لطمیّه خویه اویاکم اخذونی
صاحت زینب العبّاس ،خویه اویاکم اخذونی
یم الکفر بالمیدان ، وحدی لا تخلّونی
...
من طاح البطل عبّاس ، بالطف گطعوا اچفوفه
ضل یم النخل ممدود ، یتباهه اویه معروفه
خجلان امن اخوه احسین ، یریت ایکون میشوفه
ابصدره ارماح تجری او صاح ، لخوی او لا تودّونی
صاحت زینب العبّاس ،خویه اویاکم اخذونی
یم الکفر بالمیدان ، وحدی لا تخلّونی
...
اجاه احسین مثل اللیث ، یتلاهب ابنیرانه
ابن ابوه او شافه بالمیدان ، مطروح اعلی ضرعانه
شاله اعلی الصدر محزون ، شم نحره او جلب عانه
گالاله یخویه احسین ، خلنی ابمنحری اعفونی
صاحت زینب العبّاس ،خویه اویاکم اخذونی
یم الکفر بالمیدان ، وحدی لا تخلّونی
...
یم عبّاس اخوه احسین ، صارت ضجّه بالنسوان
تتلاعه حرم واطفال ، فزعت کلهه بالمیدان
شالوا جثّة العبّاس ، ابو فاضل بطل عدنان
او زینب حالهه ابیا حال ، تنوح او خابت اضنونی
صاحت زینب العبّاس ،خویه اویاکم اخذونی
یم الکفر بالمیدان ، وحدی لا تخلّونی
...
اطفال التربی للسقّای ، جوع او عطش سابیهه
و الساقی انغدر بالموت ، غیره من یروّیهه
حر او عطش والدماّم ، او بس احسین حادیهه
ابصبره هوّد النسوان ، کافی النوح جدّام الیعادونی
صاحت زینب العبّاس ،خویه اویاکم اخذونی
یم الکفر بالمیدان ، وحدی لا تخلّونی
...
نعت زینب لبو فاضل ، کفیلی شو غدر بیّه
چا وینه الوعد عبّاس ، وحیده یم بنی امّیه
تشب بخیمنه های النار ، و اخوی او جثته مرمیّه
علی الصبخاء او رمال الحار ، وین اهلی او یعازونی
صاحت زینب العبّاس ،خویه اویاکم اخذونی
یم الکفر بالمیدان ، وحدی لا تخلّونی
...
التمّن یمهه النسوان ، زینب تبچی همّاله
اعیون التجری کالنهران ، اعلی ابو السجّاد و اعیاله
زلم و استشهدت بالثار ، گوم ایزید و ارجاله
وحید احسین بالمیدان ، چا وین الیعینونی
صاحت زینب العبّاس ،خویه اویاکم اخذونی
یم الکفر بالمیدان ، وحدی لا تخلّونی
...
شاعر اهل البیت: جاسم ثعلبی (الحسّانی) 24/05/1400
:: برچسب‌ها:
لطمیّه خویه اویاکم اخذونی ,
:: بازدید از این مطلب : 1498
|
امتیاز مطلب : 0
|
تعداد امتیازدهندگان : 0
|
مجموع امتیاز : 0
عضو شوید
عضویت سریع
آمار مطالب
آمار بازدید
