سفیر الحب

هرم مخمّس مختلف إلقافیة من إبداع إلشاعر

من تجیبنه

لازم   إتسلّم    علینه

تحترمنه إتدنّگ  إلنه  إتبوس  إدینه

إبلا تکبّر لا خباثه لا عداوه  تصغی  إو تسمع  حچینه

تهتم إلنه إبکل نواقصنه الشریفه إو تسئل إلشیخ إبمضیفه وشّربنه وشکلینه

إتگول لاله

عوف  مربضنه  إبحلاله

ذاک دربک إو عوف گمگمنه إو دلاله

لا تقطرس لا تدوحس لا تمارس و إترک إلحال إبرجاله

إحنه ساده أحفاد حیدر من نبینه أهل إلإصاله إسمع إحنه أهل إلجلاله

فرهدتنه

جنّه چنّه إو دمّرتنه

صابرینه إتغرّبینه إستکبرت ما ساعدتنه

إلمات مات إلضال واعی إبضیمنه إنلوع إو عفتنه

إلشایل إیده إبلا حدیده إلدم عضیده إبشعر راس  إو شبّگتنه

کل رجاله

إمدلل إو   فاقد   عداله

إیغمّض إعیونه إبسدنه إیحوف من یسرق حلاله

و إحنه نوبه إنفیض نوبه إلکل عطاشه من یجب طاغی إبسؤاله

إلگال إیه مچتوف یصبح   ألگال لا کون   إیتحمّل أخسه  ضربات  إلرذاله

ای سکتنه

لان  بس  إلموت  حگنه

شلنه للصحرء ضحایا منّک إبکوخ إو لبدنه

گمت ضدنه إو هدّدتنه إو ما تساعد چلمه حلوه ماوجدنه

بس بعد متخاف ربّک آه یذنبک وینه حبّک  إبفشگ ضربک حمّلتنه

یا سلام

صارت إلعیشه إنتقام

لا سیاسه إو لا حماسه  إو   لا کلام

ما تباشر لا تشاطر بس تفاخر گمت ترمینه إبسهام

عذّبتنه مرمرتنه دمّرتنه خجّلتنه سودنتنه و إلسهم شل إلعظام

شفنه صیتک

گمت بس  إتحلّی   بیتک

إتخرّب إبداری إلمزهیه إو شاتل إبگلبی أذیتک

إشدبّریت إشثمّریت إشطوّریت  گمنه  نسمع  بس نهیتک

إترک إلشر إبمکانه إو حاور إلطیب إبزمانه لا تهوّس بعد ما تاکل شچیتک

أللّه إلنه

القادر إیلملم شملنه

یدری بینه إو شاهد إو ناظر تعبنه

إیصابر إلنه إیکابر إلنه من فکرنه من سهرنه

إتهدّلینه إتهلوسینه إتوحّدینه إتقاربینه إلیوم میعاده نظرنه

هو حاکم

ما یظل بإلدیره ظالم

مثل ما ینهت إو یهتف بینه سالم

لا بگت عیشه هنیّه إو لا بگه تاجر إو داعم

إلکل یتامه مات أبوهم و إمهم أنعت مثل روعة خدّه ناعم

خلنه جوره

إلعید متهنّی إبسروره

و إلگمر بإلسماء یزهی إو ضاوی نوره

جانه رمضان إبکرامه و إبمقامه و إلصیام أمهل سحوره

إلجاع و إلعطشان ینطر وکت میعاد إلغروب بإلاذان أجمل فطوره

وینه حبّک

هم تسد بیبان ربّک

هم تگول إبکل صلافه واشی ذبّک

هم تگول إحثال عدنه إمن إلزحف عاطل إبدربک

خلنی ساکت بمتنانی خلنی سکران إبحنانی بس بعد ما بیّه أسبّک

مالی چاره

إنگطعت إبدربی إلزیاره

بل قطار إو عطل حادث لا قیاده إو لا إشاره

ظال بس أهرس عذابی جمره و إتچوّی إبمصابی إبگلبی ناره

هذا طوری هذا شوری إهناه یحل موتی إو سروری هذا بیتی إو عینی داره

شاعر و مبدع ألشعر ألهرمی: جاسم ثعلبی ألحسّانی 25/10/1400