سفیر الحب

ابوذیّات زهرة القناة

الصوائق تلهب اهــــل القمم بالهم

او خریر المــــــای للمنحدر بالهم

شموخ الـــــــــرجل قد یبتلی بالهم

اعلی قدر المعرفه اتضیفه المنیّه

***

یعـــــــــاذل لا تشمت اعدای بس مای

ابّطن شــــــریان گلبی انعجد بس مای

علی اعناد الیضدنی ابدعت بس مای

ابتسم و البسمه تــــــــــاهت بین ادیّه

***

انلچم گلبی مـــن الخلّان و انهان

یون ونّت حمـــام الدوح و انهان

اشما ابعد و افرح الروح وانهان

الدرب مبعد او توصلنی الردیّه

***

اخـوک الّی طمع باملاک و ارضاک

یطش بالمجتمع و اهلاک و ارضاک

یعادی البیه محنّه اویاک و ارضاک

تحذّر لا تــــــــــــــــــطر اویاه ثنیّه

***

اخــــــوک الما وگف ویاک وگفه

ابیوم الضیج مـــــا عرفاک و اگفه

الجرش ما دام اله او ذلّاک و گفه

یضل خــــــــالی ابیوم الموزمیّه

***

خوّی المـــــــا یفیدک لیش ام بیه

شبه خرقه ابمطر و ابریش ام بیه

اخــــو المایحترم و ایطیش ام بیه

عساء رگّــــه ابمچانه اتحن علیّه

***

جاسم ثعلبی(الحسّانی) 21/01/1396

ابوذیّات اسرار الحیاة

اخیّط بـــــــــــــــالجرح و انعاب ماطاب

و احس گلبــــی انظرب مرزاب ما طاب

اعلی روحی الفرح خمس اسنین ما طاب

الــــــــــــحزن و الهم لفانی او عم علیّه

***

کتب ومضه الزمان اویای هدنه

او علی حب النبض بچلای هدنه

اظن اهوای صـــار ادوای هدنه

الدوا لــــــو ضاع تلفانی المنیّه

***

انرسم بالضن هــواک اویای سرنه

او علی درب الخطر بالمای سرنه

یفرّحنه النسیم الــــــــــجای سرنه

و اشوفک بـــــالحلم مجبل علیّه

***

ارید اقســـــــــــــم قسم بالقلم و ارباک

ابتدیت اویاک صــــدقه ابالم و ارباک

دخل بینه العریضی اوابنغم  وارباک

شتمنی او ذمنی بــــــــاعمال الردیّه

***

من هو الشال سیفه او قصد من سال

هودج طاح دمــــــــع العین من سال

صمدنه او مـــا یهزنه الالم من سال

یهزنه الاخــــــــو ینبش تحت اخیّه

***

نخیتک و افتخربــاسمک و نخواک

شجاع او سامـــع افعالک و نخواک

استمع بشعاری سمّعتک و نخواک

اطرش صــــرت لو عفت الخویّه

***

الگصد بیت الکرم حــاقد ولک ثور

یطوب اعلی الهدم دارک ولک ثور

الناس اتدمّرت مــــــاتت ولک ثور

الشعب محتاج لـه انضحّی سویّه

***

سلوک البیه رده جــایر و شر بیه

غصب عنوان بیت اهلی وشربیه

یحرّض بالاخو ضدی و شر بیه

یعــــــــــــــادینه او یهدّم بالثنیّه

***

یگلبی اتون علی الشالوا علی امنه؟

تسولف زیـــــــــــد بکتابک عِلمنه

جبل و اتوسّد ابراســــــک علمنه

او تخلّی الما یشوف ایشوف بیّه

***

جاسم ثعلبی (الحسّانی) 19/01/1396

ابوذیّات # مرهقات

الزعل مـــــــــا ینلبس للبشر و نساه

ولا حچی الـــــــــدفن ینعجد و نساه

وحق الّی اسجدت له الجان و انساه

کــــــــــــــلام الیشفی للخالق هدیّه

***

الزعل مــــــا ینتسب للبشر زینه

او کـــــلام البیه رده للناس زینه

الشجاعه و الکرم و الادب زینه

تهدّه اویه الخلگ و اکسب تحیّه

***

ابو الـــــــطیبات یشتل فرح بسمات

التحبّه الخلگ عگله انشرح بسمات

ابجفاه حبل المـوده انطرح بسمات

اذا ینـــــــــــــــگطع تلفاک الاذیّه

***

الحمّل مــا ینعدل بالزعل و المال

الکره لهل الحسد ینتسب و المال

یوم الّا یفید الـــــــــــولد و المال

تفید اعمالـــــــک او حر بالدنیّه

***

اشعلامک ما تعرف اعداک و الفاک

الحنین او یخطر ابــطرواک والفاک

ما ملّیت مــــــــــــن انهاک والفاک

تحــــاورنی او تذب ضیمک علیّه

***

البشر کـــــــل ما کبّر بالعگل یعقل

او شرف زاد العگل عالراس یعقل

الجاهل لـــــــــو کبر بالجهل یعقل

جهنّم یصبح او مــــــــوته ابردیّه

***

احــــــــــذرک لا تهین البشر تنضر

او وعر موتک قریب ابخطر تنضر

تعادی الخالق اویه الــــــدهر تنضر

یهلکک و اعتبر مــــــوته ابردیّه

***

جهنّم عیشت البیه رده و اهــــلاک

گمر واکشف لک التعبیر و اهلاک

الادیب ایعاتب اهله ابسترواهلاک

یزرع طیب او یحصد شـــر اخیّه

***

حمل غیض التکرمه ابادب و ایخون

مثل طبل الضبوح ابحرب و ایخون

علیک ایلملم اهـــــل الغدر وایخون

او یکردس بـــالکذب ضیم او اذیّه

***

جاسم ثعلبی (الحسّانی) 16/01/1396

شعر هرمی ثوره ضد الاستکبار

#ما تجوز

ما تجوز او ما تجوز

ملّت ایدی من کثر نصب الرموز

انت ابو اقرانین شایل والله عایل دل نسوز

ابکذب تتمرحب علینه تدفن الوعده اب سه روز

حمل شایل ضیم گلبی او یا ذنب گلّی ارتکبته ابگصتی بوز

انت خایف

لابد ابسد الصرایف

تدرس ابهم الکتلنی ما هو طایف

بیتی شمعه او عینی دمعه او ذاتی لمعه و انت حایف

یا تمر گنطار خدهه الجنّه عدهه او حبّی سدهه امی ما باعتنی سایف

سلّم النه

ذمنه ما یثگل حملنه

گول مهما اتگول کذّب بعده ما نایخ جملنه

والنخل بعثوگه یشحن کلنه گمنه و الله ینصرنا اباملنه

والمطر ثلثینه دمعه و الجرح بشفافه طایب ایضمّد اویشفی ابعزمنه

اتگول بسکم

انتم النه و احنه الکم

بالزمور انصبّح انفلّش زلمکم

او بالرعید الجای من الغرب یهذی قتله بدکم

الله خالق قسّم النه ابکل محنّه انموت و انطشّر سلفکم

اتجمعینه

باسم رب الوطن کلنه اتوحدینه

یا محمد زد عزمنه انت مقصدنه او نبینه

و ابوفاضل سال سیفه النصرت احسین او علینه

کلنه مرسوم الشهاده النصر والتحریر قادم علی الثوره اتدربینه

شعر #هرمی من ابداع جاسم ثعلبی (الحسّانی) 16/01/1396

#هرم دردمندم

دردمندم

بی هدف با تو می خندم

صاعقه در آسمان دیوانه پندم

موذیانه تازی از دیوار تو آجر نکندم

در مصیبت های ظلمت آه شرمت صادقم خالی نبندم

اشکبارم

از خدادادی شدم دریا کنارم

موج می زد باغ عشقم در گلستان چون بهارم

گفتمانم از زبانم میوه گاهم از هنرها می درخشد سبزه زارم

خوش خبر تابیده بر دل شیک و خوشگل  لذّت و رنگِ شقایق ماندگارم

چون ثریّا

فالِ عشقم می درخشد خیلی زیبا

در دلم هی می نوازد بازتابِ رنگِ دریا

دشت و هور و برف و سرما آوازه خوانِ مزغِ مینا

با زبانِ بی زبانی عندلیبِ دیده بانی می نگارد قصّه هایم کوه و صحرا

ریزه میزه

در بلم هورالحویزه

گاهنش چون چشمِ عشقم خیلی تیزه

و الچبایش سایله اعلی المای و الرمای یتنطّر فریسه

و السمچ مشوی اعلی گصبه و الصوایید ابشبچ عدهم غریزه

شعری در قالب هرمی ابداع و سروده: جاسم ثعلبی(حسّانی) 15/01/1396

غزل بیدر عتب

حطنی اعلی الجرح عاتبنی اذا ما طاب

او ضمّدنی اعلی گلبک ینشرح حالک

او شوف اشلون تلفیک السعاده الوان

احذرک لا تغثنی او ینشده بالک

الک ورده اصیرن و اشتم ابطروای

بس لا تنغدر من تکثر اموالک

عاین فوگ شوف الشمس وسط الغیم

ضیها امخدّره او ما تحسب اجبالک

الک بیدر عتب دفنیته بالتنور

او حرگت اعتاب فایت یشوی برمالک

انجلب حنظل کلام الما یطّفّی النار

او دفنیته ابعبرتی او رمشی یبرالک

ما یاجد فراق البیه عداوه او ثار

یاجد لک گلب بس افتل احبالک

شدّه اعلی الضلوع الما تهاب الموت

او ربع له ابهلاهل ترشم اجمالک

مای او جو لطیف او دنیا کلهه ابخیر

مضیف او گهوه تحسب دگّت ادلالک

تچّی اعلی البحر خل روجه یحسب ضیف

او ملامع جیّتک تتباشر ابجالک

ولک معضد صرت لی او چتّفتنی اچتاف

ادیّه امشبّگه و اعیونی تحلالک

خلینی انطرح خلینی اموت ابطیف

حارگنی ابدلالی اترکنی اشوالک

نوبه اترید مایک یشرب العطشان

او نوبه اترید عطشان او سگه انخالک

جاسم ثعلبی(الحسّانی) 11/01/1396

غزل تتحلّم عبث

بعد بسّک یگلبی لا تحن جوز

الهانوک ابغدر خلهم یولّون

تتحلّم عبث و العازه بالحیل

دریت اجناب صاروا ما ینشدون

خیانه امبرمجه او حیله او طرب لیل

اشمالک تقصد الهم من یعانون

شد ارسان خیلک طوف الوعود

اذا جرحک وسع لا ما یداوون

خلیهم ودی خلیهم ارماد

نار او عار داوی ما یطفّون

گوم اشبع فرح گوم اغرس احباب

غربه امدوحسه ابضلهم یگصّون

ایدک لا بلت دربک شته او فاض

الزهور امعطّره او حافظها مضمون

خلهم بالمذلّه خلهم اسبات

لباس الذل حلو خلهم یلبسون

کتمت السر علیهم عند الاجواد

نصحت اهوای ما قبلوا یتوبون

السبع ما ینتحر لو گطعوا اویاه

عزم یزداد لو رادوا یهجمون

الشمس تبغی الشمس لو بالسماء اجبال

یشع ضیها ابکرامه او شوف العیون

وین الزامطوا و اتنخوا ابحید

حدر الگاع بس تابع یموتون

الدرب واضح گمر یزهی ابالف طیف

عمت عینه الیسمّی ابروحه مجنون

جاسم ثعلبی (الحسّانی) 09/01/1396

غزل تتندم

ما هزّک ضمیرک یالظلمت النّاس

الفقیر ایموت و انت اتقسّم ابداره

لا رب التعرفه او لا قیامه اتفید

سخر مرمر یگلبک مثل الحجاره

چنت حافی او تجدّی او تخبن الحافات

ما تاجد فرس بس تملک احماره

الف رگعه ابقمیصک ما تعرف العید

اردان امطرطره و الشدّه بزراره

الوجه شاذی او خیالک بس شعر منثور

امزیّن ما یزیّن و انطفت ناره

اجاک الحض ابزود الحیّه و العربید

غسلیت الجرّب من جتّک ابشاره

او کلیت الراس کلّه او گطّعیت الذیل

او تفلت ابموگد العز و الکرم جاره

او شربت ابمای صایم من فطرعطشان

او چفیت الدله یم شیخ او الظلم زاره

او حرگت اشماخ متخیّل جماله ابزود

او لطمت الشیله بالعیله ابغصب عاره

متنصّب امیر او امرک امن اعبید

ابیا سنّه او دلیل اتنصّب اطراره

ما تعرف الخالق سیّد الکونین

یحاسب بالکتاب او عدله و احراره

او ما تعرف ارواح التنفنی بالموت

او تعب رب الجلیل ابخلقت اسراره

ما تعرف الگاع الطمّت احچایات

تشهد بالمجالس لو سدت غاره

استعدل لا  یمزّگ دربک الدینار

ما تسوا الضیّافه الدنیا غدّاره

الچفن یبغی المماتک ما یشیل افلوس

و الاعمال الجمیله ابسده بتّاره

تتندم ابشرک لا تغیض السیف

او خیّاله الشهم و امرضّی خطّاره

الارض ما تنقصب و الحگ یکع الزور

لا طوب الیدگ لا تعلی طیاره

جاسم ثعلبی (الحسّانی) 04/01/1396

غزل احذرک

شنهی اترید تصبح حاتم ابیومین

تدری ابن الجبل ما یهتز ابریحک

تضل ساسة بله و اتعذّب الطیبین

اسد لا مو اسد من واوی تلگیحک

اجرّک للدرب و اتمنّی حلمی اتصیر

مثل بول الجمل بالعکس ترشیحک

تگص ثدی الرضعته او تهدی بیه للغیر

او تعامل بالمحارم صعبه تلمیحک

ما اریدن طلی یتحده کل نعجات

وایماشی الضبع وایعزمه تفریحک

اخاف اتبیع ملبوس اللبسته اجدید

او تشمت اعدانه بینه ابفشل تسلیحک

ما اریدن غدر روح اتبع الهانوک

حسافه اعلی الوکت علّمنا تطریحک

وابعوز الوکت ما شفتک ابشدّات

مثل حسبة مره بارموشی تنصیحک

ما اگولن عجیبه و النذال اهوای

ما یوفی الخنیث ابذاته ترجیحک

احذرک لا تدگ باب العشت بیه دوم

اتبعک لو تطیر او اخصی تنجیحک

اتادب یا بشر لا تلطخ اهل الشان

اشیوخ امعدّله او من عدهه تبلیحک

بعد ما ارید اشوفک گلبی مایهواک

ابتعد خلیهه ظلمه او کافی تصریحک

عندی اسرار الک یوم القیامه الگاک

ملوک الحگ یبومه ابنارها اتریحک

جاسم ثعلبی (الحسّانی) 28/12/1395