ابوذیّات ردود و ثبات
لون تدری ادموع العین شیرن
علیک ابدم ادراغ الیضد شیرن
اهموم الّی ابغیابک زهن شیرن
ثمرهن للغریب او شان بیّه
...
ثمرهن راح وی إسمک ومنجن
لا ادری المن ایروحن و منجن
طلبنه احقوق من انسن و منجن
تعبنه او لا تجد حل للقضیّه
...
تعبنه الدّنیا غدّاره شکلهه
او یوسف باعته اخوانه شکلهه
اسباع ال بالفله خنست شکلهه
کلتهه اضباع لو حقد الخویّه
...
اسباع الولّدت باسباع هلّن
إبسمانه او یا إعیون الگاع هلّن
مثل طوفان رحبن علن هلّن
اجابن و انتخن بید الخلیّه
...
العطش طگنه او طمر شطنه وسدنه
ابنوال البیه رده ذبنه وسدنه
اهنا بیّن إخو المدنه و سدنه
انعوش السیّرت دون الوصیّه
...
شرت بالعالم إنت او إلک من شار
او خشبتک گلت ما گصهه ألف منشار
ایخسی الذمّک ابضدّک نطق منشار
دریتک هلک دهدوک ابأذیّه
...
دریتک بدر بس أهواک ظلماک
انغدرت المحتل العربید ظلماک
حسافه ابکذب واینشرون ظلماک
صگر مأعرفت صید الأجنبیّه
...
ادگ و اقذف اسهامی و أنت نایم
فگدّتک گمر عابر وأنت نایم
أون و أعزف إبحزنی وأنت نایم
ولد زتتّه ابیوم الموزمیّه
...
صحیح أنت الگمر من تشع بدراک
ابلیالی العوز چان اینور بدراک
تدیر الما تدیره إلعرب بدراک
شجاک او داستک خیل المنیّه
...
ابهجوی او لو عمیل او چنت وکراک
الدجیل او لو یطمّک زود وکراک
علیه لعنه الوچّر فوگ وکراک
عساه موت الهلس جنحان أخیّه
...
الکرم و الزود تاجک منکریته
او بحر صیتک یهلهل منکریته
إخوک الخالفیته منکریته
وگف للبیه رده او فرهد خویّه
...
تناحینی او تلهب غضب منحاک
ذهب صافی ابعنق الترف منحاک
من هو الگال غزلی انعجد منحاک
احوکه او شوف ملبوسه علیّه
...
انا مجبور ادگ جرنی و ناحیک
حیبه البیه رده امخربط وناحیک
رمونی او ما جزت منهم وناحیک
او بعدنی الحم وأشد وأمطر حمیّه
...
أشتم ابصدرک انت البطل لو هل
اعتقد حبّک اهلال العید لو هل
مسچ و أگبالک امطر عطر لوهل
شجاک إشغیّرک غاسی علیّه
...
إم اهلال تطلق نار هبّت
او مثل طوفان نوح انجدت هبّت
چثیره ازنوج بالشدّات هبّت
وأنا أهوس ابکل شدّه القویّه
...
تجر بیّه المظالم و آنا اجرها
ابیوم الغیره طفحت وآنا اجرها
إخو للماجده آنا و آنا اجرها
تربّی اسباع تنطر بالثنیّه
...
گلت بحر غمج للسفن ونیر
او ما تنگاد گلت النذل و انیر
إشلون الحافک إنت الصخر ونیر
مو فولاد کیف انکسر طیّه
...
أهوازی آنا مطخ الراس ونیر
سفینه او بارضی دگّت علم ونیر
ابعظم ضرعانی اکسر الجبل ونیر
وأبنی البیت و أسکن حدر فیّه
...
ألف طارش علی أخوانک یساری
یلین المرمر الگلبه یساری
علی البیهم وفه شرشر یساری
او طوف الغیض لو کان إنت زیّه
...
شفت عندک خصم بالحد یعربیک
او یدّوّر ساحه للقادم یعربیک
اصلک ، هلک و ادیارک یعربیک
انتمی ، الهم الوحده التهد فیّه
...
عندی اویه الدهر حربه وخطوای
او یضوگ الویل بحزانی و خطوای
تعلّمت الغدر منّه وخطوای
إسیوف إجیال تفزع من تحت التراب
...
یجاهل خبر من عندک وردنه
ابدلال اسیوفنه ابصدرک وردنه
نموت اوگوف لون الدم وردنه
الزلم تنعرف عید النه المنیّه
...
گص لک لحم من مدورک وأحلالک
او لا منّت الگصّاب الک وأحلالک
حافظ علی لمّت هلک و أحلالک
تستانس ابدیوان إبوک امعمّر
...
اجلبنّک یلیلی ابهجر حبّی الوای
علی الّی غث هوانه او ما سکن ویّای
الشیب الدهورانی او عینی تمطر مای
المختاض او یلاهد کیف تشریبه
...
جاسم ثعلبی (الحسّانی) 19/05/1400
:: برچسب‌ها:
ابوذیّات ردود و ثبات ,
:: بازدید از این مطلب : 1362
|
امتیاز مطلب : 0
|
تعداد امتیازدهندگان : 0
|
مجموع امتیاز : 0
عضو شوید
عضویت سریع
آمار مطالب
آمار بازدید
