ابوذیّات جواب السائلّات
کتلنی طولک او حسنک وحجبک
اتمنّی ابگلبی اضمّنّک وحجبک
متی ما اشتهی ازورک وحجبک
ابحجر شیطانّه انرجمه سویّه
...
نسلتک شمّرّت زلفک ولفتک
خنت و اتحمّلت حچیک ولفتک
یگلبی امن الیعذبونک ولفتک
او حر عیش اببلد ما بیه اذیّه
...
گلبی ما عله ابزودک شرکبک
عنید او عابر احدودک شرکبک
قطار العمر سار ابعد شرکبک
بطیت او ما ردت نصعد سویّه
...
الیضدنی ابکل مگاعد واله بیه ناب
التهم گلبی العنید او بگه بیه ناب
ایقابلنی او یفر بالحچی بیه ناب
قوی و ابقوّته امصیطر علیّه
...
شاهر ظاهر انا اهواک منساک
او خلّه الّی جفاک اشهتک منساک
اظل اعلی العهد یا وطن منساک
یظل اسمک عدل و انت الهویّه
...
الیرید الفخر یسعی او وصل شاله
الیطیح او جرحه بالنهتات شاله
البطل حاور ابزوده العلم شاله
امام اعداه ما هاب المنیّه
...
ابحلم دشداشه الی ولفی فصلها
ابکلبدون اصفر او خیّط فصلها
انتظر بالعجل ودّیهه فصلها
ترا قل صبری و اعیونی ربیّه
...
ابروحی اهموم غلّت من جفتهه
اسربت و ابلت العالم من جفتهه
اویلی الّی تضیفه منجه فتهه
اذا تبغی طلق ترجع علیّه
...
خالی او منجدتنی منته خالی
نخیته ابضیمی یهتم منته خالی
تخوتل یم دلیلی منته خالی
اضننّک ترید اتعیل بیّه
...
رمنّی حافیات الشوم دلّن
او شنادیخ السهم بحشای دلّن
اشعدچن ما اتیه الهاد دلّن
اببّر و اببحر و اعیونی ربیّه
...
هدم بیّه الوکت وانهضت سبنی
من ادیاری العزیزه علی سبنی
زمانی و الیضدنی اویاه سبنی
احبابی ارکاک تتطمّش علیّه
...
ختل بیّه الوکت بالدار ونهار
امتابعنی ابلیالی اظهار ونهار
ابّناه یفلکنی و ادوی ابنار ونهار
جبل صامد لگانی او عف علیّه
...
ینایم اصحی من نومک ونهلاه
علی الشایل دمع ننزف ونهلاه
الوطن یسئل ثقل حمله ونهلاه
هله انت او انا او باقی الخویّه
...
زمانی اهومه ابروحی ملاها
او غدت داره ابفگد ضیمه ملاها
ما هی عیشه احس گلبی ملاها
ایتمنّه الموت لو عیشه ابهنیّه
...
الزمان اجروح بمتونی کراها
ابسیفه او فردش اضلوعی کراها
ما عنده صلح حامل کراها
ینام او یگعد او یهجم علیّه
...
جاسم ثعلبی الحسّانی 22/06/1400
:: برچسب‌ها:
ابوذیّات جواب السائلّات ,
:: بازدید از این مطلب : 1283
|
امتیاز مطلب : 0
|
تعداد امتیازدهندگان : 0
|
مجموع امتیاز : 0
عضو شوید
عضویت سریع
آمار مطالب
آمار بازدید
