اُغنیبة موال و ابوذیّه و چوبیه
بإسم حبیتک لا تنسانی
یا من جرحت الگلب بحزانک سهم من شله
واعدت بالضیج توگفله او تسل من شله
و اتحاسب الغیر من سامه ابذهب من شله
بالک تضل تارکه تتفرّج علیه من تعب
او تلتهی ابمجفاک بفراحک تسر من تعب
و ابخوّتک های صایر لی نهب من تعب
و انت الچنت عون تتفاخر اصل من شله
...
علی دونک مصایب سبن هاون
او صرت اید او تگ بحشای هاون
یگلبی اشتنتظر لعضاک هاون
تَون لیل او نهار اطبج سویّه
...
وینک شلّیت احوالی ، یالچنت الگلبی غالی
افراگک شلع دلالی ، امفارج ما تنشد بیّه
...
اعاین الدربک ما جیت، طال الفراگ او سلّیت
لا حسّبت لا نشدیت ، ارحم ابحالی اشویّه
...
حبّیتک لا تنسانی ، ابعید الدرب اذّانی
امعذّب و أجر بحزانی ، واتحلّم ترجع لیّه
...
لا فکّرت لا حنّیت ، لا تنشد او لا سئلیت
عایفنی وحدی ابهل بیت ، ابذکرک و احن لیلیّه
...
انت السماء و اهلاله ، و انت المضیف ادلاله
ما تنشد گلبی ابحاله ، و ابدیرة المنسیّه
...
معروف اصیل ابصیتک ، او بالدرب ننطر جیتک
بیدک فخر خاچیتک ، او من ترفع الچفّیّه
...
طالت الفرگه اویاکم ، ما ینحمل فرگاکم
خلونی ضیف احذاکم ، واتوچّه بالعوچیّه
...
وین الاهل حاچونی ، شوفی انعگد بعیونی
لو تیّهت دلونی ، ردت الوفی ایمر بیه
...
جاسم ثعلبی الحسّانی 09/06/1400
هدیه الی ولدی المسجون ابو آمنه
:: برچسب‌ها:
اُغنیبة موال و ابوذیّه و چوبیه بإسم حبیتک لا تنسانی ,
:: بازدید از این مطلب : 1010
|
امتیاز مطلب : 0
|
تعداد امتیازدهندگان : 0
|
مجموع امتیاز : 0
عضو شوید
عضویت سریع
آمار مطالب
آمار بازدید
