انت حیاتی
یا من شریک ابمحنتی ، یا من امیری او مهجتی
دونک تبیّن غربتی ، انت المعین ابشدّتی
...
غیرک فلا اعاشر بشر ، ترکک علیّه خط حمر
خل یسمع ابشوگی الدهر ، حبّک مثل رش المطر
...
یا ویلی تعبانی الوکت ، من ضیم گلبی احاه صحت
من الاودّه اتبعّدت ، ما یرحم ابحالی او متت
...
وینه الیطیّب لی جرح ، لا تجعل ابجرحی ملح
اعلی اهموم گلبی لا تلح ، امعادینی چا وینه الصلح
...
مو واعدتنی اتکون الی ، او تابعتک او عایف هلی
انت حیاتی او منزلی ، وینه الزمط لی اتدللی
...
تدری انت بالذات اخسرت ، کلّک خیانه اتدّمّرت
سامحتک ایّام المضّت ، وابناری داوی او ما صحت
...
تلعب علی روحی ابغزل ، متونّس او تحچی ابزعل
لا دین عندک لا خجل ، کنت انتظر منّک امل
...
هسّه انکشف لونک صدگ ، هاضمنی وجهک ما عرگ
هل تقبل ابحبّی احترگ ، تسگنی بجدامک سحگ
...
بالک تناسینی ابعفه ، بس ردت اراویک الوفه
وین الکرم والعاطفه ، او وین المحنّه المنصفه
...
روح او بعد لا تلتفت ، منّک سعاده ما شفت
قولک غدرنی اتحطّمت ، خطّیته اسمک من خنت
...
معقوله ما تسمع عتب ، مو چنت اوصفنّک ذهب
معقوله حبّک جن لعب ، صافی ابّطن گلبی الغضب
...
ویّاک ما اعودن بعد ، امسافر و اشوفک بالّحد
یا یوم ازورک مستعد ، لحظه ارد اودعنّک و ارد
...
جاسم ثعلبی (الحسّانی)29/04/1400
:: برچسب‌ها:
انت حیاتی ,
:: بازدید از این مطلب : 1233
|
امتیاز مطلب : 0
|
تعداد امتیازدهندگان : 0
|
مجموع امتیاز : 0
عضو شوید
عضویت سریع
آمار مطالب
آمار بازدید
