ابوذیّات للحبیب والحبیبات
الدنیا عذّبت فلکت وعلهه
صعدت فوگ نصّتهه وعلهه
کتلنی الما اله بیهه و علهه
یحل وایشد چذب یصهل علیّه
...
بعد ما بیّه اگص والحم واشد بیک
هویتک واطربت لجلک واشد بیک
شوگک نازل ابگلبی واشد بیک
حیل اویای رهّمتک علیّه
...
حنان امّی اعلی شفت ارباک خییی
ترک حبل الوصل ملفاک خییی
اگله اخوک انا او شاک خییی
یگلی امنین اجیت ابعد علیّه
...
ذقته او شو طلع ممرور شهداک
او گلبک دوم یحچی ابزور شهداک
انت الّی چنت مغرور شهداک
تمر کل یوم و اتقبّل بدیّه
...
فاضی گلبک اصغیرون شملاک
اندعی امن اللّه یلملم عون شملاک
الدرب صافی الگلب مفتون شملاک
او خل نگضی العمر لاخر وصیّه
...
تغرّد مثل طیر ابشجر شحلاک
ابطن فخ شاطر انت او تعر شحلاک
فگدتک والگلب ما صبر شحلاک
طلع سایب علیک ابکل نویّه
...
رخیص او بس علیّه ابثمن شغلاک
درب مامون گلبی انسجن شغلاک
طلعت اتغور صاحب فتن شغلاک
وفاک انت اشتظن ضیم او اذیّه؟
...
سد حلگک و احذرک آآآس والطم
اشوفن ما یفیدک ستر والطم
ترید ازعل واشگ الزیج والطم
واگل للناس ذاک الخان بیّه
...
چنت غافل او علّمتک واجر بیک
الدقک لو یضر فعلک واجر بیک
اتبعک وافتر ابروضک واجر بیک
او عشر امتار ادفنه اللف علیّه
...
تگلی لاف صایر لی والف بیک
ابّناک افلام سالفتی والف بیک
حسبتک طایر ابگلبی والف بیک
ولف ما صرت گمت اتعیل بیّه
...
حیل اویاک ما اسکتک وانا اراک
احترگ میة سنه ابغیضک واناراک
عساک امسودن ابحبّک و ناراک
تشگ بهدومک او تضحک علیّه
...
اخوک امک حچو شاطو تشر شاب
حنانک بالگلب طافی تشر شاب
تحب تجلب تمن تخسر تشر شاب
تچردس تحتمی او تهدی التحیّه
...
تدگ تلطم تذم تهرس شعر بیک
اموت ابلوعة احزانک شعر بیک
احس گلبی افتره شافک شعر بیک
عطر زلفک ینسّم بالثنیّه
...
انسنت روحی الوصالک من یردهه
شهت و ابعینک افلت من یردهه
انهدت عانت او باعت من یردهه
احترمهه او لو ترجّعهه علیّه
...
جمالک بدر و اعیونک ترابی
سحر یجلب صخر لونک ترابی
رگدت ابگبری هیعونک ترابی
فخت مرتاح الک من کل اذیّه
...
تضم تخفی تدحلب من هویتک
حبستک جرّبیتک من هویتک
لطمنی شوگ اذیتک من هویتک
طرت بالهوا او ماسکنی امن ادیّه
...
خانس ما تحس واتفر وارد لک
شتلت الدرب شوگ او در وردلک
حنانک ما عجز وانغر ورد لک
عروس البین صار ابکل بنیه
...
انهرجت ابگلبک الدلّاک واشفاک
غزال او هرولت بشلاک و اشفاک
مریض او تدری عندی ادواک و اشفاک
متی متحب تجی و اتمر علیّه
...
الدهر ویّه الاحبّه اذلال لاباس
یمر یرمینی بالدلال لاباس
اشممد ایدی علیه و ایگول لاباس
شجاک امبرید احصابی وادیّه
حرام اتزورنی او تفتر علیّه
امسودن امسودن امسودن من طرت
تلهی غیرک واعلی بیتک منطرت
صلفه عینک علی غیرک من طرت
تشر تبلیهم لغاوی السافهه
...
جاسم ثعلبی (الحسّانی) 08/06/1399
:: برچسب‌ها:
#ابوذیّات للحبیب والحبیبات ,
:: بازدید از این مطلب : 5805
|
امتیاز مطلب : 0
|
تعداد امتیازدهندگان : 0
|
مجموع امتیاز : 0
عضو شوید
عضویت سریع
آمار مطالب
آمار بازدید
