ابوذیّات الغیّاب
عمر خلّصته بالنهتات و تهل
علی الّی شال عینی تصب وتهل
یمته نجمة الّی غاب و تهل
او یکحل العین بافراحه الزهیّه
...
الگلب چندوب اصبرنّه شهدبیه
علی ضیم السده العلیّه شهد بیه
القلّم تعّبته سهّرته شهد بیه
کتب ستین دیوان اشفه بیّه
...
جزع صبری حبیبی او باد منّاک
حرت شایل عذابک حمل منّاک
کل ضیم الّفانی اعتقد منّاک
لفانی الشیب و انت اتتیز بیّه
...
الصاحب یکرم الصاحب و جاله
ایتعنّه الشوفته حافی وجاله
یزیل الضیم من حاله و جاله
یحرگه او یشفی گلبه امن الاذیّه
...
استحی خیّک علی سیفک تسلّه
حدر الوای بالضیجه تسلّه
العریضی الیفرح ابشتنه تسلّه
نسیته الچان یتعیّل علیّه
...
الیحب یتحمّل المحبوب منّه
اعلی بوسه او یختجل ویزود منّه
ولفی طار مامن خبر منّه
اظن انصاد شو ما رد علیّه
...
خبر جانی خبص روحی بیدها
الشمس خطبوهه و الورده بیدها
ازجرتهه او ما رضت تحلف بیدها
مثل واوی الصبخ تربی علیّه
...
القدر من ربّی کاتب علی ورضا
ابّناک اختل ورا الجوعان ورضا
صرت عگرب علی بالدار ورضا
احوس انگرّص اسکت تحش بیّه
...
لحط گلبی ابجدر و ابنار ویفار
حسافه طیری بیدی حاط ویفار
خزعل ضاگ ضیم الجار ویفار
و انا ضگته او تضوگه الکل سویّه
...
یگلبی لا تطیع الظلم ونصاد
البلانه الیوم عینه تضر ونصاد
طیری فوگ راسی حاط ونصاد
رموه لو طمّعوه یبعد علیّه
...
گلبی امن الهظم شب نار ونطر
زمانی کلّه بیه حرمان ونطر
نشیل الیاسلف یا بلد ونطر
البت و امهه علی صارن بلیّه
...
العنه البیه اذء للخلگ وصله
یشگ والحم و اعمر اعیوب وصله
بطارش روح اخذ مکتوب وصله
لبعیون الشگر و انفیه الیّه
...
اعت حبل الوصل بیه فصل بسمات
اشوف البطل ساکت و در بسمات
یگولون الصدگ ما مات بسمات
الکذب صار الصدگ للبیه اذیّه
...
یخل سرّک علی البیه ذات بینه
نحب نکشف خطاء الاحباب بینه
لا تگلب حقایق تضر بینه
الیضرنی ایضرّک ایضر الخویّه
...
هله او یا مرحبا ابضیفی وحیّاک
تجی لو انا اجی البیتک وحیّاک
اشو فرحان متنومس وحیّاک
دبشّرنی ابخبر بیه خیر الیّه
...
گلبی درکته الرحمه ولا طار
عفیف الکل غبی ما مر ولا طار
الما نشّط عظم جنحه ولا طار
الاصل بالسبّگات اتضل قویّه
...
الجاه القوّه حیل او مال بثّار
حلال الجار دش بالزرع بثّار
یا هو الّی تطلبه الجار بثّار
وین اهل العداله افتوا علیّه
...
یولفی اسرع او روف الجرح بسمار
شفت منّک عذاب او ضیم بسمار
الزمان الدگ ابگلبی الف بسمار
او کل بسمار بیه راسین اذیّه
...
یصاحب بیه الم گلبی ولاجت
انتظرک عینی دم صبّت ولاجت
اذا امّک تمانع لک ولاجت
ابوک اتوسّله ایحل القضیّه
...
جاسم ثعلبی الحسّانی 18/06/1400
:: برچسب‌ها:
ابوذیّات الغیّاب ,
:: بازدید از این مطلب : 1426
|
امتیاز مطلب : 0
|
تعداد امتیازدهندگان : 0
|
مجموع امتیاز : 0
عضو شوید
عضویت سریع
آمار مطالب
آمار بازدید
