دارمیات عتاب
یا ما گصیت اویای یا ما خنتنی
اعبّی ابشبل عیلات من عذّبتنی
...
قاصد تعذب الروح و اتخل ولیهه
ابوکت الزعل و الضیج لا تگصی بیهه
...
اشجابک علی یفلان لتگلّی مگرود
تنکرنی بالّحظات او تنسانی واتعود
...
ادری ابعشرتک موت کلّک بلیّه
حتّی ابسلام انّوب تبخل علیّه
...
ما اعتب اعلی البین اعتب علی اهوای
الباخلنی لیش ایخون او یتعاده ویّای
...
الربّیته اربه الطیر او عرّفته بعدای
عاندنی وکت الضیج او شچ رمحه بحشای
...
هم شفت هو سمعیت حب بیه اذیّه
جرحی ابملح ملحاه او یضحک علیّه
...
ابّطن الگلب شتلیت نخله احذه بابک
تاکل رطب مدبوس لو جر عذابک
...
اهلاً و سهلاً بیک یمسلّی الروح
جیتک یبعد الروح تشفیلی الجروح
...
انت الگلب و الروح ما ضنتی انساک
اتبشّرنی اضل ویّاک یا محله ملگاک
...
حملت او تعبت بیک او ذبّت حملهه
الام العزیزه انهاک بالک تذلهه
...
امک فخر بالدار لا تجفی بیهه
یلّی بعدهه اویاک عینک علیهه
...
ابوک الطبیب اویاک تحثر یعدلک
اوکل شی الفعلته اویاه باچر یرد لک
...
استاد او امین احذاک و امأمّن الدار
ابوک السند و الجار او مفتاح الاسرار
...
حذّرک رب الکون واجب تعزهم
امک و ابوک النار بالک تمسهم
...
لو چنت سبع البید تنذل بعدهم
باریهم انت انسان اُف لا تگلهم
...
الام و الابو آیات نشرتهه الافاق
والّی احترمهم دوم تملیه الارزاق
...
أسمع یبعد اچلای لا تگرب اعلیّه
بیت الیخون ارباه کل الفگر بیه
...
الام و الابو نجمان ما الهم احدود
و ابکثر ما ربّوک ربّیهم او زود
...
کلمن یعذب النّاس یکتب وصیته
او یا دعوة المظلوم نار اعلی بیته
...
جاسم ثعلبی (الحسّانی) 19/03/1400
:: برچسب‌ها:
دارمیات عتاب ,
:: بازدید از این مطلب : 10009
|
امتیاز مطلب : 0
|
تعداد امتیازدهندگان : 0
|
مجموع امتیاز : 0
عضو شوید
عضویت سریع
آمار مطالب
آمار بازدید
