تجلیبیّات ألحسّانی
ولفی زجرنی إو بإلفعل أذّانی
یرسل رسالة إیگول لا تنسانی
دمعه یصب و إینوح ساهر تعبان
متأذّی و إیفکّر أحس بیه خلصان
مدری شجاه سدّد علیّه إلبیبان
و أنا أنتظر یتّصل بس ماجانی
...
أنا أنتظر یتّصل و إیمر بیّه
إشما أجر قهر یرجع علیه تالیّه
ما أحس گلبه ینکسر ماکو إحساس
شنهی إبضمیره إیدور إلی ماینقاس
ممّن إبقوله من حلف بإلعبّاس
کل ما یمر یلدغنی لدغة حیّه
...
یلدغنی ناسینی أحبّه إمن إسنین
لو ینگطع ذکره یهل دمع إلعین
مانام لیلی لجله من ماشوفه
شابع قهر و أنا أنتظر معروفه
أشم إلصبر ریحت عطر بزلوفه
غاب إلگمر و إحنه إبألم منتظرین
...
طال إنتظاری إبعید أظن ترکانی
یم إلمحطّه منتظر ماجانی
تعبان أباوع للعبر رایح جای
کلمن گربلی أگول أظن هذا إهوای
مجروح گلبی و إلولف عنده إدوای
من حبّه و إوصاله أعتقد حرمانی
...
لتخاف یا حبّی إبتسم حاچینی
فدوه إلک روحی إو حیاتی إو عینی
شوف أنا یمّک لا تهاب إلعدوان
إتحذّر إبشدّه أسرار گلبک بیبان
لا تنفتح یم إلأصم و إلبکمان
إیضرنی خریر إلسانک إو تاذینی
...
من عندی لتهاب إلیحوفک ، مامون
تدرینی أحبّک بشتیاقک مجنون
حط عینک إمن أحبابک إینطرونک
لیل إو نهار إگبالک إینظرونک
خایف علیک إمن إلهوی إیسلبونک
إیتهمونک أنت إمنجس إلهم ماعون
...
یتأذّه گلبی من یشوفک تعبان
و إلّی یخونک ما أحس بیه إنسان
ویّاک ألوعن لو لعت لیلیّه
أعیّد إبعیدک و ألبس إلخاچیّه
روحی فدوتک ماهی إلک مخفیّه
هذا وعد هذا عهد هذا إیمان
...
إلبیه وفه خذ علگ من إلحافه
یستاهل إتبوسه إبّین إشفافه
صاحب محنّه إو معرفه إو صاحب طیب
صوغه إبذهب خاتم إلک حد إلشیب
شیله إعلی راسک بإلجمع ماکو عیب
إتعرفه إلکحیل إلوفی من أوصافه
...
وأللّه عجیبه عندک إگلوب إثنین
ما حسّبت تلعب علی بإلحبلین
إتواعدنی و إتواعد ألف یومیّه
ملّیت ما أتبعک بعد ما بیّه
مختلفه بإلباطن أحس إلنیّه
بإلعافیه إو کل إلعمر متونسین
...
شلتک علی إچتافی إو چنت متعافی
و أدری تذلنی إو بإلتعب متوافی
یا ما تعبنه إو سافرینه أنا إویاک
لا تنکر أیّام إلمضت و أتحدّاک
طلعیت خاین گلّی من هو إلوزّاک
ویّاک ذایب چنت گلبی صافی
...
ذاک إلدرب إبعد و لتحاچینی
ما بیّه أحمل ضیم لتأذّینی
گاضیهه طگ إبطگ عمر فات إسنین
بس بإلطلایب کل وکت متحزمین
و أهل إلشماته إویاک أظن موجودین
و إشلون أرجعک لو طحت من عینی
...
جاسم ثعلبی ألحسّانی 12/11/1400
:: برچسب‌ها:
تجلیبیّات ألحسّانی ,
:: بازدید از این مطلب : 819
|
امتیاز مطلب : 0
|
تعداد امتیازدهندگان : 0
|
مجموع امتیاز : 0
عضو شوید
عضویت سریع
آمار مطالب
آمار بازدید
