أبوذیّات شافعات
إلتبختر یم حنانک لایجلهه
إشمتصیر إبجمالک لایجلهه
إلتعافه إبضحچة إمّه لایجلهه
یلهمه إلفگر بمواله إلثریّه
...
إلشفاعه عند إبو إلیمّه وطبها
إلحضرته أروح متعنّی وطبها
أعتنی راید دوا إلعلتی وطبها
إبثنیته أجلس إو أنطر حلهه إلیّه
...
قسم بإلّی نزل دمّه وریده
إو بحق إلّی إنذبح بإلطف وریده
یبو فاضل طلب عندی وریده
إبیومی إترجّع إلغائب علیّه
...
جمعه إمبارکه إعلیکم وهلکم
تتم إبفرح لمّتکم وهلکم
گلبی دوم ذاکرکم وهلکم
یمرکم کل صباح إو کل مسیّه
...
من منکم علی فد یوم مربای
و أنا إلچنت یمکم عون مربای
إلأسف ما فاد تعبی إویاه مربای
غریب إبدرب من إیمر علیّه
...
یگلبی إعلی إلیودنی إشتمر عفنی
إبصحیح إنزرع ما بیه ثمر عفنی
إلربه إبحضنی إو صعد للگمر عفنی
یجل نجمة حیاته إو یرخی بیّه
...
إنفجر گلبی إو تهل بإلعین عبره
إو دمعتی إتجر لبو إلحسنین عبره
إمن إبو فاضل إتعلّم و إخذ عبره
للتارک إخوته أجمل هدیّه
...
إلوجب رکعت صبح سارع فصلها
إبوکتهه إو کاسرت زاید فصلها
إلمودّه إلّی إنگطع بتها فصلها
إلخباثه إلواث للما بیه حمیّه
...
إبخبث دنیانه ربضت من یردهه
إو ضاع أبتر إبسدهه من یردهه
إلملسونه إو خبیثه من یردهه
تضل ترگص هچع تفنی إلخویّه
...
یدنیه من علی ترمین ودّاچ
أظنّه إلحرگ بیتی إبللیل ودّاچ
إلخاین بأهله و إلطمّاع ودّاچ
عمیل إو تابع أسیاده إبشریّه
...
گلبی إمن إلظلم طامس وحیداً
إنطلبنه إنحرّر إلإمّه وحیداً
إشتون و إحسین بإلحومه وحیداً
إو یزید إویانه یعبث بإلثنیّه
...
لجل طمس إلظلم نهتم ولحسن
مع أحفاد إلنبی نلتم ولحسن
من إحسین إطلب إلهمّه ولحسن
علی کنس إلبطل نبرز سویّه
...
إترابک شطّک إو مایک وطن لک
إلخطر کم مرّه یم إذنک وطن لک
إلبچی و إللطم ما یحرس وطن لک
إلکفر وازونا خل فکرک تچیّه
...
إلبخل بأهل إلشرف و إلجود ونّاس
یضر بإلإمّه کلمن خان ونّاس
أدعی أهل إلعلم و إلدّین ونّاس
علی محو إلظلم نهتم سویّه
...
إلفقیر إلنذر یطبخ یفض موثر
إلحزن للیمّه نوح إو لطم موثر
إحسین إیرید منّه علم موثر
نسابق بإلإمم نبدع هویّه
...
رضات إحسین إلک جنّه وسرها
إبوصیّه إبگلبک إحفظها وسرها
إبنموذج ربّی عائلتک وسرها
إبأداب إو سنن سید إلبریّه
...
إیزید أرثه إلخلافه ودّعاها
و إحسین أرشد إعدائه ودّعاها
إبأخر لحظه زینب ودّعاها
إو نقل لخته إلقیاده إلهاشمیّه
...
إحسین إبکربلاء لا طخ ولا ذل
ولا رأس إلشمخ ضدّه ولاذل
إبهجومه أحیاد طشّرها ولاذل
إلهمج شارد لبس ثوب إلخزیّه
...
یجب نکسر سکوت إلخوف وجره
یدمنه سیل زیل إلعار وجره
إلیناظل ضد ظلم ما ضاع وجره
إمن إبو إلأحرار إجت های إلوصیّه
...
هوا إلتحریر من إلنفّس من هب
و إبدرب إحسین سرنه إو أبد من هب
وگف بإلحومه مثل إلأسد من هب
إو فده روحه لجلنه إبن إلزچیّه
...
جاسم ثعلبی ألحسّانی 17/05/1401
:: برچسب‌ها:
أبوذیّات شافعات ,
:: بازدید از این مطلب : 712
|
امتیاز مطلب : 0
|
تعداد امتیازدهندگان : 0
|
مجموع امتیاز : 0
عضو شوید
عضویت سریع
آمار مطالب
آمار بازدید
