احبّک و احب ذایقتک و اسر بیک
اجیلک تقبل انسافر و اسربیک
دریتک خاتم اسراری و اسربیک
ابحیاتک عید من اتمر علیّه
...
اشبلاک او تگفل النقّال و الرّد
او دربک یزهی چن بستان والرّد
علیک اسئل حبیبی الراح والرد
ابسلامک بعد لا تبخل علیّه
...
یهل ساکن وسط گلبی و نبضای
اشتعل لک شمع دلالی و نبضای
اشتظن اتنغمش ابسدری و نبضای
ابّطن عگلی و احس مبعد علیّه
...
غرگت ابخل نبع ذوقک و شهداک
او ذیب ابسد وجه نعجه وشهداک
تعیل او تتهم او تنغر وشهداک
ترد و اتگول أسف و انا اشبدیّه
...
ارتهیت او گمت تتکبّر بلویاک
قصدی الینتسب حبّی بلویاک
ترید اتعوفنی او تمشی بلویاک
الدرب یاسع جمل وانت الضحیّه
...
هظمنی الفرهد ابعگلی و قلبای
مذر ما یرحم ابحالی و قلبای
اعلی تیس المطی ایوادعنی وقلبای
امسودن مدری طافش وگع بیّه
...
شجاک او گمت تتدلل ولحسان
ابصداقه او ما خنت صاحب والحسان
ببو فاضل ارید اقسم والحسان
وحید انت الاحبک تدری بیه
...
بعد بس لا تضر بیّه و اضرباک
اثر طابع علی قهرک وضرباک
تکف لو اجیلک امعصّب وضرباک
و اکسر اضروسک او فچّک بدیّه
..
احمد اللّه یلّی طعتک غفل وامسیت
ابکسر خاطر علیک اصبحت و امسیت
عساک ابموت تتهم بطل وامسیت
او دریت الشیخه اله او صاحب ثنیّه
...
جاسم ثعلبی (الحسّانی) 27/11/1399
:: برچسب‌ها:
ابوذیّات حبیب الشات ,
:: بازدید از این مطلب : 1344
|
امتیاز مطلب : 0
|
تعداد امتیازدهندگان : 0
|
مجموع امتیاز : 0
عضو شوید
عضویت سریع
آمار مطالب
آمار بازدید
