دارمیّات متنوّعات
لتگلّی أنا إویاک لا مانی ناسیک
تنکرنی لیله إبیوم لو ما أمر بیک
...
عینک فشگ قنّاص ما راید إسلاح
حیّرنی حبّک حیل شل عگلی ورتاح
...
گلبی إشتعل بیه نار لمّن هوالک
و إبفرد نظره إنصاد و أسلم وجالک
...
لتگلّی کیف أنساک گول أنا ویّاک
أنسه أهلی أذوب إویاک من أگعد إحذاک
...
إلطم بخت ضر إلنّاس بإلنار أدوّیه
إلخان إلصداقه إو عال گلّی إشنسمّیه
...
أحمی إلحدید إبنار یحمر و أهد بیه
إلینکت إبعرض إلنّاس بعیونه أچوّیه
...
چوّیته گلبی إو عاد ظل یمغث إردود
یجبرنی أمّرن بیک إشما أسکت إیزود
...
لو عندی إجناحات إو صحّه إو سلامه
أطیرن و أجیک إبللیل مثل إلحمامه
...
تنشدنی أنا إبیا حال یوم أرده من یوم
حال إلسدانه إبمای ما تگدر إتگوم
...
إچّندوب أعد عیلات و إلبیّه بیّه
بگماطه إلبد ذات ویهد علیّه
...
یخزرنی إبو إتویلات ما أدری شیرید
یتمنّی أحچی إویاه یشّرلی بإلإید
...
أنت ألوفی بإلذات لا ما أعوفک
إلدّنیا متربه حیل و إشلون أشوفک
...
إلضرّک جرحنی حیل خزّن ولا طاب
و إلّی یذمّک یوم لا یگرب إلباب
...
وینک عزیزی إلیوم إمعذّبنی وأهواک
و أنت إلسکنت إلروح ما أگدر أنساک
...
إتواعدنی و إتخل لیش یلّی هویتک
متعنّی إجیت إلیوم بس ما لگیتک
...
حدر إلشمس ناطور متحمّل إو وای
کل یوم أگول إلیوم یلفینی إهوای
...
عفیه عله إلربّاک زاد إبدلالک
مالک خبر چا وین شنهی إلجرالک
...
إلیحب مشی أتعنّاه منّاه للعراگ
شیّبت و أنا إصغیر من کثر إلفراگ
...
گلبک شعبنی إهوای چا وینه محتام
أنتظرک أنت إتنام و أنا أحسب أیّام
...
شال إو ذهب لبعید ما دردشالک
چا وینه إلّی چان ساکن خیالک
...
ما تنشد إعلی إهواک چندوب أوصّیک
غسلیت إدیّه إلیوم ما أمر بعد بیک
...
عایز عذاب إو ضیم محّد یواسیه
شفت إلگلب مرتاح گمت أنت تاذیه
...
إلما یوفی بإلمعروف لعنه إعلی إبیّه
ربّیته إربه إلطیر صارالی حیّه
...
إلحامل کدوره إو شاخ مالی شغل بیه
وإلّی یمسنی إبضیم أللّه إلیجازیه
...
إلما عنده طیب إو ذات إخوی إختی إهوای
و إلّی یضرنی إیرید لا یگرب إحذای
...
کلکم حیایه إذیاب و إدیوچه و نعای
ما أرید أنا إلبد ذات یتعاشر إویای
...
إلراضع ثدی ویّای ما أریده مندوم
أرید أنا إخوی إدوای یشرک بإلهموم
...
إبن إمّک إتربّیه ینطر وصالک
کون إبفرح و إبضیج تابع خیالک
...
ما أرید إنا إلمدلول بس إسمه والی
أرید إلّذی إبکل حال حاله إعله حالی
...
إلخوّه عد عبّاس ما منهه موجود
إلتابع إمریته إو شال یتندّم إیعود
...
لا لا ترد ما فاد و إبگلبی أفداک
أنت إلعفتنی أرجوک روح أللّه ویّاک
...
یلّی خنت ملعون هدّمته بیتی
لحفادی بإلدم عاد و أکتب وصیتی
...
یا ولفی أحس تعبان شاشه إبّطن مای
ها چنّک إحترّیت و إتمزمز إحذای
...
ما کفنه إلحدّاد عاد إلظلم عاد
و إلبیه أذیّه إیضوگ ضربات إلأمجاد
...
نبدی إو نودّی إنذار سیّد حکم شاه
و إلما عرفنه إبیوم نتعارف إویاه
...
ربّک یحسّب بیک و إلعنده راده
کل شی إلخلق بل کون بس للعباده
...
جاسم ثعلبی ألحسّانی 30/02/1401
:: برچسب‌ها:
دارمیّات متنوّعات ,
:: بازدید از این مطلب : 1087
|
امتیاز مطلب : 0
|
تعداد امتیازدهندگان : 0
|
مجموع امتیاز : 0
عضو شوید
عضویت سریع
آمار مطالب
آمار بازدید
