فر الهویته ابساع من بین ادیه

عافانی واجفی ابعید و اخله الثنیه

***

تتمایل ابممشاک عینک جویه

وین الوفه و الدین او وین الخویه

***

اسهر علیک اسنین و انطرحلالک

تزعل علی الحباک هذا افتخارک

***

حایر علیک اهوای ما نایم اللیل

ناسینی عام او عام یا نجمة اسهیل

***

امر علی شترید روحی هدیه

ورده اصبحت عطشان بالمزهریه

***

لم العتب وارتاح مو آنی ما افید

تذکرنی وکت الضیج یو لیلة العید

***

فسّر ضمیرک شال لو بعده نایم

ابّطن الگلب نلگاه یو بالغنایم

***

رایح خطا یا اخوی ما تگدر اتنام

لجلک ترکت النوم امنهد اول العام

***

جیب الگلب نیشان و اتساهر اویاه

من تارکیته اسنین ذابحنی فرگاه

***

جاسم ثعلبی (حسّانی) 18/03/1393

2014-06-08

هذه الابیات لهن سر خاص اذا تمکنت تجده لک هدیه عندی

امی عدله

 امعززه باعگاع ابونه

و الخلگ من کل لغاته

الکل سجدله

و امی شمسیته او یمینه

امدده ابروج الحنان

من عبادتهه عرفت البرکه بیهه

اتصلی بینه اتهیج لو تسمع بچیهه

اتحزم المیت ابگبره اسنین ، و ایغرج سجیهه

امی دیوان او مضیف ابکل منابر

تنعه امی لو سمعت انغامها ایفلش بچیهه

ابوی مسجون الوساده من الم دگه الزمان

وکل امی تنطر الدیره اتحمیهه

فرد یوم امحزمه والدنیه ظلمه

مطر ینزل حیل حالوب او سیول

و الرعید ایهز نخلنه

 او تبرج الدنیا او تکهرب بالتلول

او لازمه التفگه بدیهه

و الحرامی ایحوف اجه ینسف دخلنه

شافله صخره او ختل و احباله بیده

ایرید یسرق خیر ابونه

ابکل وسیله

ینتظر غفلة ولیهه

امی تسمع همست اصوات او ضجیج امن الصرایف

ارشت او ثنّت رجلهه

عفیه بیهه

آنه گاعد و انظر الهه

اسمعت جرت السرگی یا کل فشگ و اتسلح بدیهه

و الچلب ینبح یحود الحرمنه او خایف علینه

امی تنخاه او تگله افلان نایم لا تگعده

خله مرتاح ابهناء سیفه بدینه

ایه صگد والله امی حره

او بالعوافی ابوی نایم

غیّرت مفرگ رمیهه

او تچّت التفگه ابکتر مگعد  ثدیهه

شال راسه الغازی مره او راد یسرق

یدخل ایدنس الثنیه

اتراخت العین امی حیده

ابصلیه طلقت

فوگ راس المعتدی او عفیه علیهه

مو فرد واحد لفانه امحلی عینه

امی تعرف من صطا ایبوگ الحلال

حسب امی مثل نسوان الغنایم

امعدله ابضی او دلال

لاکن امی ما تنام اللیل کله

تنطر الدیره ابسهرها

اتسولف او یحرگ شچیهه

هایه امی ما اسومنهه ثمینه

من جنسهم تسوا عشر ارجال

ما تخلف امینه

امی نشمیه او تحارب و الرجوع الهه هضیمه

بالضیافه امعدله او تذبح ضبیهه

لاکن ابزور او هداید

ابغضب ما تدفع ودیهه

ابغضب ما تدفع ودیهه

عفیه بیهه ، عفیه بیهه

جاسم ثعلبی (حسّانی) 19/03/1393

2014-06-07

هم ایصیر نتفاسر انـــــه ویاک

السبب شنهی اسلّم ما تحاچینی

اذا عندی ذنب داعینی عین ابعین

اوگف بالشمس و امر بعد عینی

مو معقوله تزعل و الزعل مکروه

اعیونک من صفر یالمرمرت بالی

ولک دایه صرت لک و انت بالکاروک

نسیت الغیره عندی و الگلب خالی

الصبر عندک گراگد و آنه گطرة مای

نهار او لیل اوسوس و الگلب راداک

امفتّش بالبن و آنه اشم اهموم

گلی یا حمل یا خشف من وزّاک

اشوفک بالحلم عندی عرس فرحان

اضل ارگص و اغنّی شافتک روحی

اذا اشوفک صدگ و اتگابل آنه اویاک

یا گاع التلمنی اتضمد اجروحی

انه الغربه شفتهه او گذریت اسنین

ما ضرت ضمیری او لا شکی حالی

من درت الوجه حس الجفن متروک

و الدمعه تغسله ابروجک العالی

حملت اهموم منّک ما حمل یعقوب

و لا یوسف تذکّر محنة اخوانه

عگطنی اببیر غدرک و اصبحت زمزیر

تعلّمت الرجوله الغصف و الدانه

غسلت الگلب منّک آنه ابتیزاب

بعد ما کو گرابه لا تحاچینی

مشیت اویاک کل عمری . انه المتعوب

ما اهم بالزمان اشما یلاوینی

تچردس بالطلایب شگ گلب مجروح

اخذ شعرات گلبی فرشه لسنانک

تبسّم للفردنه و اعزم الدفان

لان طم جثتی و القاتل السانک

اللحد محفور الی و انه الفرشته اشعار

تضل اوحید دونی عایش اشلوالک

اذا لچّک زمانک یوم طگ الدان

یجر دمک حسافه و العدو شالک

الگمر خسران لو سد الدرب للجای

لان عین الشمس تشحن له طاقاته

اذا غابت شمسنه او عالمک خسران

باوع دفترک لا تنسه وگفاته

عساک ابخیر اعوفک گلبی ما ناسیک

احبک لا تظم. ابذل علی سرک

افکر بیک خایف بالکبر یا خوی

یضل مسدود بابک محد ایمرک

جاسم ثعلبی (حسّانی) 18/03/1393

2014-06-06

وصیه الی وجهاء العشایر

لم اخوتک یا بطل جتنه الرماح

اتوجّه النه والحمل کلّش ثجیل

وصل وکت المرزقه والشیخه نار

الشیخه من شاخ ابحکم رب الجلیل

لم اخوتک و اصلح ابدرب الکتاب

ابحکم ربک طاوع الحگ عدّله

او زیل کل عاده تهدّم بالضمیر

الشعب واعی او ینتخی بالمرجله

لا تگول افلان شایخ بالمضیف

او لا تگول الدله مصنوعه ابذهب

الگهوه سمراء لاکن اتبیض الوجوه

ربنه خالقهه المضایفنه العرب

درس اخوتک جرهم الدرب الفلاح

النهوه و الهوسات و البیرق سئوال

الرمی او لبس الحزن اصراف او حرام

الوکت متغیر ولا عندک مجال

من علی ابدرب الکرامه خذ مصیر

رتب اطفالک علی حب الزمان

لا تثگّل خلهم احرار الدروب

و التواصل مرتبط من کل مکان

اطبخ امفطح او اعزم کل فقیر

و اخذ من درب الحسن یکرم رجال

او ساعد المسکین و الما عنده بیت

و استمر ویه العمر واعمل حلال

بالعزاء او بالعرس فکر بالفقیر

انت تذبح و الفلوس امطشره

تاکل او تشرب او محرابک یصیح

و الفقیر اهدوم ما عنده او مره

شنهی ذنبه و النبی وصه علیه

لا تراوی اکله لو جارک فقیر

ادخل اببیتک او اذبح ما ترید

اطبخ امحمر او اغرگ بالعصیر

ارجوک شد حیلک او ساعد کل کریم

ابن رحمک جارک او سید العجم

التقوی مفتاح السعاده و النجاح

ابذل ابمالک اذا عندک رحم

زکی ابمالک تجد خیرک یزود

و انشر ابعلمک تصیر استادها

طیع ربک لا تخالف کل حکیم

و اقرا بالقران و اخذ امرادها

***

جاسم ثعلبی (حسّانی) 16/03/1393

2014-06-05

ابعرس اهلنه الوام والراتب قلیل

ما کمل خرج النواقص و الذهب

اللیل للمطلوب نومه مستحیل

ثگل حمل الدین و الموعد گرب

قبل ثلث الیال تجّمع شباب

اتبرمج او تنشر قصاید تستعد

و الهلاهل ترشگ الدله او تصیح

الجار سدد باب حوشه و ابتعد

و المریض ایون علی افراشه ینوح

الصوت ماذیهم ولا عدهم مصیر

الطبله ترگع و الرگص هز الجدار

الکل سکارا والامر اصبح خطیر

شیب اجاهم سکّر الصوت الرنین

استلمساهم بس بعد کافی الرگص

العرس بعد ایام بسکم یا شباب

نادا واحد بس تری انملصک ملص

و النهایه او ما اطول بالکلام

اگبال بیته اصبحت چن جبهة حرب

انواع و اقسام السلاح استعملوه

البوش فوگ الراس ما تگدر تطب

انذار: الرمی

یا جماعه اعمال عدنه مو صحیح

الرمی وارمای شنهی حجته

بالعزاء او بالفرح دگ طوبه او یثور

ما یفکر بالمریض او عازته

انذار : النهوه

النهوه شنهی ابیا کتاب ابیا دلیل

یا نبی یا وصی داعمهه ابحلال

اتدش جهنم و انت بالدنیا تطوف

النهوه یبنی هدا مو شان الرجال

انذار : امفطح

ما امنعک تهدر ابمالک ترید

و المفطح اکله حلوه امعطره

عاده لو صارت حمل لبن الفقیر

اذا عندک خیر زاید سیره

انذار: الاحسان

و الحسان الزینوا بیه الرسول

عاده حلوه لاکن اتجر الفتن

اتطش اخوتک و الکباره ما تفید

اتزید بالخوه الف محنه او محن

یابن اادم زیل حزنک بالصلاة

منبر المسجد یطهر احزانهه

و الحسین او شیعته و آل الرسول

ایزید فی دار الرحیل ایمانهه

انذار: بیارق

والبیارق فتنه و اتطش العمام

بیرق الاسلام یکفی انشیله

احنه حاربنا او نصرنه الرب کثیر

و الجهاد او بیرقه انحامیله

و الدلیل اویاک اخذنا الکربلاء

بیرق العباس شایع صیته

غیر بیت المصطفی ماکو رنین

یا علم مرفوع خارج بیته

انذار:الطبخ فی العزاء

والبخ بالعزاء زاید للفقر

طشّر ابیوت او عوایل محنته

الچای و الگهوه کفی بالموزمات

هذا کافی اتعازی اخوک ابشدته

انذار : عدم حضور النساء فی المقابر

والنساء بالدفن ممنوعه الخروج

من علی الکرار اخذنا ارسومها

فاطمه الزهرا دفنهه بالسکوت

و الوصیه امن النبی اخذ اعلومها

انذار : عدم مشارکة النساء فی زفة العرس

ارجوک بالزفه امتنع رچب النساء

بالشوارع و الرگص بیت الغرام

هذا ناموسک امحمر للغریب

ما تهابک لو کشف زیها الحرام

انذار:  دگ  بالتفگ

مو مثقف لو تکض بیدک سلاح

لو تدگ اهل العشیره ابرادتک

العگل جایز ربک الثانی یخوی

طوف کل عیله ابحلم و الضربتک

ناس موجوده تحل واتشد کلام

اهل دله او ما تهاب امن الحتم

ساده و العلام گول اشما ترید

تحل کل عجده او تهذب للسلم

انذار: اعتداء

او جوز من کل عفرته او اکل الحرام

یجی یوم الغاصبه انت اتزوعه

وین تلگه المعتدی انت علیه

احساب ربک بالفلک بالوعه

انذار : الراشی و المرتشی

الراشی والمرتشی نوعا ما حرام

تاکل ابحق الفقارا یا عجید

الله یبلیک ابمرض ضایع دواه

او خلفتک مفلوکه تبغی ابکل وعید

لو ردت تعرف دروب الجنه وین

طالع القران واعمل بالکتاب

لا تضر احد ولا تاکل حرام

یرفعک ربک یخی فوق السحاب

انذار: الحزن اکثر من اربعین یوم حرام و یوجب له کفاره

الحزن یثّر بالحزن قصباً علیک

البس او شوف العذاب التشتهیه

ست اسابیع او یجب تخلع سواد

لان نبینا امقرر الکفاره بیه

حمصه من ذهب کفارة سواد

لو طفت حد و حدود القائمه

یوم واحد تدفع ابجرمک ثجیل

تابع الباری او کتابه او خاتمه

انذار: زیارة اهل القبور فی الاعیاد

العید مرسوم الفرح دین الاسلام

طاعه للرب و الزکاه من الذنوب

اتطوف گبر الموتی عاده امن .......

و الصلاه والصوم بالبدعه تذوب

جاسم ثعلبی (حسّانی) 15/03/1393

2014-06-04

اداوی اجروح گلبی ابصبر والهم

طحنته او قسّمیته اقسام و الهم

ابحلم ما عاتبانی الدهر والهم

ترکنی ابشدتی و ابعد علیه

***

هواک ابذمتی و انعاک وانشاد

او سحینی بالگلب جر طور وانشاد

تحل اعیونی وکت الغضب وانشاد

الصبر ملانی داویته ابشچیه

***

قص گلبی ابهجر سیفک والحمه

او داوی کل جرح غثّک و الحمه

انا المملوک الک یاسمر والحمه

اشما تعمل اسلم لک بدیه

***

یگلبی تابع الیهواک وابرا

اهتم له من سحین الحسد وابرا

لون بیدی اکضّن خیط و ابرا

واخیط کل فتگ یدی علیه

***

غزال المر علی مبتسم واحلی

رمانی ابسهم شگ الجفن واحله

عمت عینه درب ما بیه و احلی

یصید ابلا رحم من کل نویه

***

اهلال او نوّر الدلال هلهل

دخل گلبی اباذن وابنغم هلهل

زجرنی او مرضانی او ذهب هلهل

خذه عگلی او بعد ما رده الیه

***

الدهر مایه عذب غشنی واساقی

برزلی او گطّع اچفوفی و ساقی

غدرنی اسقی من ضرنی واساقی

ابکبر جلد الجمل حمله علیه

***

غدر بیه الزمان او نصب طره

رمانی او مارحم بالگلب طره

یریت امن الشماته انگلب طره

و اطیر ابعید من الخان بیه

***

تبسّم للصدیق الجاک وانساک

او من کل الهموم ابراک و انساک

ابغیابک ساتر الداعاک و انساک

الوفا بالدنیه جازیه ابخویه

***

جاسم ثعلبی (حسّانی) 14/03/1393

2014-06-04

سماء قلبی ساحتاً یذیقُ صبراً

تمر السحاب بهِ کما تمر الغرالُ

و تهب ثلوج الحب عاصفتاً

تموج بهِ الاهات و الرمالُ

اتت کروج البحر مرعبتاً

و تکردس فی لب الفواد جمالُ

داعیت عطشان الفواد مخدراً

الشمس قالت فاذا شئت یقالُ

***

محبس فص عقیق او ذهب عینک

یشع مثل القمر باللیل عینک

الیحبک ما اظن ینترک عینک

تعود او ترجع الدمعه الخفیه

***

گلب ملیان من دم حمر شفتاک

شباب ارجع لون انکرم شفتاک

خذت منّی الصبر من یوم شفتک

نحیل او بسمتک عمت علیه

***

اتصالک یالعزیز العم علیه / سلب کل فکری راوانی المنیه

بطّه او تسبح ابمای / تطیر او ترجع احذای

ترن سماعتک صبح او مسیه / اتصالک یالعزیز العم علیه

***

ولک و اگلیبی حبّاک / یابه او دگ دگتین ارداف

و ابحبه داعاک / عد عاقل او مجنون

یابه ما اگدر انساک / ردتک دمع بالعین

***

حنانک جرّب اسمومه او نسانی / ابطن بحر العشگ لفنی او خذانی

او غرگت ابشوگک اهوای / مریض او عندک ادوای

تهت بعیونک او ضگت المنیه / اتصالک یالعزیز العم علیه

***

بویه ورده او شفتهه / واتغازل البستان

یابه طیبه او ردتهه / خل النهار ایفوت

***

تواعدنی او تسافر تذهب ابعید/ البست ثوب العرس و اتگلی ما ارید

کاتلنی ابجمالک / کل ملکی حلالک

اذا ردت الگلب جالک هدیه / اتصالک یالعزیز العم علیه

***

ولک واعیونک السود / یابه چنّک شطب ریحان

یابه او مسدوده الحدود / و امنین اجیک امنین

***

حلم باللیل اشوفه او فسّریته / ادور عالحبیب او ما لگیته

هجرنی او مرمرانی / اخذ روحی او سبانی

یغازلنی ابعتب و اصفگ بدیه / اتصالک یالعزیز العم علیه

***

جاسم ثعلبی (حسّانی) 13/03/1393

2014-06-03

اهموم البالگلب زالت و عــــادت

او علی روحی فصل شدت و عادت

الشماته گوطرت و اشلت و عادت

تطگ اصبع غدت فوگ الثریا

***

غریب الجابته امی او زلگ واندار

او ترکته او ما اخصّه ابامل و اندار

مو فص من عقیق او ضاع و اندار

الاخوا بالضیج و الیحمی الثنیه

***

تعذّب گلبی بفراگک و ســـــلواک

اشترک بالحزن ما هود و ســلواک

اشتضن جرح الگلب دامی و سالواک

یطیب ابیوم نتعاشر ســـــــویه

***

جاسم ثعلبی (حسّانی) 12/03/1393

موافق 2014-06-02

هرکه می کارد هنر در جای پــــاک

شمش زر محصول وی از آب و خاک

***

درد دل با ابلهان کاری عجیـب

درد و بیماری رهش اندر طبیب

***

حرف حق گو گر سرت ببریده اند

حرف باطل زور وزر تابیـــده اند

***

دیده با دیدن یاران آشناســـت

گوش تر دیوار وسنگ بی بهاست

***

خوش خبر باشی و لیکن راستگو

غیبت و تهمت به نامردان نگو

***

جاسم ثعلبی (حسّانی) 12/03/1393

نص اللیل افکّر و اگلب احلام

او عجز منّی الکلام او مل مچانی

علیمن محترگ وامسهّر العین

او علیمن انه احب واحد نسانی

***

اعاین بالفلک واتنطّر انجوم

الگمر سح دمعة اعیونی الجویه

الگلب یمطر خجل و اتناشد اویاه

الشمس چا لیش ما تنشد علیه

***

حس راسی الفجر واتوادع اویای

حزین او قادرانی امضیع الاحباب

یحسانی الزمان امکسر اخشوم

او طیر السعد جالس عند الاجناب

***

هوت روحی الجبل و اتناشد الغیم

تداعی الغیم ارحل من سمانه

ولک والله الگلب دخانه غث ناس

او نرید العزه من جار السبانه

***

ذکرت اهلی النشامه الشالوا ابعید

او بگت دیرانهم منظر للاشباح

قصور امهدمه و النایحه اتنوح

تدگ اعلی الصدر راح الولی راح

***

شالوا لا خبر منهم ولا ریح

اضن ترکونه للعالم فدیه

لا حض لا بخت ما عدهه هالناس

الامانه تنسرق قبل الوصیه

***

ارید الیوم ادگ الصبر واجلیه

و الهمه ابکل سواده و اتبع الراح

عجزنه امن الصبر و الصبر بعناه

او شرینه الغیره للما عنده مفتاح

***

سریت او مادریت امودع امتاع

انه العطشان گلبی او شایل المای

یبس بلعومی و امخدّر بالالام

رمیت الگربه بید الخاطف اهوای

***

حلم صار الشعر و اتوسل ایدوم

گعدت اگعود بس تذکاری سره

لا عطشان لا متاذی لهوای

الحمد للرب اعیش ابعیشه حره

***

جاسم ثعلبی (حسّانی) 10/03/1393

انه ابن اسباع احامی الگاع انه ابن الفاله والمــگوار

انه طوب او صهیل الدان انه الرشاشه و احمی الدار

***

انگریز ابحملة المنیور اهلنه اتحزموله احــــــزام

فلول او طشت امن ابعید انحرگ جیش الغزه بالنار

***

عشایر دگت الضرعان او زحفت علی الموت ازحوف

المقابر بالجهاد اشهود والدفان بیهه احتــــــــــار

***

غنایم اسرت و اجنود اهلنه والعلم موجـــــــود

خذت ثار امن ابو صهیون او گطعوا اید الاستعمار

***

هلی ذوله واکرر زین اخذ عبره امن ابو الحسنین

و ابو فاضل وفی او شفناه ما یترک اخوه محتـار

***

بعد ماکو یزید او شاه العالم بالعداله اینــــــور

عمرک یا حکم معدود انصحک واجتنب کل عار

***

جاسم ثعلبی (حسّانی) 10/03/1393

مصادف 30 مه 2014

احبک ما احب غیرک ولا ارید

اسیب ابدونک او اهجر ولا ارید

اتصالک صامت ابگلبی ولا ارید

یضل اوحید تذکارک بدیه

***

ابحبک صادقت روحی وسلهه

علیک او ما تضم عینی و سلهه

تحبک ما تحب غیرک وسلهه

الگلب حبّاک و اتحمل اذیه

***

رمش عینک سلب عگلی و غثنی

غریج او تایه ابحبک و غثنی

یریتک تجبر امصابی و غثنی

یبس من یوم ما تنشد علیه

***

تکرر باسمی کاذب ما تمرنی

او علی حبک تناسی ما تمرنی

اجانی الشیب یشگر ما تمرنی

رفضته ابحجة انت اتمر علیه

***

ابغدر صایود فخ گلبی و ناجیت

عنید او ما تبع صیده و ناجیت

علی حضّی الرکس بالهم و ناجیت

النجات اویاک لو تلفی علیه

***

تحزّم للمشاکل دوم و الهام

او دگ حب الصبر لو ثلت والهام

هم تدری الصایب عبر والهام

تغسّل کل ذنوب ابهل دنیه

***

جاسم ثعلبی (حسّانی) 09/03/1393

در دنیای کور

خواسته های قلب

بسی سنگین هستند

و چشم مشعل دار بی تابی هاست

و دست جرقه و برق

و گوش بیرقدار گناه

باورت می شود یا نه

این عمل

حرام حرام است

آنچه عطش دل می خشکاند

بصیرت سرسره ی آن می شود

و هر که با آن عداوت کنی

بلای زندگانی توست

راه میانه

نیکویی

و سیر آن سهل است

و مقصد پشت کوهان شتر

و خوشبختی در یک قدمی عدالت

عادل باش ای انسان

آنچه برای خودت می پسندی

برای دیگران بپسند

تا جواز سفرت

ممهور به نام خدا شود

جاسم ثعلبی (حسّانی) 08/03/1393

شادابی

توتیای چشم خسته گان است

و بی خیالی

ملافه ی مشبّک خواب های زمستانی

مانع سرما نمی شود

ولی حجب وحیا دارد

غیبت

حیوان درنده ی بی دندان است

در عالم وحشت

و تهمت

یادگار بوسه های شیطانی

و شیطان پرستان

خوابیده در عالم درونی  عقل نحیس

کیمیا گر باش

در بازار طلافروشان

ای انسان

جاسم ثعلبی (حسّانی) 09/03/1393

قصیده هدیه الی ائمتی الاطهار

ارید احچی لغز مدفون وارد اتقدم الحومـــــه

التارک حب علی واحسین خلّه ایشگگ اهدومه

سیل او ما ترده اسدود جدهم بالفلک موجود

نشامه ابساحة المیدان من منهم ترک گومه

اهل العلم و اهل الجود و اهل السیف و الرایات

اهل دله او مضیف او نور تذکر کربلا اعلومه

جبل ما یهتز امن الریح علی مثل الگمر معروف

عادل حاکم او جیدوم شاهد خیبر ابیومــــه

عجید اتربا بالدیوان او هز کل حاکم ابحکمه

رسول الله النشر طرواه او بالغزوات مرسومه

الحسن ریح الشمال الهاب صیته ابجنة الفردوس

قاد الصلح لجل الدین امیر الستر جیدومـــه

الحسین الکمل المشوار ضد الظلم ضد الجور

ما سلّم لعند ایزید گطعت راسه مختومـــــه

الفده الچفین وفه الدین ابو فاضل عجید الگوم

طب بالمشرعه و الجود ملی العطشان مفهومه

لقف چف ایده جرعة مای و اتذکر عضیده احسین

عف عن الشرب و اختاض الفرات الدرست اهمومه

و السجاد ظل مگیود مریض او ما حضر مندوم

تقدم بالضعن للشام وی زینب الملچومـــــــه

او حارب جیش ابو سفیان ابصلاه وابصوم حتی الموت

سار ابدرب ابوه احسین او لم الشیعه بعلومه

الصادق صادق التعلیم مدارس تشهد او علّام

بطل درّس علوم الدین ابطلّابه او ترک نومه

یبو مهدی او شفت مرات یاتیک الحلم و الضیف

نجوم او صنعت التاریخ وحق السالت ادمومه

النضال ابلیه درب احسین باطل ما اله کل صیت

الحریه ترید افکار ماهی عتبه مضمومـــــــه

خادم اهل البیت :

جاسم ثعلبی (حسّانی) 08/03/1393

من ذم مصر

اتثقف او جس النصر

انه ارشدک وانت حاصرنی حصر

الدار ما شافت ولیهه اتهدمت ویه القصر

ما رحم تشچی الولیهه اتحزم او یکسر کسر

دث جفنهه

الثوب ما فارگ حزنهه

اعیونهه امغیمه علینه بعده ما یابس لبنهه

یا ربانا او برد الازرگ شفت ما ملنه حضنهه

تاهت او ما عدهه والی ابگلب خالی  ابهل حوالی وین ابنهه

ماکو جار

لا سعاده او لا حوار

یوم الاسود اصبح الظالم مزار

والمهانه اتوسدتنه ناطقه ابزی الشعار

نام بخته الاسد وینه الغاصب ایرن بالدیار

عاهدتنی

ابمرّت ازمولک شفتنی

چنت مجروح او تکبّرت او طفتنی

ما گلت و ابدمه اضمده اتساهلت و انزف عفتنی

اتمر علیه اجناب تبکی همی منّک و انت اخوی السودنتنی

ماکو داعی

الموت واجب ویه گاعی

جثه متهمشه ابلحد ویه الافاعی

واعدتنی اتصیر سلطان الضمیر الشعری راعی

اقرا و اعیونک صلاتی او کل ثباتی اتزیل همی الربی ساعی

یا بلیه

گوم حط ایدک بدیه

شد عزمنه البسمه بشفافک هویه

ما عرفنه الضاف عدنه یحتمل ملک المنیه

اکلن اگلوب النشامه ابلا زعامه یا کلاب الزمهریه

قالب شعر الهرم ابداع جدید من الشاعر :

جاسم ثعلبی (حسّانی) 08/03/1393

الوکت ظالمنی من صغری و نادای

لچم گلبی ابنحر سیفه و نادای

کل الناس عف عنها و نادای

یروح ابعید و ایروح علیه

***

الصداقه ابعفه تابعهه ولمهه

او زیل الحسد و الغیبه و المهه

الصدق و الوفاء مالحهه و المهه

الطمع والصدقه من بعد الثریه

***

الدهر حارگ دلیلی ماتمنی

زعل کسّر او دمّر ماتمنی

البنیته الیوم بکری ماتمنه

یساویه او یجر سیفه ابمنیه

***

صعب موتی علی وابتعد و ادنه

یجرنی اعلی الخیانه ابجبر و ادنه

لا یاجد محامی الستر وادنه

واعیش اوحید حر ابلا هویه

***

اتحّاد القوم ینصرها و سرها

کتب تاریخ صولاته و سرها

احترق بالنار من ذمهه و سرها

یبیع البیه وفه او یعدم خویه

***

جاسم ثعلبی (حسّانی) 07/03/1393

شد حملک او شیل / شد مهرک او شیل

او طوف الزعل یفلان ویلاه

اویلی اویلی / من گلّک اتعیل / من وزّک اتعیل

و الجبل ما ینداس ویلاه

***

عینک جویه / عینک جویه

اسئل علی الربّاک یداده

لتمر علیه یابه / لتمر علیه

ما کو وفا یا ناس ویلاه

***

شاهد ضمیرک حاله / هز البحر وارماله

و الفجر دگ ادلاله / او متحزم بالخاچیه

***

یا ولفی گل لی اشسویت / طالع دلع وسط البیت

و ابنار اگلیبی اتحنیت / عفت الغیره العربیه

***

بین الورد دگ احدود / عینی یبو اعیون السود

درب العشگ ما مسدود / واگفلک بس مر بیه

***

من دهورک من شالک / تبعیت الشلوا حالک

لو تابعتنی اشوالک / متربع بالکوفیه

***

مد الدهر ما اخونک / والعنگز بز اعیونک

اوحید ابعید ایشوفونک / ابدارک ترگص چوبیه

***

یتمایل و آنه ابراله / یمشی مشی الغزاله

یشرلی شنهی الحاله / ارجع آنه اهوازیه

***

جاسم ثعلبی (حسّانی) 05/03/1393

یا ساهر اللیل بسّک لا تبالی بعد

و الی تعانیه تعده امن المداین بعد

و اترجاء بالعین و انطر کل لقائک بعد

وین المحب شال تسعر بالگلب عازته

او عدوان الحفاد بدفوف او نغم عازته

چن تارک البیر نسوان او زلم عازته

مو اول امراد منهم لو اکلمک بعد

***

تخلخل یا شهم و انزل ترابای

او عینی اعلیک ما غمضت ترابای

بعدهی الروح بفراگک ترابای

شتلتک بالگلب مو بالزویه

***

شد ارچاب خیلک حمل او شیل

مو اول بدایه ابگلبی اتعــــیل

تعتب و انت بیها / الکسرها ایحش علیها

ما اجیتک حبیبی ابگلبی تحلیل

شد ارچاب خیلک حمل او شیل

مو اول بدایه ابگلبی اتعیل

***

عینی فرحانه کلهه . من قادرت لبعید

یابه یرگص طفلهه و اتهوس الطرمان بویه

***

سمعت اترید ترجع گلبی فرحان

شمع دویت لجلک طفه نیشان

***

تعال اویه الهوا الهاب / تریدک کل الاحباب

عطشان ارد اشوفک دمعتی اتسیل

شد ارچاب خیلک حمل او شیل

مو اول بدایه ابگلبی اتعــــیل

***

ولفی لگیته گاعد لی بالبستان یابه

عینی تاه او نسیته ما حسبیت ایعود

***

احبک ما اود غیر ابدالک

الگلب راداک مشتاق او هوالک

و لا چنّک هنتنی / تبعتک ما ردتنی

نسیت المضی و انت المذنب اتمیل

شد ارچاب خیلک حمل او شیل

مو اول بدایه ابگلبی اتعــــیل

***

یا رافع الراس یا بعد ابوی الیوم

لتهدم الساس جیتک غفل یا طیر

***

اریدن شوفتک آخروصیه

اضن تالیتک انت اتعم علیه

عنید او ما تواسی / الفردنه گلبه غاسی

اذا ما یصفی رایک منک ارحیل

شد ارچاب خیلک حمل او شیل

مو اول بدایه ابگلبی اتعــــیل

***

جاسم ثعلبی (حسّانی) هدیه الی ابو رضا الحسانی

04/03/1393

اخی الفنان استفاذ بذکر اسم الشاعر امانه فی رقبتک و شکرا

الائمه ضخر کل مسلم و عونه

او علی درب الستر بالحق و عونه

عرفنه من هو الیضرنه و عونه

باسمهم نطرد الخان الثنیه

***

الائمه اشراع و المرکب نبینه

او حبهم بالگلب واجب نبینه

ظهور المهدی یا شیعه نبینه

یذکرنه ابوکت تخله الدنیا

***

الائمه سیف للشیعه و اقربه

الاصاله الهاشم اشهدهه و اقربه

کلام الله انتشر منهم و اقربه

ینوّر کل گلب خافی الوصیه

***

الائمه اثنعش کوکب من سمانه

افتخرنه الشیعه و احمد من سمانه

البحر و الفضاء ابجاله من سمانه

او زال الکدر باعلومه الهنیه

***

الائمه شمس والباقی ظلامات

گمرهم یشع و الحاسد ظلامات

الترک درب العدل طافی ظلامات

ایتمنی یرجع او یعدل خویه

***

الائمه افراگهم بالطف حما النه

ابصراط المستقیم اقسم حما النه

القص الراس والقاتل حما النه

یجی یوم او نراویه المنیه

***

خادم اهل البیت :

جاسم ثعلبی (حسانی)03/03/1393

فی حق النبی صلی الله علیه و آله

رسول الله الرسم حده و عـــاده

او مسح کل عار عم اهله و عاده

الکرم و الامل محصوله و عاده

حکم ما هدر دم ساهر و الا مار

***

فی حق الامام علی علیه السلام

علی ما طاع کل حاکـــم ولا دار

ولا سرّه طمع دامــــس ولا دار

علی ما اسومه و اعلومه و لا دار

اهلال اهل السماء او مگوار الاحرار

***

فی حق الامام الحسن علیه السلام

علی المسموم ادر طوری و امـــره

امام او کارم السائل و امــــــــره

المسلم ما هدر مسلــــــم و امره

الصلح معدود الک و احلامه الابرار

***

فی حق الامام الحسین علیه السلام

اسد معلوم ما هود ولا حـــــار

ولا عده العدوا کلمه و لا حـــار

الرماح امصطره امعسره و لا حار

سمع راعی العلم مصروع الاسوار

***

فی حق الامام زین العابدین علیه السلام

رسل حکمه علی الحاکم و صدره

مدارس طالعوا علمه و صـــدره

سلاسل گمروا راسه و صـــدره

او کلامه دمّر الکرسی و مــا دار

***

جاسم ثعلبی (حسّانی) 02/03/1393

ترکت الغالی من ربعک حلالک

او بگیت اویه الغرب ساکن حلالک

احکمک و انفرد منّک حلالک

و اخلیک ابسجن حد المنیه

***

اهجرتنی اوسافرت عنی وعدلاک

ابذهب صافی اسومنّک و اعدلاک

عوج و اتخربص ابگلبی و عدلاک

نصحتک ما خذت منّی الوصیه

***

ذکرتک من غبت عنی وناسیت

ابفرح وابشوگ اشبه لک و ناسیت

سمعت اخبارک امسافر و ناسیت

غیر الغیض زاد الالم بیه

***

تفرهد بالگلب مالک عبالک

یتیم او ما الی والد عبالک

ابوکت بستانک امورّد عبالک

کبرت او هسه تتمگطع علیه

***

فردنه الچان یکرهنه و شلنه

او گطع صیت الابوا منّه و وشلنه

الفتن لا وین تالیته و شلنه

نترکه الذاته متحمله الخطیه

***

یدیوان اشکثر عدمیت و اسریت

ابعزاء وابعید لمت الزعل واسریت

هم تذکر فقیر او جاک واسریت

تصاحب کل ضخم و اتعم علیه

***

علی الطیبین اذل روحی او سمتهه

عنیده او ما خذت حچیی او سمتهه

باسم صاحب وفا ابحبک سمتهه

روحین ابجسد حد المنیه

***

بعد ما اعجب اعجازک ولا افید

ولا اعدل عوج طبعک ولا فید

اشتظن معقوله اباریلک و الا افید

صرت منجل گصب واتحش بدیه

***

تعجّب گلبی بافعالک و دورک

نسیت او من سگف بیتک و دورک

یریتک تایه ابوادی و ادورک

اگول الضاع عگله شت علیه

***

جاسم ثعلبی (حسّانی) 02/03/1393

هواک قلبی من حلاوة شهدکَ

فرشت جفون العین حتی تریحُ

و کتبتُ اسمک بنظرتی فی السماء

و سر المودة منکَ نادراً بداء یبیحُ

یا ریت ما شاهدت شمسکَ بازغتاً

ولا دمعة تمساحٍ علی الخد تسیحُ

هجرت قلبی فجاءتاً و النجوم زاهرتاً

حتی راءیت عطر ذکرکَ من قلبی یفیحُ

***

ولک من شفتک عفت ربعی و خلّای

او ترکت البیه وفه لجلک و خلای

مکانک بالگلب امحل و خلای

الطمع منعاک ما مرّیت بیه

***

یلّی سافرت چا یمته اتعود

اخافن من کلام اتگلی ماعود

الصبر لهمیته لجلک / العمر کرهیته بعدک

ترن سماعتک بس منته موجود

یلّی سافرت چا یمته اتعود

اخافن من کلام اتگلی ماعود

***

انتظرتک یا ولف و انطر خیالک

اجرمت اویای ما بین دلالک

واعدنی اشوفک / ما اگدر اعوفک

زلت کل مانع الوصلک و الحدود

یلّی سافرت چا یمته اتعود

اخافن من کلام اتگلی ماعود

***

چویت الگلب ما منّک وصیه

او طال السفر یمدلل علیه

ارجع وی هوا الجای / و اریدک تبغی ویای

فرد لحظه اودعک وارجع اردود

یلّی سافرت چا یمته اتعود

اخافن من کلام اتگلی ماعود

***

کرهت الدنیا من هجرک و عودک

ولک گلبی نزف دم اعلی مودک

شنهی ذنبی ویاک / و اتعذبت برجاک

اخیط بالجرح و افتوگه اتزود

یلّی سافرت چا یمته اتعود

اخافن من کلام اتگلی ماعود

***

جاسم ثعلبی (حسّانی) 01/03/1393

هدیه الی احسین ابو علی الساری

اخی الفنان استفاذ بذکر اسم الشاعر و شکرا