ابوذیّات رسوم الحب
اکسرت باس الزمط عفنی ضربنی
او زحف لاگیته من ربعی ضربنی
ابشیلت راسی ابن عمّی ضربنی
ابحلات الطگّه ناح استر علیّه
...
الیودّگ گمر بالیالک وجالک
ابسعاده ایواعد اجیالک وجالک
اشحلات المحب لو طاعک وجالک
ملک و امن السماء نازل شفیّه
...
چنت راسم گلب حبّک وریدک
او تحس بالشوگ من تبلع وریدک
ترید اتگول ما اطیعک وریدک
عساها ابحظّک انت الخنت بیّه
...
الشهم والبیه وفه ابفعله حرمته
او روحه من هوی نفسه حرمته
ابعداله ایسیر ما یتعب حرمته
امعلّم ینهی بهمومه ابخفیّه
...
اجرحن گلبی المصایب والهدنّه
او تصب عینی اعلی خدّی والهدنّه
علی الما ودّعونه و الهدنّه
اون باللیل وناتی ابخفیّه
...
اکحیله الروح اشلهه منتخلهه
تهدگک من تزلهه منتخلهه
اذا قصدک تذلهه منتخلهه
اربات اشیوخ تطرب بالهویّه
...
جنّه او تزهی بورودک شکربک
هوا او تتنفّس ابروحی شکربک
حلو واملوّنه ازلوفک شکر بک
الیبوسک یشرگ ابنار المنیّه
...
الربه مو بس للام ارضک شملهه
نخلها او هورها او شطها شملهه
الدیره الّی صرت بیهه شملهه
اشم بترابها او اصفج بدیّه
...
تیهه الزین وسط العرب لوتاه
واتبعه او ضیفه لوته ابّطن لوتاه
احجزه الشوره بید الغرب لو تاه
یسبب لک زعل بیه هم و اذیّه
...
اذا بیتک تفردش من نخلته
العثگ ینباگ سلته من نخلته
الصدیق ایکون صادق من نخلته
السقط بالنخل ما بیه مرحمیّه
...
الزعل بالود تبدّل من هویته
خضر یابس کربته من هویته
الاصیل انعرف صیته من هویته
یشیل اهموم غیره ابلا تچیّه
...
اعت مرکب هوانه وانت جاره
و احذرک باحتضاره وانت جاره
تبیعه ابلا اشاره وانت جاره
ابغلاته او خلنه نفلک بیه سویّه
...
جاسم ثعلبی (الحسّانی) 30/03/1400
:: برچسب‌ها:
ابوذیّات رسوم الحب ,
:: بازدید از این مطلب : 1235
|
امتیاز مطلب : 0
|
تعداد امتیازدهندگان : 0
|
مجموع امتیاز : 0
عضو شوید
عضویت سریع
آمار مطالب
آمار بازدید
